Êsai 35:6 - Sơ̆p Hlabơar Nơ̆r 'Bok Kei-Dei

⁶ Kơplah noh lu bơngai jopo gô pơplŏng nhen juei. Hơpiĕt lu bơngai kơmlo gô gơh hơri chơt hiôk. Gô đei đak ro tơ char glă, păng lu glung đak gô ro lăm bri brah.

Êsai 35:6 ပူးပေါင်းရင်းမြစ်များ

Ne 9:15

Đơ̆ng kơpal plĕnh Ih tơjur ăn 'bĕng sa wă huay kơ pơngot, pơm kơ tơmo đei đak lĕch ro ăn kơ lu sư nhă, pơkă kơ lu sư mơ̆t iŏk asong dêh char mă Ih wă ăn kơ lu sư.

Horiso 107:35

Sư pơm kơ char 'blach jing đak dơnâu. Teh hrĕng kro jing đak glung;

Horiso 46:4

Đei đak glung krong ro sư wă pơm chơt hiôk ăn kơ pơlei Kră Yang 'Bok Kei-Dei. Jơ̆ anih rơgoh, pơlei mă Kră Yang Tih Hloh oei,

Horiso 51:15

Ơ Kră Yang! Apinh Ih pơih 'bơ̆r inh. Na 'bơ̆r inh gô hơri bơnê kơ Ih.

Le 17:6

Inh gô dơ̆ng 'bơ̆t anăp ih, kơpal tơmo tơ kông Hôrêp; ih athei teh tơmo noh, na đak gô lĕch đơ̆ng lăm tơmo noh wă ăn kơ kon pơlei nhă. Môis pơm hloi thoi noh 'bơ̆t anăp măt lu kră kon pơlei Isơrael.

Êsai 30:25

Truh kơ năr 'bet pơlôch băl tih, kơplah noh lu kơđông tih kơjăp pơchah, tơ rim kông kơjung rim groi gô đei lu glung đak ro.

Êsai 32:2

Rim 'nu bơngai nhen thoi anih kơ'nơp kơ kial, thoi anih pĕng kơ hơbŭt, nhen glung đak ro lăm anih hrĕng kro, nhen thoi yơ̆p tơmo tih lăm teh đak kro krĕnh.

Êsai 32:4

Kơ̆l 'ngok lu bơngai hăt hot gô băt păng hlôh wao, hơpiĕt lu bơngai pơma hơrăk gô gơh pơma rơđah.

Êsai 33:23

Tơlei lu ayăt chô̆ lu iĕm tơlang lê̆ bơih, ưh pă chô̆ tơ jrăng păng ưh pă dăng che duk noh dơ̆ng. Kơplah noh đe gô klah asong băl lơ lu tơmam đêl blah tơgar iŏk, mă lu bơngai jopo kư̆m gô đei iŏk tơmam đêl blah tơgar noh mơ̆n.

Êsai 35:1

Char glă păng teh phang-ang hrĕng kro gô chơt hiôk. Anih bri brah gô 'nă hal, păng đei bluh pơkao thoi pơkao gôh.

Êsai 42:11

Ơ lu char glă hăm lu pơlei tih jreo tơkĕch bĕ, lu kon pơlei Kêdar oei kư̆m hiôk thoi noh mơ̆n; ơ kon pơlei Sêla hơri bĕ, krao ôr chơt hiôk bĕ dơ̆ng kơpal kông ti!

Êsai 44:3

Inh gô tuh ăn đak tơ tơring char rơhing. Ăn đak glung ro tơ anih hrĕng kro, Inh gô tuh Yang Bơhngol Inh tơ adrĕch adrung lu iĕm, Inh gô ăn pŭn hiôk kơ lu kon sâu iĕm.

Êsai 48:21

Kơplah Kră Yang chông ba lu sư năm lăm char glă, lu sư ưh kơ đei ol kơ đak, Kră Yang ăn đak lĕch đơ̆ng tơmo. Kră Yang blah tơmo. Na đak lĕch ro.

Êsai 51:3

Kră Yang gô pơlung pơlei Siôn; Kră Yang gô ăn kơ rim anih sư đĭ bri juơ. Kră Yang gô pơm kơ teh sư lê̆ bri jing thoi pơgar Êđen. Char glă jing thoi pơgar Kră Yang; Tơ anih noh gô 'bôh đei tơdrong hiôk chơt, 'nă hal, nơ̆r bơnê păng nơ̆r hơri.

Jôel 3:18

Lăm năr noh, lu kông gô lĕch ro đak sik 'ngam, đak toh ro lĕch đơ̆ng lu bŏl kông groi, tơ rim thong đak Juđa gô đei đak ro. Minh pôm tu đak gô lĕch đơ̆ng hnam Kră Yang păng ro ruh tơ lăm thŭng hrĕng Sitim.

Sa 14:8

Lăm năr noh đak tơdrong arih gô lĕch ro đơ̆ng pơlei Jêrusalem, minh trong noh ro tơ đak dơsĭ gah hơlĕch, minh trong gô ro tơ dơsĭ gah bơmơ̆t, lăm bơyan 'mi hăm bơyan phang tă kơ đei ngăl.

Malachi 4:2

Mă-lei gah lu iĕm, lu bơngai hli yom kơ anăn Inh, thoi noh măt 'năr tơdrong tơpăt gô pơchrang ăn, lăm năr noh kơnh gô đei pơklaih tơdrong jĭ jăn; lu iĕm gô lĕch pơplŏng thoi rơmo dăm lĕch đơ̆ng lăm hơdrong.

Jo 20:11

Môis yơ̆r ti sư teh tơmo 'bar wơ̆t hăm 'long jra sư. Đak lĕch ro hloi lơ tơpă, kon pơlei nhă păng lu sem dơrong sư kư̆m nhă.

Mathiơ 11:5

Lu măt tol gơh 'bôh hơdah, lu jơ̆ng kue mah gơh yak, lu jĭ chin mah klaih, lu klĭk gơh kơtơ̆ng, lu bơngai lôch mah gơh iung arih, lu bơngai dơnuh hin mah mơ̆ng Inh bơtho tơdrong 'nao 'lơ̆ng.

Mathiơ 12:22

Kơplah noh đe năm ba tơ Yêsu minh 'nu bơngai măt tol păng sư kư̆m kơmlo yua kơ yang kơnê̆ pơm kơ sư. Na Yêsu pơpuh yang kơnê̆ lĕch đơ̆ng akâu bơngai noh na bơngai noh gơh 'bôh hơdah păng gơh pơma.

Mathiơ 21:14

Kơplah noh đei lu bơngai măt tol, lu bơngai jơ̆ng kue năm tơ Sư, na Sư pơklaih hloi.

Luka 1:64

Na 'bă sư Sachari gơh pơma hloi, na sư ư-ang 'Bok Kei-Dei.

Luka 11:14

Đei minh 'nu bơngai yang mơ̆t pơm kơ sư kơmlo. Na Yêsu pơpuh yang kơnê̆ ei lĕch đơ̆ng akâu bơngai noh, na bơngai noh gơh pơma hloi. Lu bơngai tơpôl 'bôh thoi noh na lu sư sơleng kơ đon.

Jang 3:2

Đei minh 'nu bơngai hơwen hơwo đơ̆ng nge, đơ̆ng mĕ sư tơpŭ. Rim năr đei bơngai năm tung ba sư tơ hnam akŭm 'Bok Kei-Dei tơm tơoei sư 'bơ̆t 'măng tơm. 'Măng tơm ei đe anăn 'Măng Tơm 'Lơ̆ng Rŏ. Na bơngai hơwen hơwo ei apinh jên lu bơngai năm akŭm.

Jang 8:7

Philip pơklaih lu bơngai yang mơ̆t. Lăp Philip pơklaih bơngai yang kơnê̆ mơ̆t ei, na yang ei pơret kơdâu hloi jăk tơ nai. Sư kư̆m đei pơklaih lơ bơngai kue jo mơ̆n.

Kôlôsê 3:16

Bơ̆n athei pơm kiơ̆ dôm nơ̆r Yêsu Krist ling-lang wă kơ bơ̆n bơtho dih băl hơgei 'blep trŏ thoi Sư wă. Mă tơdrong hơri kư̆m lei-lăi wă kơ bơtho dih băl tơdrong Sư, wă kơ bơ̆n hơri bơnê kơ 'Bok Kei-Dei, mă hơri tơdrong kră sơ̆, mă hơri tơdrong lu bơngai dang ei, mă hơri kiơ̆ kơ đon bơ̆n tơchĕng, mă tôm kơ tơdrong hơri nai wă kơ bơ̆n hơri bơnê kơ 'Bok Kei-Dei ngăl.

Tơdrông Tơ'bôh 22:1

Đơ̆ng noh linh jang 'lơ̆ng ei tơ'bôh dơ̆ng kơ inh đak krong mă ăn kơ kon bơngai arih. Đak krong ei hlăng chơchơr thoi getchai. Sư ro đơ̆ng tang-dŏ 'Bok Kei-Dei hăm Kon Triu.

Tơdrông Tơ'bôh 22:17

Yang Bơhngol 'Lơ̆ng hăm akăn Kon Triu bơtho khan kơ lu bơngai tam mă lui thoi âu: “Bu ol kơ đak nhă bĕ.” Na lu bơngai lui mă mơ̆ng đe đŏk hla bơar tơdrong âu, bĕ lu iĕm kư̆m wang chă bơtho đe thoi noh mơ̆n, khan: “Bu ol kơ đak nhă bĕ.” Năm bĕ bu ol kơ đak, nhă đak noh; đak noh gơh arih kon bơngai ling-lang, nhă đĕch ưh kơ răt ôh.