Êsai 34:7 - Sơ̆p Hlabơar Nơ̆r 'Bok Kei-Dei

⁷ Lu kon pơlei thoi rơmo bri tơno gô wang pơ̆k hơdai lu sư; đĭ lu rơmo bri dăm păng lu rơmo tơno pran kơtang. Teh đak lu sư 'bĕnh kơ pham. 'Mui teh hơiuh rơbơ̆r yua kơ rơmă.

Êsai 34:7 ပူးပေါင်းရင်းမြစ်များ

Horiso 22:21

Pơklaih inh đơ̆ng 'bơ̆r dăm-brang, Đơ̆ng hơke rơmo bri, yua kơ Ih kơtơ̆ng boih nơ̆r inh krao.

Horiso 68:30

Hil bĕ kơ lu kon sem bri tơ lăm 'nhĕt pơtăng, Hil bĕ kơ lu rơmo tơno păng lu kon iĕ rơmo kon pơlei; Dĭng dôm lu bơngai hơtơ̆p kŭl-tăng pơyơ̆r hu. Ih puh tơweh lê̆ lu bơngai mă 'maih tơblah tơblŭng.

Horiso 92:10

Mă-lei Ih ăn kơ hơke inh rai kơjung thoi rơmo bri. Ih tuh boih kơ inh hăm đak pơgang 'bâu phu 'nao.

Êsai 63:6

Inh pơjuă gơhlơ̆r bơih lu kon pơlei lăm tơdrong hil mĭl. Inh ăn kơ lu sư suai hăm tơdrong Inh hil mĭl, păng pơlôch bơih pham lu sư lĕch tơ kơpal teh.

Je 25:34

“Ơ lu bơngai wei triu, nhơ̆m hmoi bĕ, ôr krao bĕ! Ơ tơ'ngla triu tơgrŏl pơpơ̆ bĕ yua kơ truh boih năr đe pơlôch lu iĕm, lu iĕm gô pơ̆k lôch thoi gŏ teh gĭt pơchah.

Je 46:21

Mă lu linh sư mưng oei hơdai sư, thoi kon rơmo bek 'lơ̆ng, kư̆m kơdâu tơklah ưh kơ kĕ dơ̆ng ôh. Yua kơ tơdrong răm truh tơ lu sư, trŏ năr phak lu sư boih.

Je 50:11

Ơ lu bơngai mă blah iŏk mŭk tơmam Inh. Mă lu iĕm chơt hiôk 'nă hal, Mă lu iĕm pơplŏng thoi kon rơmo adruh lăm tơmăn 'nhĕt.a Hmoi thoi aseh tơno.

Je 50:27

'Bet pơlôch bĕ đĭ-đăng rơmo tơno sư; ba tơ anih đe pơm 'nhĕm! Răm-'băm tơpă kơ lu sư, truh boih năr mă phak lu sư.

Êsêkiên 32:6

Inh gô ăn pham ih ro 'bĕnh kơ teh, truh tơ rim kông păng lu thong đak 'bĕnh kơ akâu ih.

Êsêkiên 39:17

Gah ih, ơ kon bơngai, Kră Yang khan: Khan bĕ kơ lu sem păr păng lu sem bri akŭm đơ̆ng puăn pah, athei năm akŭm đĭ tơ minh anih pơm phĕt mă inh đei hơmet boih kơ lu iĕm, noh anih pơm yang tih tơ kơpal kông groi Isơrael; lu iĕm gô sa 'nhĕm păng huch pham.

Êsêkiên 39:18

Lu iĕm gô sa sĕch lu bơngai nuih kơtang, huch pham lu yŏng pơgơ̆r tơ ala teh thoi sa sĕch lu triu tơno lu bơbe, rơmo, lu sem dơrong bek tơ char Basan.

Jo 23:22

Kră Yang 'Bok Kei-Dei chông tơlĕch lu sư đơ̆ng dêh char Êyiptơ. Lu sư đei jơhngơ̆m pran thoi rơmo bri.

Jo 24:8

Kră Yang 'Bok Kei-Dei chông tơlĕch sư đơ̆ng dêh Êyiptơ, jơhngơ̆m lu sư pran kơtang thoi rơmo bri. Luăn sa lu dêh char nai, wă khan lu ayăt kơ sư. Gơ̆ pơchah lê̆ kơting lu sư, 'bet lu sư hăm 'brơ̆m hră,

Both 33:17

Rơmo tơno kơdră sư 'lơ̆ng rŏ pran kơtang. Ake sư noh ake rơmo tơno bri. Ake noh boih sư tơ̆m kon pơlei pơla. Dĭng truh tơ kon pơlei oei tôch teh đak, noh boih rơbâu hơngan 'nu bơngai Êphraim, kư̆m thoi dôm rơbâu 'nu bơngai Manase.