Êsai 35:7 - Sơ̆p Hlabơar Nơ̆r 'Bok Kei-Dei

⁷ Teh chuơh tŏ gô jing dơnâu, teh hrĕng kro gô đei tu đak mơlĕch lơ. Anih đêl kŏ bri oei gô jing đei 'nhĕt gơlăr păng trang.

Êsai 35:7 ပူးပေါင်းရင်းမြစ်များ

Horiso 107:35

Sư pơm kơ char 'blach jing đak dơnâu. Teh hrĕng kro jing đak glung;

Êsai 13:22

Kŏ-so gô kuăl lăm pơlei kơjăp, kŏ bri gô kơlu lăm anih pơtao 'lơ̆ng rŏ. Khei sơnăm sư truh jê̆ bơih, măng năr sư ưh pă đunh dơ̆ng bơih.

Êsai 19:6

Lu glung iĕ jing 'bâu ôm thong đak lăm char Êyiptơ gô hrơ̆ hrĕng kro. 'Nhĕt trang cheng krong lôch ôm đĭ.

Êsai 29:17

Hăm trŏ Pă 'biơ̆ kơ âu Liban gô jing chŭn mir teh mơ̆r 'lơ̆ng, păng chŭn teh mơ̆r 'lơ̆ng noh gô jing thoi bri brah?

Êsai 30:25

Truh kơ năr 'bet pơlôch băl tih, kơplah noh lu kơđông tih kơjăp pơchah, tơ rim kông kơjung rim groi gô đei lu glung đak ro.

Êsai 34:13

Lu 'long jơla gô chăt lăm anih pơtao, 'long jơla chăt hro 'bĕnh lăm kơđông kơjăp noh jing anih lu kŏ bri păng anih pơdơh lu sem grơ̆-ă.

Êsai 41:18

Inh gô pơm kơ đak krong lĕch ro tơ kông groi mơ-mlưch păng tu đak glung gô ro 'bĕnh lăm thŭng, inh gô pơm kơ teh char glă jing dơnâu đak. Teh hrĕng kro gô jing đak mơlĕch.

Êsai 43:20

Lu sem bri, kŏ bri păng sem diydui gô kơkuh ư-ang kơ Inh. Yua kơ Inh ăn đak ro lăm char glă, păng pơm lu tu glung đak tơ char glă, wă kơ kon pơlei mă inh rơih iŏk bơih lu sư đei đak nhă.

Êsai 48:21

Kơplah Kră Yang chông ba lu sư năm lăm char glă, lu sư ưh kơ đei ol kơ đak, Kră Yang ăn đak lĕch đơ̆ng tơmo. Kră Yang blah tơmo. Na đak lĕch ro.

Êsai 49:10

Lu sư gô ưh kơ đei pơngot, ưh kơ đei ol kơ đak, hơyuh tŏ dah măt 'năr ưh kơ đei pơm kơ lu sư tŏ. Yua kơ Tơ'ngla 'mêm mơnat lu sư, gô chông anhăk ba lu sư năm truh tơ jê̆ cheng đak glung.

Êsêkiên 47:8

Sư khan kơ inh: “Đak krong âu ro tơpăt tơ gah hơlĕch, truh tơ tơring Araba, ro mơ̆t tơ đak dơsĭ, mưh ro truh tơ đak dơsĭ boih đak dơsĭ noh gô hlăng 'lơ̆ng.

Mathiơ 21:43

Tơdrong noh gô trŏ kơ lu iĕm na Inh khan kơ iĕm: Iĕm pơm kuă kơ Inh thoi noh, na 'Bok Kei-Dei ưh kơ wă pơm pơtao iĕm ôh. Sư pơm pơtao lu bơngai nai đĕch, lu bơngai nai gô pơm kiơ̆ kơ Sư.

Luka 13:29

Kơplah ei ning-mônh gô đei lơ bơngai ưh kơ sĭ khŭl iĕm Juđê đơ̆ng jơ̆p-jang teh đak, đơ̆ng hơlĕch, đơ̆ng bơmơ̆t, đơ̆ng yă-nơ̆m, đơ̆ng gơal, na lu sư oei sŏng sa hơdai tơ dêh char 'Bok Kei-Dei.

Yo 4:14

Bơngai bu nhă đak đơ̆ng Inh ăn, kơnh sư huay pă rơhing boih. Đak mă Inh ăn kơ sư thoi lĕ đak mơlĕch, sư ro jur suŏn lăm to bơngai mă nhă 'noh, pơm kơ bơngai noh gơh arih ling-lang.”

Yo 7:38

Bơngai bu lui kơ Inh sư gô đei đak glung ro lăm jơhngơ̆m sư păng ăn kơ sư arih ling-lang kư̆m thoi đe chih lăm sơ̆p hla bơar 'Bok Kei-Dei sơ̆.”

Jang 26:18

Inh gô wơh ih wă kơ pơlar măt lu bơngai tơmoi wă kơ lu sư gơh 'bôh Tơdrong 'Nao 'Lơ̆ng, wă kơ lu sư gơh jăk đơ̆ng măng mu, na oei lăm hơdah, wă kơ sư jăk đơ̆ng yang Satan, na năm tơ 'Bok Kei-Dei. 'Bok Kei-Dei gô pơklaih lu sư đơ̆ng dôm tơdrong yoch hăm jô̆ lu sư jing bơngai 'lơ̆ng tơpăt thoi đĭ-đăng lu bơngai lui kơ Inh.’

Tơdrông Tơ'bôh 18:2

Sư pơma 'bơ̆r re kơ đe thoi âu: “Pơlei Babilôn, pơlei tih dêh, pơchah răm boih, ăn ngôi kơ yang sơmăt mă đe anăn yang kơnê̆ oei, păng đĭ lu sem brem sem păr pơm tơpu oei hơdai lăm noh 'mê̆-'mach dêh.

Lu 6:38

Tơdrong noh đei truh tơpă thoi noh; truh pơgê đơ̆ng rŏng Giđêôn iung đơ̆ng hrôih iŏk wĕnh akar sŏk triu, đơ̆ng tŭk jur na đei đak 'bĕnh kơ pơnhan.