Êsai 36:17 - Sơ̆p Hlabơar Nơ̆r 'Bok Kei-Dei

¹⁷ Dĭng truh tơ layơ, inh truh chông ba lu iĕm mơ̆t tơ dêh char, nhen dêh lu iĕm kơdih, noh jơ̆ dêh char đei 'ba, tơ'bâu păng sik hơmu 'nao, 'ba mi păng plei hơmu.

Êsai 36:17 ပူးပေါင်းရင်းမြစ်များ

II Pot 18:32

dĭng truh tơ inh chông ba iĕm tơ minh pôm dêh char lei-lăi thoi dêh char iĕm, noh dêh char mă đei phe 'ba, đak hơmu, 'bĕng păng pơgar hơmu, minh pôm dêh char đei đak ôliwơ păng đak sut. Thoi noh na iĕm gô arih, huay kơ lôch ôh. “Lei na iĕm 'nĕ kơ mơ̆ng Hesekia, yua kơ sư hơlĕnh kơ lu iĕm 'bơ̆t mă sư pơma khan: Kră Yang gô dŏng pơklaih bơ̆n.

II Pot 24:11

Nebukatnessar pơtao dêh Babilôn kư̆m năm truh tơ pơlei, kơplah lu linh sư wă tŏk blah pơlei noh.

Jop 20:17

Sư ưh pă đei 'bôh đak rơmă ôliwơ, đak sut păng đak toh rơmo ro thoi đak glung.

Le 3:8

lei Inh jur wă pơklaih lu sư đơ̆ng ti bơngai Êyiptơ, chông tơlĕch lu sư đơ̆ng dêh 'noh năm tơ dêh 'lơ̆ng rŏ, glă rơhơi, đei tơmam sa mah rơkah rơkai dêh char đak toh, đak sut, 'noh char Kanaan, đei kon pơlei Hêtit, kon pơlei Amôrit, kon pơlei Phêrêsit, kon pơlei Hêwit păng kon pơlei Jêbus oei tơ noh.

Tơdrông Pơđơk 12:10

Bơngai tơpăt băt wei sem dơrong; tơdrong bơngai kơnê̆ khan 'mêm noh lăp pơm kơnê̆.

Êsai 36:16

'Nĕ pă mơ̆ng pơtao Hesekia, 'nâu nơ̆r pơtao Asiri pơma khan: Pơm hiôk hăm inh păng yơ̆r ti kơ inh bĕ, na lu iĕm mă bu bu kư̆m gô đei sa plei hơra, plei hơmu iĕm kơdih păng nhă đak sơlŭng iĕm kơdih,

Êsai 36:18

Kơchăng bĕ, kơnh hli kơ pơtao Hesekia pơhlŭ pơlung lu iĕm khan: ‘Kră Yang gô dŏng pơklaih lu bơ̆n hăm đei ưh yang lu teh đak đe nai, gơh dŏng pơklaih teh đak lu sư đơ̆ng ti pơtao Asiri?

Both 11:12

'Noh jơ̆ minh pôm dêh mă măt Kră Yang 'Bok Kei-Dei iĕm bơwei, đơ̆ng sơnăm blŭng-a sơ̆ truh tơ tôch.