Êsai 35:3 - Sơ̆p Hlabơar Nơ̆r 'Bok Kei-Dei

³ Pơm ăn bĕ lu ti rơdu mă jăng, pơm ăn kơ lu kŭl-tăng rơdu mă kơjăp!

Êsai 35:3 ပူးပေါင်းရင်းမြစ်များ

Esơra 1:6

Lu kon pơlei oei lăm tơring ei lu sư tơgŭm tơmam ngăl, ăn kơ lu sư tơmam păng hu păng maih, mŭk tơmam, sem dơrong păng dôm lu tơmam gĭt, ưh kơ jô̆ lu tơmam mă đe đei pơyơ̆r nai.

Jop 16:5

Mă-lei inh gô pơma pơhiôk jơhngơ̆m iĕm, pơlung iĕm wă kơ jĭ jăn iĕm rai dă 'biơ̆.

Le 17:12

Ti Môis rơgah boih Arôn păng Hur iŏk tơmo dan kơ sư tơoei, na bre sư dơ̆ng 'bar pah chĕp tơiung ti Môis tơ kơpal; na ti sư oei yơ̆r dĭng truh tơ năr mơ̆t.

Da 10:18

Dang ei inh đei 'bôh dơ̆ng bơngai mă hơbŏ thoi bơngai drŏ-nglo tơdăm năm tơ inh păng pơm kơ inh đei jơhngơ̆m pran dơ̆ng.

Jêphania 3:16

Lăm năr noh, đe gô khan kơ pơlei Jêrusalem thoi âu: “Ơ Siôn 'nĕ pă hli, ti ih 'nĕ pă rơdu!

Sa 8:9

Kră Yang Tih Hloh khan thoi âu: “Ơ lu iĕm jơ̆ bơngai mă kơtơ̆ng năr 'nâu, kơtơ̆ng dôm lu nơ̆r noh đơ̆ng lu bơngai khan lê̆ adrol lăm năr mă hnam akŭm Kră Yang Tih Hloh đei pơdơ̆ng pơjing boih, na lu iĕm pơm bĕ kơ ti lu iĕm jing pran.

Luka 22:32

Mă-lei Inh krao khan kơ 'Bok Kei-Dei wă kơ Sư tơgŭm ih huay kơ tŭk lê̆ tơdrong lui ih. Na lăp ih kơnăl tơdrong ih wă sơngah kơ Inh noh kơnh, na ih athei pơlung lu 'nhŏng oh ih âu wă kơ lu sư kư̆m lui kơjăp dơ̆ng.”

Luka 22:43

Na đơ̆ng noh blư kơ minh 'nu linh jang 'lơ̆ng đơ̆ng plĕnh jur tơ Sư wă tơgŭm Sư.

Jang 18:23

Sư oei tơ ei kư̆m đunh năr 'biơ̆ mơ̆n. Đơ̆ng noh sư năm tơ dêh char Galati păng dêh char Phiji bơtho păng tơgŭm lu bơngai lui athei lu sư lui mă kơjăp.

Hêbrơ 12:12

Thoi noh na iĕm 'nĕ kơ pơhơi, athei iung mă tơpăt.

Lu 7:11

Ih mơ̆ng lu sư pơma, na đei jơhngơ̆m nuih jur blah iŏk kơ kơđông lu sư. Thoi noh Giđêôn hăm Phura đĭch đam sư, năm jê̆ anih linh gak kơđông.

I Sam 23:17

Jônathan khan kơ Đawit: Ih 'nĕ kơ hli; ti Sôl, 'bă inh, ưh kơ gơh hơtŭt 'bơm kơ ih ôh. Ih gô pơm pơtao lu bơngai Isơrael, gah inh gô pơm yŏng pơgơ̆r, mă 'bar đơ̆ng rŏng ih Sôl 'bă inh, kư̆m băt hơđăl dôm tơdrong noh.