Êsai 35:1 - Sơ̆p Hlabơar Nơ̆r 'Bok Kei-Dei

¹ Char glă păng teh phang-ang hrĕng kro gô chơt hiôk. Anih bri brah gô 'nă hal, păng đei bluh pơkao thoi pơkao gôh.

Êsai 35:1 ပူးပေါင်းရင်းမြစ်များ

Horiso 48:11

Yua kơ tơdrong Ih sek tơlang, na lu kông Siôn chơt hiôk, Lu kon adruhb Juđa 'nă hal,

Horiso 96:12

Ăn kơ mir chŭn păng tơmam lăm noh chơt hiôk bĕ; Na lu 'long pơle lăm bri brah gô hơri chơt hiôk. 'Bơ̆t anăp Kră Yang;

Horiso 97:8

Ơ Kră Yang, Siôn kơtơ̆ng na chơt hiôk, Păng lu pơlei Juđa đei jơhngơ̆m 'nă hal, Yua kơ tơdrong Ih sek tơlang

Hơri Hiôk 2:1

Inh thoi pơkao gôh tơ tơmăn Sarôn, Thoi pơkao kok jơk tơ lăm thŭng

Êsai 25:9

Lăm năr noh kơnh, đe gô khan: “Âu bơih Kră Yang 'Bok Kei-Dei bơ̆n, mă lu bơ̆n đei chang gô Sư dŏng pơklaih bơ̆n. 'Nâu bơih Kră Yang mă lu bơ̆n chang gô Sư. Bĕ lu bơ̆n 'nă hal chơt hiôk kơ tơdrong Sư dŏng pơklaih!”

Êsai 27:10

Pơlei tih kơjăp đĭ jing juơ bơih, anih đêl pơlei đĭ jing juơ, đĭ hiong hiơt 'biao nhen thoi teh char glă, tơ noh kon rơmo sa 'nhĕt; lu sư 'bĭch păng sa lu dơng 'long tơ noh.

Êsai 27:6

Lăm Chăl đơ̆ng âu tơ anăp kơnh đe Jakôp sư gô chăt rơh, Isơrael gô bluh tơ'biĕng păng pơkao, gô đei plei 'bĕnh jơ̆p kơ teh đak.

Êsai 29:17

Hăm trŏ Pă 'biơ̆ kơ âu Liban gô jing chŭn mir teh mơ̆r 'lơ̆ng, păng chŭn teh mơ̆r 'lơ̆ng noh gô jing thoi bri brah?

Êsai 35:6

Kơplah noh lu bơngai jopo gô pơplŏng nhen juei. Hơpiĕt lu bơngai kơmlo gô gơh hơri chơt hiôk. Gô đei đak ro tơ char glă, păng lu glung đak gô ro lăm bri brah.

Êsai 4:2

Lăm năr noh tơ'biĕng Kră Yang gô bluh 'lơ̆ng păng trŏ kơ ư-ang, plei đơ̆ng teh gô jing 'lơ̆ng chơt hiôk kơ lu bơngai Isơrael mă oei arih.

Êsai 40:3

Đei nơ̆r krao: “Pơih bĕ trong lăm bri glă ăn kơ Kră Yang; hơmet bĕ trong mă tơpăt lăm teh glă ăn kơ Kră Yang 'Bok Kei-Dei lu bơ̆n.

Êsai 42:11

Ơ lu char glă hăm lu pơlei tih jreo tơkĕch bĕ, lu kon pơlei Kêdar oei kư̆m hiôk thoi noh mơ̆n; ơ kon pơlei Sêla hơri bĕ, krao ôr chơt hiôk bĕ dơ̆ng kơpal kông ti!

Êsai 43:19

Âu, Inh oei pơm minh tơdrong 'nao, dang ei sư oei wă lĕch tơ'bôh lu iĕm ưh kơ 'bôh ôh hă? Tơpă, Inh gô pơih minh pôm trong lăm bri brah păng gô pơm lu glung đei đak ro lăm char glă.

Êsai 51:3

Kră Yang gô pơlung pơlei Siôn; Kră Yang gô ăn kơ rim anih sư đĭ bri juơ. Kră Yang gô pơm kơ teh sư lê̆ bri jing thoi pơgar Êđen. Char glă jing thoi pơgar Kră Yang; Tơ anih noh gô 'bôh đei tơdrong hiôk chơt, 'nă hal, nơ̆r bơnê păng nơ̆r hơri.

Êsai 6:11

Na inh jet: “Ơ Kră Yang dĭng truh tơ layơ?” Na Kră Yang tơl: “Gô dĭng lu pơlei noh jing juơ, ưh kơ đei kon pơlei oei lăm noh, hnam ưh kơ đei bơngai oei, teh mir đĭ răm jing bri đĭ;

Êsai 7:21

Lăm năr noh rim 'nu gô rong minh pôm rơmo adruh păng 'bar tŏ triu đĕch.

Êsêkiên 36:35

Đe gô pơma khan: “Anih teh lê̆ bri âu dang ei jing pơgar Êđen păng lu pơlei mă đĭ pơchah pă đei noh 'nâu đei tơiung pơdơ̆ng ming đei kon pơlei oei!”