Êsai 36:8 - Sơ̆p Hlabơar Nơ̆r 'Bok Kei-Dei

⁸ Na dang ei iĕm athei pơma pơkăm bĕ hăm yŏng tơ'ngla inh, pơtao char Asiri. Tơdah ih chă đei tôm lu linh hao aseh, lei inh gô ăn kơ ih 'bar-rơbâu tŏ aseh.

Êsai 36:8 ပူးပေါင်းရင်းမြစ်များ

I Pot 20:10

Ben Hadat wơh bơngai nai dơ̆ng tơ'bơ̆p Ahap khan: “Apinh lu yang phak inh mă trăp tơdah 'mui teh tơ Samari tôm mah kơ rim tơpang ti lu linh lăm minh 'nu minh chup.”

I Pot 20:18

Sư khan: “Tơdah lu sư năm tơ âu apinh tơdrong hiôk-hian, lei iĕm athei rong arih; dah mă lu sư năm tơ âu wă tơblah iĕm kư̆m athei rôp arih mơ̆n.”

II Pot 14:14

Sư iŏk lu maih, hu, pơnhan păng dôm tơmam yua lăm Hnam akŭm kơkuh kơ Kră Yang păng dôm lu tơmam gĭt lăm hnam pơtao; sư kư̆m rôp pơgơ̆t lê̆ bơngai đơ̆ng lăm ei pơm bơnă, đơ̆ng noh weh brŏk tơ Pơlei Samari.

II Pot 18:13

Lăm sơnăm mă mơjĭt-puăn, chăl pơtao Hesekia pơgơ̆r, Senacherip, pơtao đe Asiri năm blah lu pơlei tih kơjăp, lăm dêh Juđa păng lu sư iŏk pơlei noh.

II Pot 18:23

Lei ih pơkă bĕ hăm yŏng tơ'ngla inh, pơtao Asiri sư khan: Inh gô jao ăn kơ ih 'bar-rơbâu tŏ aseh dah ih ăn đei bơngai wă hao aseh noh.

Êsai 36:2

Pơtao dêh char Asiri wơh 'bok yŏng anăn sư Rapsaka hăm lu linh sư lơ, đơ̆ng pơlei Lakis truh tơ Jêrusalem wă kơ pơtao Hesekia yơ̆r ti kiơ̆ Sư, Rapsaka dơ̆ng 'bơ̆t hơbong đak ro mơ̆t tơ Dơnâu kơpơ̆ng, trong năm tơ dơnih đak lu bơngai tong brai.

Êsai 36:7

Păng tơdah ih khan kơ inh, “Lu nhôn gơnang kơ Kră Yang 'Bok Kei-Dei lu nhôn, “Hăm trŏ ưh kơ pơtao Hesekia yuih hŭt lê̆ bơih lu anih tơ kơpal păng chơnang soi Sư, na khan kơ lu đe Juđa păng pơlei Jêrusalem: “Lu iĕm athei kơkuh 'bơ̆t anăp chơnang soi âu dah kiơ?”

Êsai 36:9

Ih ưh kơ gơh puh tơweh lê̆ minh 'nu yŏng linh iĕ hloh lăm lu yŏng tơ'ngla inh, mă khan ih gơnang kơ dêh Êyiptơ wă kơ đei gre aseh păng lu linh kư̆m ưh kơ kĕ.