Êsai 35:2 - Sơ̆p Hlabơar Nơ̆r 'Bok Kei-Dei

² Sư đei bluh pơkao lơ, păng 'nă hal hơri chơt hiôk. Tơdrong ư-ang Liban, hăm tơdrong 'lơ̆ng rŏ kông Karmel păng thŭng dơnă Sarôn, gô ăn kơ lu Sư. Lu sư gô 'bôh tơdrong ư-ang Kră Yang păng tơdrong 'lơ̆ng rŏ Kră Yang 'Bok Kei-Dei lu bơ̆n.

Êsai 35:2 ပူးပေါင်းရင်းမြစ်များ

I Ho 16:33

Kơplah noh đĭ-đăng 'long pơle lăm bri gô hơri hăm tơdrong chơt hiôk, 'bơ̆t anăp Kră Yang, Yua kơ Sư jur wă sek tơlang kơ teh đak.

I Ho 27:29

Sitrai, bơngai Sarôn, wei-lăng lu khŭl rơmo lăm tơmăn glă Sarôn. Saphat kon drŏ-nglo Attai wei-lăng khŭl rơmo lăm thŭng dơnă;

I Ho 5:16

Lu sư oei lăm char Gileat, lăm char Basan, dêh lu pơlei iĕ; kư̆m oei lăm tơmăn 'nhĕt thŭng Sarôn truh kơ hơdral dêh char lu sư.

Horiso 50:2

Đơ̆ng Siôn 'lơ̆ng rŏ. Kră Yang 'Bok Kei-Dei pơchrang boih. Tơdrong 'lơ̆ng rŏ sư.

Horiso 72:16

Ăn kơ đei 'ba hơbŏ rơkah rơkai tơ kơpal teh păng 'bĕnh tơ kơpal kông; plei 'long sa lơlap thoi bri tơ char Liban. Ăn kơ kon pơlei oei lăm pơlei tih gô hrôh ngôh thoi 'nhĕt tơ mir.

Horiso 72:19

Trŏ hơri bơnê ư-ang anăn Sư ling-lang truh ning-mônh. Ăn tơdrong ư-ang Sư 'bĕnh-'bang jơ̆p kơ teh đak! A-men! A-men!

Horiso 89:12

Ih pơjing boih yă-nơ̆m păng gơal Kông Ta'bor păng Hermôn hơri chơt hiôk kơ anăn Ih.

Horiso 97:6

Tơ jơ̆p kơ plĕnh roi tơdrong tơpăt Sư, păng đĭ-đăng kon pơlei 'bôh boih tơdrong ư-ang Sư.

Le 16:7

Na pơgê dơning lu iĕm gô 'bôh tơdrong ư-ang tih Kră Yang, yua kơ Sư kơtơ̆ng boih nơ̆r lu iĕm hil jŏk kơ Sư, lu nhôn âu bu na mă lu iĕm mah hil jŏk kơ lu nhôn?

Hơri Hiôk 2:1

Inh thoi pơkao gôh tơ tơmăn Sarôn, Thoi pơkao kok jơk tơ lăm thŭng

Hơri Hiôk 7:5

Kơ̆l ih thoi kông Karmel, Sŏk ih kơjung nhen thoi che găm gôh. 'Bơ̆t pơtao lăng tơ sŏk ih, jơhngơ̆m sư huŏng hloi.

Êsai 25:9

Lăm năr noh kơnh, đe gô khan: “Âu bơih Kră Yang 'Bok Kei-Dei bơ̆n, mă lu bơ̆n đei chang gô Sư dŏng pơklaih bơ̆n. 'Nâu bơih Kră Yang mă lu bơ̆n chang gô Sư. Bĕ lu bơ̆n 'nă hal chơt hiôk kơ tơdrong Sư dŏng pơklaih!”

Êsai 27:6

Lăm Chăl đơ̆ng âu tơ anăp kơnh đe Jakôp sư gô chăt rơh, Isơrael gô bluh tơ'biĕng păng pơkao, gô đei plei 'bĕnh jơ̆p kơ teh đak.

Êsai 32:15

Dĭng truh kơ Yang bơhngol đơ̆ng kơpal plĕnh jur tơ lu bơ̆n, char glă gô jing chŭn mir teh mơ̆r 'lơ̆ng, chŭn mir teh mơ̆r 'lơ̆ng noh chăt jing dang lĕ kơ bri brah.

Êsai 33:9

Teh đak nhơ̆m hmoi ơh sơ'ngon đĭ jing juơ. Liban kơdơ̆ mơlâu păng jô hŏnh, dêh char Sarôn nhen thoi char glă Araba, dêh char Basan păng kông Karmel hla sư hơlŭng ruh đĭ.

Êsai 35:10

Lu bơngai mă Kră Yang huai iŏk bơih gô brŏk. Năm mơ̆t tơ pơlei Siôn hăm tơdrong hơri chơt hiôk. Tơdrong hơri chơt hiôk ling-lang gô oei lăm kơ̆l lu sư. Lu sư gô đei tơdrong chơt hiôk, 'nă hal, na tơdrong ơh sơ'ngon chhŭr nuih gô hiong đĭ.

Êsai 40:5

Kơplah noh tơdrong ư-ang Kră Yang gô pơdah păng đĭ-đăng kon bơngai gô lăng 'bôh; yua kơ 'bơ̆r Kră Yang pơma bơih thoi noh.

Êsai 40:9

Ơ Siôn lu iĕm bơngai mă ră roi tơdrong 'nao 'lơ̆ng, tŏk bĕ tơ kơpal kông kơjung! Ơ Jêrusalem lu iĕm bơngai mă tơbăt tơdrong 'nao 'lơ̆ng ôr mă re đĭ jơhngơ̆m bĕ! Ôr mă re! 'Nĕ kơ hli! Khan bĕ kơ lu pơlei tih Juđa: “'Nâu Kră Yang 'Bok Kei-Dei lu iĕm!”

Êsai 41:19

Inh gô pơtăm tơ anih bri char glă, lu hơngo, 'long keo, 'long pơgang păng 'long ôliwơ. Inh gô pơtăm 'long hơngo hla iĕ, hơngo hmă, 'long krăk hơdai tơ lăm char glă.

Êsai 49:13

Ơ plĕnh, hơri bĕ! Ơ teh, hiôk chơt bĕ! Ơ lu kông pơret nơ̆r hơri bĕ! Yua kơ Kră Yang đei pơlung bơih kon pơlei Sư păng mơnat kơ lu bơngai pơmat-tat.

Êsai 6:3

Lu Sêraphim ôr krao tơduă lu sư khan: “'Lơ̆ng rơgoh dêh, 'lơ̆ng rơgoh dêh, 'lơ̆ng rơgoh dêh Kră Yang Tih Hloh; jơ̆p kơ teh đak 'bĕnh-'bang kơ tơdrong ư-ang Sư!”

Êsai 60:13

Tơdrong ư-ang dêh char Liban gô truh tơ ih. 'Long hơngo 'long krăk, hơngo hla iĕ hai, wă hơmet ming anih 'lơ̆ng rơgoh Inh. Inh gô pơm kơ anih 'lơ̆ng rơgoh Inh ư-ang.

Êsai 60:19

Măt 'năr ưh pă pơchrang hơdah kơ ih kiơ̆ kơ'năr. Tơdrong hơdah rang khei kư̆m ưh pă pơchrang kơ ih kiơ̆ kơmăng. Mă-lei Kră Yang jơ̆ tơdrong hơdah kơ ih ling-lang hlŏng hloi. Kră Yang 'Bok Kei-Dei ih noh tơdrong ư-ang ih.

Êsai 60:21

Na đĭ-đăng kon pơlei ih gô jing 'lơ̆ng tơpăt; lu sư gô đei dêh char 'nâu ling-lang; Lu sư bơih bluh tơmơ̆ng đơ̆ng Inh pơtăm, đơ̆ng ti Inh pơm wă kơ Inh đei ư-ang.

Êsai 61:3

Wă ăn kơ lu bơngai ơh sơ'ngon oei tơ pơlei Siôn hơgăl pơkao tơplih kơ tơnuh tuh ăn đak 'bâu phu hiôk chơt tơplih kơ ơh sơ'ngon, pơhrŭk ăn ao bơnê ư-ang tơplih kơ jơhngơ̆m ơh klai. Đe gô krao sư tơm 'long kôih tơdrong tơpăt, 'long mă Kră Yang đei pơtăm bơih. Wă tơ'bôh tơdrong ư-ang Kră Yang.

Êsai 66:10

“Hiôk chơt bĕ hơdai hăm pơlei Jêrusalem ơ lu bơngai mă 'mêm kơ pơlei Jêrusalem. Hiôk chơt bĕ yua kơ sư, ơ lu bơngai mă nhơ̆m hmoi kơ Jêrusalem, athei đĭ jơhngơ̆m chơt hiôk 'nă hal hơdai hăm sư.

Êsai 66:14

Lu iĕm gô 'bôh dôm tơdrong noh, na lăm jơhngơ̆m hiôk-hian, kơting lu iĕm gô bluh thoi 'nhĕt. Đe gô băt ti Kră Yang gô tơgŭm lu đĭch đam Sư, mă-lei tơdrong Sư hil mĭl gô phak lu bơngai ayăt kơ Sư.

Hôsia 14:5

Inh gô jing thoi đak ngom kơ bơngai Isơrael, lu sư gô pơkao thoi pơkao hla tŏng-mŏng păng kư̆m chăt rơh thoi tơm 'long hơngo char Liban.

Habakuk 2:14

Yua kơ gô băt hlôh tơdrong ư-ang Kră Yang 'bĕnh jơ̆p kơ teh thoi đak 'bĕnh kơ dơsĭ.

Sa 10:7

Bơngai Êphraim gô thoi bơngai nuih pran kơtang, jơhngơ̆m lu sư chhôk hal thoi suai kơ et sik hơmu; kon sâu lu sư gô 'bôh păng chơt hiôk tơpă, jơhngơ̆m lu sư chơt hiôk lăm Kră Yang.

Yo 12:41

Êsai khan thoi noh kơlih kơ 'Bok Kei-Dei tơ'bôh kơ sư 'Bok Krist sơ̆, Sư 'lơ̆ng rŏ tơpă, na Êsai chih roi tơdrong 'Bok Krist.

Yo 17:24

“Ơ 'Bă, Ih pơjao boih lu sư kơ Inh na Inh wă kơ lu sư tŏk oei hơdai hăm Inh, na lu sư gô 'bôh Inh oei hơdai hăm Ih hiôk hơiă tơpă, yua kơ Ih đei ăn kơ Inh thoi noh. Ih 'mêm kơ Inh hơdrol kơ đei plĕnh teh.

Jang 9:35

Đĭ-đăng bơngai pơlei đe Liđa păng pơlei đe Sarôn 'bôh sư klaih boih, na 'bar tŏ pơlei ei, lu sư lui hloi kơ Kră Yang Yêsu.

Rom 10:15

Kră Yang ưh kơ đei wơh đe năm bơtho, thoi yơ đe gơh năm bơtho adrol? Mă-lei Sư đei wơh đe năm bơtho boih, yua kơ hla bơar Sư đei roi thoi âu: “Bơ̆n 'bôh đe bơtho tơdrong 'nao 'lơ̆ng jơhngơ̆m bơ̆n hiôk dêh iih?”

Rom 15:10

Păng đe kư̆m đei chih roi thoi âu: “Ơ lu bơngai tơmoi ưh kơ khŭl Juđê, iĕm kư̆m hơdai hiôk thoi lu kon 'Bok Kei-Dei bĕ.”

II Kor 3:18

Đĭ rim lu bơ̆n bơngai lui pơih lê̆ boih khăn noh, na lu bơ̆n gơh 'bôh muh măt Kră Yang Yêsu rang hơdah, khŏm khŏm lu bơ̆n rai đunh rai hơdah thoi Sư. Tơdrong hơdah noh Sư boih pơchrang ăn kơ lu bơ̆n. Sư kư̆m thoi Yang Bơhngol 'Lơ̆ng mă ăn kơ bơ̆n arih.

II Kor 4:6

Kơplah 'Bok Kei-Dei pơjing plĕnh teh sơ̆ Sư khan kơ măng mu athei đei hơdah na đei hloi. Na Sư kư̆m pơchrang tơdrong hơdah Sư tơ jơhngơ̆m đon nhôn, tơ muh măt Yêsu Krist, wă tơbăt kơ nhôn Sư Kră Yang 'Bok Kei-Dei mơsêh tơpă.

Jôsuê 19:26

Alamêlek, Amăt păng Misal. Gah bơmơ̆t hơdral tơ'bưh hăm pơlei Karmel pơlei Sihor Lipnat.

Tơdrông Tơ'bôh 21:23

Pơlei noh ưh kơ kăl kơ măt 'năr dah khei pơchrang hơdah ăn ôh, yua kơ tơdrong mơsêh 'Bok Kei-Dei hăm Kon Triu pơchrang ăn hơdah boih.