Êsai 36:11 - Sơ̆p Hlabơar Nơ̆r 'Bok Kei-Dei

¹¹ Êliakim hăm Sepna păng Jôa khan kơ Rapsaka: “Apinh ih pơma hăm đĭch đam ih âu hăm nơ̆r Aram, yua kơ lu nhôn hlôh nơ̆r noh. Ih 'nĕ pơma nơ̆r Juđa hăm lu nhôn kơnh kon pơlei pơla oei tơ kơpal dur pơlei âu hlôh.”

Êsai 36:11 ပူးပေါင်းရင်းမြစ်များ

Esơra 4:7

Hlôi kơ chăl Artaserses, na Bislam, Mitrêdat, Tabêl păng hơdai đĭ 'bok kuan lu sư, chih roi ăn kơ Artaserses, pơtao Phersia. Hla bơar đe chih ei chih hăm nơ̆r Aram păng ăn kơ pơtao.

Êsai 22:15

Kră Yang Tih Hloh khan: Ih năm bĕ truh tơ noh, Sepna bơngai bơ̆jang wei-lăng hnam pơtao păng khan kơ sư:

Êsai 22:20

Lăm năr noh, Inh gô krao đam Inh Êliakim kon drŏ-nglo Hilkia.

Êsai 36:12

Mă-lei Rapsaka tơl: “Yŏng inh, wơh inh roi dôm nơ̆r noh, hăm trŏ roi ăn kơ yŏng iĕm hăm lu iĕm đĕch? Ưh kơ trŏ ôh hă kư̆m roi ăn kơ lu bơngai oei tơ kơpal dur pơlei, lu bơngai mă wă jê̆ lôch hơdai hăm lu iĕm, sa ĭch kơdih, nhă đak hơyô kơdih?”

Êsai 36:13

Đơ̆ng noh Rapsaka iung pơma rơ̆n hăm nơ̆r Juđa khan: “Mơ̆ng bĕ nơ̆r pơma đơ̆ng pơtao tih mơng, jơ̆ pơtao dêh char Asiri.

Da 1:4

Năm ba lu hơ'lơ̆p drŏ-nglo 'lơ̆ng huay kơ đei jĭ jăn, muh măt 'lơ̆ng hơbŏ, đei dôm tơdrong gơh hơgei, gơh tơchĕng hlôh wao, gơh băt dôm tơdrong, gơh jang tơ lăm anih hnam pơtao, bơtho kơ lu sư tơdrong gơh hơgei păng nơ̆r pơma bơngai Kalđê.

Da 2:4

Mă-lei lu bơngai Kalđê pơma hăm pơtao hăm nơ̆r Aram thoi âu: Kơkuh kơ ih pơtao hơpơi ăn kơ ih arih sot! Apinh ih roi bĕ tơdrong apo noh kơ lu đĭch đam ih păng lu nhôn gô tơblang.