Êsai 36:20 - Sơ̆p Hlabơar Nơ̆r 'Bok Kei-Dei

²⁰ Lăm lu yang dêh char noh tam đei yang ayơ dŏng pơklaih bơih dêh char sư klaih đơ̆ng ti inh ưh? Na liơ Kră Yang gơh dŏng pơklaih Jêrusalem đơ̆ng ti inh lĕ?

Êsai 36:20 ပူးပေါင်းရင်းမြစ်များ

I Pot 20:23

Lu đam Siri bơ̆jang kơ pơtao siri khan kơ pơtao sư: “Yang lu sư 'noh yang kông, thoi noh na lu sư pran hloh kơ bơ̆n. Mă-lei tơdah bơ̆n tơblah hăm lu sư tơ lăm thŭng dơnă, lei sĭt bơ̆n pran hloh kơ lu sư.

I Pot 20:28

Đei minh 'nu bơngai Kră Yang 'Bok Kei-Dei yua năm jê̆ pơtao Isơrael păng khan: “Kră Yang khan: Yua kơ kon pơlei Siri khan kơ Kră Yang noh yang kông, ưh kơ trŏ kơ yang thŭng dơnă ôh. Thoi noh na inh gô pơjao lu linh lơlap 'nâu lăm tơpang ti ih păng iĕm gô băt Inh bơih Kră Yang.”

II Ho 32:15

Thoi ei na, dang ei lê̆ pă ăn kơ Hesekia pơhlŭ lu iĕm, pơthơr chông lu iĕm, lu iĕm 'nĕ pă lui kơ sư, yua kơ ưh kơ đei yang char kiơ mă dêh ayơ gơh pơklaih kon pơlei sư đơ̆ng ti inh, dah đơ̆ng ti lu 'bok inh sơ̆; tơma kiơ Kră Yang 'Bok Kei-Dei lu iĕm khan gơh dŏng pơklaih lu iĕm đơ̆ng ti inh!’ ”

II Ho 32:19

Lu sư khan kơ Kră Yang 'Bok Kei-Dei pơlei Jêrusalem thoi lu yang kon pơlei đơ̆ng ti kon bơngai pơm.

Horiso 50:21

Noh boih mă tơdrong ih đei pơm. Mă-lei Inh hreh đĕch Ih tơchĕng Inh lei-lăi kơ ih, Mă-lei Inh gô chrih kơ ih, păng jô̆ hloi ih yoch 'bơ̆t anăp ih.

Horiso 73:9

'Bơ̆r lu sư pơma kơnê̆ kơ Kră Yang tơ plĕnh. Hơpiĕt lu sư chă hơlĕnh kơ bơngai lăm teh đak.

Le 5:2

Mă-lei Pharaôn tơl: Kră Yang noh bu? Mah athei inh chu kơ nơ̆r Sư, ăn kon pơlei Isơrael năm? Inh ưh kơ băt Kră Yang ôh; kư̆m ưh kơ ăn kon pơlei năm mơ̆n.

Êsai 36:15

Kŭm 'nĕ ăn pơtao Hesekia pơdrŭt lu iĕm gơnang kơ Kră Yang na khan: ‘Kră Yang gô dŏng pơklaih lu bơ̆n ngei păng pơlei âu gô ưh kơ đei jao ăn lăm ti pơtao Asiri ôh!

Êsai 37:4

Rŏ lăng Kră Yang 'Bok Kei-Dei ih gô kơtơ̆ng dôm nơ̆r Rapsaka pơma, bơngai đơ̆ng pơtao Asiri wơh sư năm tơ âu wă pơma pơjăm Kră Yang 'Bok Kei-Dei arih ling-lang păng Kră Yang gô phak sư kiơ̆ thoi dôm nơ̆r mă Kră Yang 'Bok Kei-Dei kơtơ̆ng bơih, noh bơih ih krao khan bĕ kơ lu bơngai mă oei oei tơ âu!”

Êsêkiên 35:13

Nơ̆r ih pơma pơang blah Inh; păng rai thim nơ̆r blah inh, Inh kơtơ̆ng boih!

Da 3:15

Na dang ei, dah iĕm kơtơ̆ng jơwa keng, brŏ, 'lal păng đĭ lu tơmam reh, na iĕm athei drap bon tơ teh wă kơkuh kơ rup yang mă inh đei man, lei huay mă-lei dah iĕm ưh kơ drap bon kơkuh, jơ noh hloi boih đe gô klơ̆m lu iĕm tơ lăm ŭnh kơdơ̆r to. Na yang kiơ gơh pơklaih iĕm đơ̆ng ti inh?