Êsai 34:6 - Sơ̆p Hlabơar Nơ̆r 'Bok Kei-Dei

⁶ Đao gưm Kră Yang 'bĕnh kơ pham păng rơmă, thoi pham triu păng bơbe. Hăm rơmă đơ̆ng boh-lăn triu tơno. Yua kơ Kră Yang đei tơdrong soi sơmah tơ pơlei Bôsra, tơdrong pơlôch tih dêh tơ dêh char Eđôm.

Êsai 34:6 ပူးပေါင်းရင်းမြစ်များ

II Sam 1:22

Hră jŭk Jônathan ưh kơ đei layơ wơ̆t brŏk, khan huay kơ đei pham bơngai lôch klep, Đao Sôl ưh kơ layơ brŏk hoh. Mă-lei layơ kư̆m đei rơmă lu bơngai nuih kơtang klep.

I Ho 1:44

Pơtao Bêla lôch, Jôbap, kon drŏ-nglo Sêra, bơngai pơlei Bôsra, iung pơm pơtao.

Horiso 137:7

Lăm năr Jêrusalem pơchah. Ơ Kră Yang, 'blŏk bĕ kơ lu kon pơlei dêh char Eđôm. Lu sư khan: “Pơrăm lê̆ bĕ, pơrăm lê̆ bĕ; Dĭng truh tơ hơnă sư!”

Êsai 29:2

Inh gô pơm ăn kơ pơlei Ariêl pơmat-tat; gô đei nhơ̆m hmoi ơh sơ'ngon, hăm Inh pơlei Ariêl gô nhen thoi chơnang soi pơyơ̆r.

Êsai 34:5

Mưh đao gưm Inh huch suai bơih tơ kơpal plĕnh. Na 'nâu sư gô jur tơ Eđôm, jur tơ kon pơlei mă Inh đei sek wă pơrăm lu sư.

Êsai 63:1

Bu Tơ'ngla mă truh đơ̆ng char Eđôm. Đơ̆ng pơlei Bôsra? Na hrŭk hơbĕn ao gôh rang hơdah, yak năm hăm tơdrong pran kơtang. Noh Inh bơih Tơ'ngla pơma nơ̆r 'lơ̆ng tơpăt Tơ'ngla mơsêh mơyang tih-tin wă dŏng pơklaih.”

Êsai 63:3

“Minh 'nu Inh đĕch pơjuă păng hmĕt đak hơmu, ưh kơ đei bu mă đơ̆ng kon pơlei oei hăm Inh. Lăm tơdrong hil Inh pơjuă lu sư, lăm tơdrong Inh mĭl Inh pơjuă bơhlơ̆r lu sư. Pham lu sư tơprah 'bơm ao Inh, ao tai Inh pham klep jơ̆p-jang.

Êsai 65:12

Na Inh hơgăt ăn kơ lu iĕm lôch kơ đao gưm, păng đĭ-đăng lu iĕm gô kŭp kơ̆l ăn kơ đe pơlôch; Yua kơ Inh krao bơih lu iĕm ưh kơ tơl; Inh đei khan lu iĕm ưh kơ 'maih mơ̆ng, lu iĕm đei pơm bơih tơdrong kơnê̆ 'bơ̆t anăp Inh, păng rơih iŏk tơdrong Inh ưh kơ lăp đon.”

Je 12:12

Lu bơngai wă pơrăm truh boih, tơ jơ̆p-jang kơ groi grôn kơjung tơ lăm tơmăn glă; yua kơ đao gưm Kră Yang oei pơrăm teh đơ̆ng teh âu dĭng tơ to; Ưh kơ đei kon bơngai dah Sem brem kiơ mă oei hiôk hơđơ̆ng.

Je 25:34

“Ơ lu bơngai wei triu, nhơ̆m hmoi bĕ, ôr krao bĕ! Ơ tơ'ngla triu tơgrŏl pơpơ̆ bĕ yua kơ truh boih năr đe pơlôch lu iĕm, lu iĕm gô pơ̆k lôch thoi gŏ teh gĭt pơchah.

Je 46:10

Mă-lei năr noh năr Kră Yang; năr Kră Yang Tih Hloh pơm 'mong kơ lu bơngai mă ayăt kơ Sư. Đao gưm đe yua koh pơlôch dĭng hrăp huch pham dĭng klaih rơhing; Yua kơ noh Kră Yang Kră Yang Tih Hloh. Pơm giĕng soi pơyơ̆r Tơ lăm char gah yă-nơ̆m cheng Krong Ơphrat.

Je 49:13

Kră Yang khan: “Inh pơkă hăm anăn Inh kơdih, pơlei Bôsra gô jing rơ̆m rĕk, đe lăng 'brơ̆ krưp, đe hiĕk ăr, blei hiap păng pŭ hơngiap, lu pơlei sư gô jing rơ̆m rĕk, pơchah răm ling-lang hloi.”

Je 49:7

Gah dêh char Eđôm: 'Nâu Kră Yang Tih Hloh khan: “Lăm pơlei Têman ưh pă đei bơngai gơh hơgei boih hă? Lu bơngai gơh hơgei ưh pă đei đon pơđâu boih hă? Tơdrong hơgei sư hiong đĭ boih hă?

Je 50:27

'Bet pơlôch bĕ đĭ-đăng rơmo tơno sư; ba tơ anih đe pơm 'nhĕm! Răm-'băm tơpă kơ lu sư, truh boih năr mă phak lu sư.

Je 51:40

Inh gô chông ba lu sư tơ anih đe 'bet pơlôch pơm 'nhĕm, thoi triu tơno thoi bơbe tơno.

Êsêkiên 21:10

Noh wă koh pơlôch, pat han wă koh pơlôch; iel rang thoi kơmlat, bơ̆n hăm hiôk dah ưh? Iĕm lăng pơhơi dêh kơ 'long jra pơtao, kon drŏ-nglo Inh păng lu 'long sơnguĕt sư.

Êsêkiên 35:15

Yua kơ ih chơt hiôk mưh mŭk tơmam adrĕch Isơrael jing juơ pă đei, na Inh kư̆m gô pơm kơ ih thoi noh. Kông Seir păng đĭ kơ Eđôm, gô jing juơ pă đei păng lu sư gô băt Inh boih Kră Yang.’”

Êsêkiên 35:8

Lu kông iĕm gô 'bĕnh kơ akâu bơngai lôch; tơ kơpal groi lăm thŭng lăm thong đak tă đei akâu bơngai lôch kơ đao.

Am 1:11

Kră Yang khan: Yua kơ đơ̆ng kon pơlei Eđôm rai pơm kơnê̆ hloh kơ adrol, thoi ei na Inh ưh kơ lê̆ ôh wă phak lu sư. Yua kơ lu sư đei chĕp đao druh 'moi lu 'nhŏng oh sư kơdih, ưh pă đei jơhngơ̆m băt mơnat, tơdrong hil blĕk lu sư kăp hek băl, pă pơdơh mong tơdrong blĕk ling-lang,

Jêphania 1:7

Hreh bĕ 'bơ̆t anăp Kră Yang 'Bok Kei-Dei! Yua kơ năr Kră Yang wă jê̆ boih. Kră Yang đei hơmet boih tơmam soi, Sư đei 'măn klah lê̆ pha boih lu bơngai tơmoi mă Sư krao.

Both 32:14

Đơ̆ng khŭl rơmo păng triu bơbe lu sư đei đak toh păng đak toh iŭ. Sa 'nhĕm sĕch rơmă đơ̆ng triu kon păng triu tơno. Rơmo triu tơno, bơbe tơno đơ̆ng char Basan lu iĕm sŏng 'ba 'mi mă 'lơ̆ng hloh; Huch sik đak hơmu đơ̆ng tơm 'brê thoi pham.

Both 32:41

Kơplah inh pat đao rang mơnhal Ti Inh chĕp đao, Inh hơ-oei sek tơlang. Inh gô pơm 'mong kơ lu bơngai ayăt păng pơm tơwih kơ lu bơngai areh kơ Inh.