Êsai 34:3 - Sơ̆p Hlabơar Nơ̆r 'Bok Kei-Dei

³ Lu bơngai đe pơlôch, đe gô klơ̆m hŭt lê̆ lu sư. 'Bâu ôm atâu bơngai lôch jơ̆p-jang, rim kơ kông 'bĕnh-'bang kơ pham.

Êsai 34:3 ပူးပေါင်းရင်းမြစ်များ

Êsai 10:4

Ưh pă đei kiơ oei oei. Lăp kŭp kơ̆l drap lăm lu bơngai bơnă păng pơ̆k hơdai hăm lu bơngai lôch đĕch. Mă-lei ră, Kră Yang oei hil mĭl kơ lu sư 'mơ̆i, ti Kră Yang oei yơ̆r tơ kơpal wă pơm kơ lu sư.

Êsai 34:7

Lu kon pơlei thoi rơmo bri tơno gô wang pơ̆k hơdai lu sư; đĭ lu rơmo bri dăm păng lu rơmo tơno pran kơtang. Teh đak lu sư 'bĕnh kơ pham. 'Mui teh hơiuh rơbơ̆r yua kơ rơmă.

Êsai 66:24

Wă lu sư lĕch năm 'bôh akâu lu bơngai mă ayăt hăm Inh lôch; yua kơ hrai sa lu sư ưh kơ đei layơ lôch, ŭnh sa lu sư kư̆m ưh kơ đei layơ păt, lu sư gô jing tơdrong krưp kơnê̆ pơm ăn kơ rim kon bơngai.”

Je 22:19

Đe gô 'bŭ sư thoi đe 'bŭ aseh iĕ, đe gô hor sư tơ 'nguaih, păng klơ̆m lê̆ sư tơ ataih kơ 'măng jang pơlei Jêrusalem.

Je 25:33

Lăm năr noh akâu atâu bơngai mă Kră Yang pơlôch 'bĕnh-'bang jơ̆p kơ teh đơ̆ng gah âu truh tơ gah to, ưh kơ đei bu hmoi, ưh kơ đei bu 'bŭ hơmet, gô pơm mơ̆r kơ teh!

Êsêkiên 14:19

Dah Inh ăn tơdrong lôch hơbuh truh lăm char noh, Inh tuh tơdrong hil hăm pham lĕch, wă pơlôch pơrăm đĭ bơngai hăm lu sem dơrong,

Êsêkiên 32:4

Inh gô klơ̆m hŭt ih tơ teh păng hŭt lê̆ ih tơ bri na Inh gô ăn kơ lu sem păr kôp tơ ih păng lu sem bri gô sa ih phĭ hrăp.

Êsêkiên 35:6

Thoi noh Kră Yang khan: Thoi Inh mă arih, Inh gô pơm kơ ih tuh pham pơlôch băl, pham gô druh kiơ̆ ih, yua kơ ih ưh kơ areh kơ tơdrong tuh pham, na pham gô druh kiơ̆ ih!

Êsêkiên 38:22

Inh gô phak lu sư hăm tơdrong jĭ hơpoh hăm đao hơlă 'bet pơlôch pham lĕch, Inh gô ăn 'mi hơbŭt, 'mi prĕl, ŭnh păng tơmo ngŭr tuh tơ lu sư, tơ lu kon pơlei kiơ̆ sư hăm lu linh sư.

Êsêkiên 39:11

Lăm năr noh, Inh gô ăn kơ Gôk minh anih pơm bơsat 'bŭ tơ Isơrael, lăm thŭng mă lu bơngai năm rok wih wơ̆t gah hơlĕch kơ đak dơsĭ; tơ anih 'bŭ noh găn trong lu bơngai năm wih wơ̆t. Gŏt păng đĭ-đăng kon pơlei kiơ̆ sư, đe gô 'bŭ tơ lăm anih noh, đe gô krao thŭng Hamon Gôk.

Êsêkiên 39:4

Ih păng lu linh ih, hăm đĭ-đăng kon pơlei mă kiơ̆ ih gô pơ̆k kơpal groi kông Isơrael. Inh gô ăn kơ lu sem păr păng lu sem bri kăp sa.

Jôel 2:20

Inh gô puh tơweh lu sư mă đơ̆ng gah yă-nơ̆m weh ataih đơ̆ng lu iĕm, păng puh tơmơ̆t lu sư tơ lăm teh hrĕng kro, păng tơ bri brah, puh lê̆ lu sư mă yak adrol huŏng tơ lăm đak dơsĭ gah hơlĕch, păng lu linh đơ̆ng rŏng huŏng tơ lăm dơsĭ gah bơmơ̆t. 'Bâu ôm păng 'bâu khach lu sư yuh đông jơ̆p-jang, yua kơ Kră Yang đei pơm boih tơdrong mơsêh tih.

Am 4:10

Inh đei ăn boih tơdrong jĭ hơpoh truh tơ lu iĕm, kư̆m thoi inh ăn tơ lăm dêh Êyiptơ. Inh đei yua đao gưm pơlôch lu kon tơdăm iĕm boih păng lu aseh iĕm inh kư̆m puh pơđĭ. Inh đei ăn boih 'bâu ôm đơ̆ng lăm kơđông lu iĕm păr đông tơ muh lu iĕm. Mă-lei lu iĕm kư̆m ưh kơ wă wih brŏk tơ inh, Kră Yang khan thoi noh.

Na 3:3

Lu linh hao aseh drong tơ anăp; đao rang chơchêr chơchar, hơlă tơju tơjrê tơjra. Đei lơ bơngai lôch, akâu bơngai lôch hơdrom băl hơlôk thoi pôi, akâu bơngai lôch kĕt keng. Đei lơ bơngai pơ̆k hơtat kơpal akâu bơngai lôch.

Tơdrông Tơ'bôh 14:20

Anih đe peh plei hơmu noh tơ 'ngoaih pơlei. Pham ro đơ̆ng tơpăl tơmo noh ataih dang pêng-hrĕng kơsô̆, jrŭ pham noh lơ̆p ako aseh.