Êsai 35:10 - Sơ̆p Hlabơar Nơ̆r 'Bok Kei-Dei

¹⁰ Lu bơngai mă Kră Yang huai iŏk bơih gô brŏk. Năm mơ̆t tơ pơlei Siôn hăm tơdrong hơri chơt hiôk. Tơdrong hơri chơt hiôk ling-lang gô oei lăm kơ̆l lu sư. Lu sư gô đei tơdrong chơt hiôk, 'nă hal, na tơdrong ơh sơ'ngon chhŭr nuih gô hiong đĭ.

Êsai 35:10 ပူးပေါင်းရင်းမြစ်များ

Tơdrông Tơ'bôh 21:4

'Bok Kei-Dei sut pơgoh đak măt lu sư, lu sư ưh pă lôch dơ̆ng, lu sư ưh pă đei tơdrong nhơ̆m hmoi ơh sơ'ngon dơ̆ng ôh, ưh pă đei tơdrong jĭ jăn păn hnong, yua kơ chăl arih so hiong tôch boih.”

Êsai 30:19

Ơ kon pơlei pơla oei lăm Siôn, lu bơngai oei lăm pơlei Jêrusalem, lu iĕm huay pă nhơ̆m hmoi dơ̆ng bơih. Mưh iĕm krao, sĭt Sư gô mơnat. Mưh kơtơ̆ng lu iĕm krao, Sư gô tơl hloi.

Êsai 25:8

Kră Yang pơtôch lê̆ bơih tơdrong lôch hiong ling-lang, Kră Yang gô sŭt lê̆ đak măt đơ̆ng muh măt rim 'nu, păng iŏk lê̆ tơdrong mơlâu đơ̆ng kon pơlei pơla Sư đơ̆ng jơ̆p-jang kơ teh đak. Kră Yang khan thoi noh.

Ju 1:21

Iĕm athei kơchăng kơ akâu iĕm kơdih, na iĕm oei 'bôh tơdrong 'Bok Kei-Dei 'mêm kơ iĕm ling-lang. Păng bơ̆n athei chang gô tơdrong Kră Yang Yêsu Krist wă ăn kơ bơ̆n arih ling-lang ei, yua kơ Yêsu Krist 'mêm kơ bơ̆n.

I Tim 2:6

Sư ăn akâu Sư kơdih lôch tang wă huai iŏk đĭ-đăng kon bơngai. Truh boih sơnăm 'Bok Kei-Dei pơkă Kon Sư lôch ei sơ̆, sơnăm 'noh boih Yêsu lôch tang huai iŏk kon bơngai, wă kon bơngai băt kơ 'Bok Kei-Dei pơklaih đĭ-đăng bơngai đơ̆ng yoch.

Je 33:11

Mă-lei đe gô kơtơ̆ng dơ̆ng nơ̆r hiĕk chhôk 'nă hal tơ noh, nơ̆r bre ŏng mai hle, nơ̆r đe hơri rah chĕp tơmam pơyơ̆r bơnê mơ̆t lăm hnam Kră Yang: ‘Hơri bơnê bĕ kơ Kră Yang Tih Hloh, yua kơ tơdrong 'mêm Sư oei oei ling-lang! Yua kơ tơdrong 'lơ̆ng Sư.’ ” Kră Yang khan: “Yua kơ Inh gô ăn kơ dêh char âu hiôk jơnap, kư̆m thoi adrol sơ̆,”

Êsai 65:19

Inh gô hiôk chơt yua kơ Jêrusalem, Inh gô 'nă hal kơ kon pơlei Inh; Tơ anih noh ưh pă đei kơtơ̆ng nơ̆r nhơ̆m ôr pơret dơ̆ng bơih.

Yo 16:22

Iĕm kư̆m thoi noh mơ̆n. Dang ei iĕm sơ'ngon. Mă-lei Inh gô tơ'bơ̆p iĕm dơ̆ng na jơhngơ̆m iĕm chhơp hiôk chơt tơpă, ưh kơ đei bu gơh pơm kơ iĕm sơ'ngon dơ̆ng.

Mathiơ 20:28

Kư̆m thoi Inh Kon Bơngai mơ̆n, Inh jur tơ ala teh âu ưh kơ sĭ Inh wă chă pơgŏ pơđep đe awih awăn kơ Inh ôh; Inh wă kơ tơ'ngla Inh kơdih awih awăn kơ đe păng Inh wă kơ tơ'ngla Inh kơdih lôch tang huai iŏk lơ bơngai.”

Horiso 84:7

Lu sư yak năm tơ anăp lu sư rai pran kơtang dêh, Dĭng truh 'bơ̆t anăp Kră Yang 'Bok Kei-Dei tơ Siôn.

Tơdrông Tơ'bôh 18:20

Đơ̆ng noh inh kơtơ̆ng 'bơ̆r nai dơ̆ng khan thoi âu: “Ơ lu đe mă oei tơ plĕnh, ơ lu kon 'Bok Kei-Dei, lu jơ̆ng 'bang Yêsu, lu bơngai pơtruh nơ̆r 'Bok Kei-Dei, hiôk bĕ lu iĕm yua kơ 'Bok Kei-Dei phak pơrăm boih pơlei noh mă pơm kơnê̆ kơ iĕm.”

Êsai 60:20

Măt 'năr ih ưh pă mơ̆t dơ̆ng bơih, măt khei ih kư̆m ưh pă weh hiong, yua kơ Kră Yang bơih tơdrong hơdah ling-lang ăn kơ ih. “Dôm lu năr ih nhơ̆m hmoi ơh sơ'ngon gô tôch đĭ.

Horiso 51:8

Ăn bĕ kơ inh tơdrong chơt hiôk 'nă hal. Wă kơ lu kơting kơtong mă Kră Yang gơ̆ lê̆ gô hiôk-hian.

Horiso 107:2

Ăn kơ lu bơngai mă Kră Yang huai iŏk boih. Lu bơngai mă đei dŏng pơklaih đơ̆ng ti lu bơngai ayăt pơjuă, pơma bĕ thoi âu;

Horiso 126:5

Bu rei adrĕch mă lĕch đak măt, Sư gô kĕch iŏk hăm hơri chơt hiôk.

Êsai 1:27

Kră Yang gô sek tơlang nhôn hăm tơdrong tơpăt, na huai iŏk lu bơngai lăm pơlei tơbral hăm tơdrong 'lơ̆ng tơpăt Sư.

Êsai 9:3

Thoi lăm chăl Midian, Ih gơ̆ lê̆ bơih 'long ăt đêl lu sư tôi trăp, kư̆m gơ̆ lê̆ 'long hơnong đơ̆ng hơngiĕng lu sư păng 'long jra đêl đe pơjuă pơđep lu sư.

Êsai 35:2

Sư đei bluh pơkao lơ, păng 'nă hal hơri chơt hiôk. Tơdrong ư-ang Liban, hăm tơdrong 'lơ̆ng rŏ kông Karmel păng thŭng dơnă Sarôn, gô ăn kơ lu Sư. Lu sư gô 'bôh tơdrong ư-ang Kră Yang păng tơdrong 'lơ̆ng rŏ Kră Yang 'Bok Kei-Dei lu bơ̆n.

Êsai 41:14

Ơ adrĕch Jakôp thoi hơdrông, ơ lu kon pơlei Isơrael, 'nĕ kơ hli kơ kiơ, Inh gô tơgŭm iĕm, Kră Yang pơma thoi noh, Tơ'ngla 'Lơ̆ng tơpăt đe Isơrael păng Tơ'ngla huai iŏk lu iĕm.

Êsai 41:16

Lu iĕm gô um sư na gô tơthu pơđông lu sư, phŭt gô huơ̆r lu sư tơklah hiong đĭ, mă-lei gah lu iĕm gô chơt hiôk lăm Kră Yang gô ư-ang kơ Tơ'ngla 'Lơ̆ng Rơgoh Isơrael.

Êsai 65:18

Mă-lei athei 'nă hal păng chơt hiôk ling-lang khŏm khŏm lăm tôm tơdrong kiơ Inh đei pơjing. Tơpă Inh đei pơjing pơlei Jêrusalem thoi tơm tơdrong hiôk chơt păng pơjing kon pơlei lăm pơlei noh thoi minh tơdrong hiôk chơt.

Je 30:19

Gô đei nơ̆r hơri bơnê păng chơt hiôk đơ̆ng 'bơ̆r lu sư. Inh gô ăn kơ lu sư rai lơ, ưh pă tŏ sĕt thoi sơ̆. Inh kư̆m ăn kơ đe ư-ang kơ lu sư; ưh pă pơjăm boih.

Horiso 14:7

Ơ rŏ kơ đơ̆ng pơlei Siôn tơdrong pơklaih lu bơngai Isơrael jah truh! Kơplah Kră Yang chông ba lu bơnă pơlei pơla Sư brŏk, Kơplah noh Jakôp gô chhôk hơnôk păng lu bơngai Isơrael gô 'nă hal.

Horiso 126:2

'Bơ̆r lu nhôn 'bĕnh kơ nơ̆r hiĕk chơt. Hơpiĕt lu nhôn hơri 'nă hal. Lu đe teh đak khan: “Kră Yang đei tơgŭm lu sư tih tơpă.”

Êsai 61:7

Tơplih đơ̆ng mơlâu. Kon pơlei Inh gô đei iŏk tơmam hloh 'bar wơ̆t tơplih đơ̆ng đe pơjăm. Lu sư gô chơt hiôk đơ̆ng tơmam đe asong bơih, na lu sư gô đei iŏk mŭk tơmam 'bar wơ̆t lơ hloh lăm dêh char lu sư păng đei tơdrong hiôk chơt ling-lang.