Êsai 37:13 - Sơ̆p Hlabơar Nơ̆r 'Bok Kei-Dei

¹³ Pơtao pơlei Hamat, pơtao pơlei Arpat, pơtao pơlei Sepharwaim, pơtao pơlei Hêna păng pơtao pơlei Iwa tơ yơ?

Êsai 37:13 ပူးပေါင်းရင်းမြစ်များ

II Pot 17:24

Pơtao đe Asiri anhăk ba bơngai đơ̆ng Babilôn, Kuta, Awa, Hamat păng Sêpharwaim ăn lu sư oei lăm lu pơlei tơ Samari tơplih kơ lu bơngai Isơrael. Lu sư blah iŏk dêh char Samari păng oei lăm lu pơlei tơ noh.

II Pot 18:34

Tơ yơ yang lu bơngai Pơlei Hamat păng yang lu bơngai Arpat? Yang lu bơngai Sêpharwaim, yang lu bơngai Hêna păng lu bơngai Iwa tơ yơ? Lu yang noh hăm gơh pơklaih pơlei Samari đơ̆ng tơpang ti inh ưh?

II Pot 19:13

Bĭ pơtao dêh char Hamat, dêh char Arpat, pơtao Pơlei Sêpharwaim, pơtao đe Hêna păng pơtao đe Iwa, lu sư tơ yơ ngăl?”

Êsai 10:9

Hăm trŏ kơ pơlei Kalnô kư̆m thoi pơlei Karchêmis, pơlei Hamat kư̆m thoi pơlei Arpat, pơlei Samari kư̆m thoi pơlei Đamas?

Êsai 36:19

Tơ yơ yang pơlei Hamat păng yang pơlei Arpat? Tơ yơ yang pơlei Sepharwaim? Lu yang noh tam đei dŏng pơklaih pơlei Samari klaih đơ̆ng ti inh ưh?

Êsai 37:12

Lu yang, lu teh đak mă 'bok yă inh đei pơrăm lê̆ đĭ bơih, lu yang char Gôsan, pơlei Haran, Rêsep păng lu kon pơlei Êđen oei tơ pơlei Têl Asar hăm gơh pơklaih lu sư ưh?

Êsai 37:14

Hesekia đei iŏk kơthơ đơ̆ng ti lu bơngai năm roi păng đŏk lăng, Na sư năm tơ hnam Kră Yang, pơih kơthơ noh 'bơ̆t anăp Kră Yang;

Je 49:23

Khan lê̆ adrol gah pơlei Đamas: Pơlei Hamat păng pơlei Arpat hli tơrơ; yua kơ lu sư 'nao kơtơ̆ng tơdrong kơnê̆; lu sư tơtăm hơwơ̆l hơwang, thoi đak dơsĭ poh-yă.

Habakuk 1:10

Lu sư hiĕk pơjăm lu pơtao, hiĕk ăr kơ lu kuan pơgơ̆r păng hiĕk pơjăm kơ lu kơđông kơjăp. Sư kôch teh bơ̆ kơjăp, wă tŏk blah iŏk.