Êsai 34:2 - Sơ̆p Hlabơar Nơ̆r 'Bok Kei-Dei

² Yua Kră Yang hil mĭl wă pơrăm đĭ-đăng dêh char; Kră Yang hil kơ đĭ-đăng linh lu sư, gô ăn kơ lu sư lôch hiong păng pơjao lê̆ kơ đe pơlôch.

Êsai 34:2 ပူးပေါင်းရင်းမြစ်များ

Horiso 2:5

Dang ei Kră Yang hil mĭl kơ lu sư. Đơ̆ng noh pơrŭng lu sư hăm tơdrong hil kơtang.

Le 8:14

Lu đe dônh akŭm kit tih iĕ hơlôk hơlak thoi pôi tih păng 'bâu ôm jơ̆p-jang kơ dêh sư.

Êsai 10:5

Răm-'băm tơpă kơ dêh char Asiri, sư thoi sơnguĕt tơdrong Inh hil mĭl, 'long jra mă lu sư chĕp 'bơ̆t ti noh tơdrong Inh hil mĭl.

Êsai 13:5

Lu sư truh đơ̆ng dêh char ataih, đơ̆ng tôch kơ plĕnh teh. Kră Yang păng lu tơmam tơblah, Sư yua lăm tơdrong Sư hil mĭl wă pơrăm đĭ teh âu.

Êsai 13:6

Nhơ̆m hmoi bĕ lu iĕm! Yua kơ năr Kră Yang truh jê̆ bơih, tơdrong noh gô truh, thoi tơdrong pơrăm tih đơ̆ng Tơ'ngla Mơsêh Mơyang.

Êsai 26:20

Ơ kon pơlei pơla Inh mơ̆t bĕ tơ anih ih păng tang bĕ 'măng gah rŏng ih, ôn bĕ akâu iĕm hơya tŏ sĕt năr, Dĭng truh kơ layơ tơdrong Kră Yang hil hlôi đĭ.

Êsai 30:25

Truh kơ năr 'bet pơlôch băl tih, kơplah noh lu kơđông tih kơjăp pơchah, tơ rim kông kơjung rim groi gô đei lu glung đak ro.

Êsai 61:2

Wă roi tơbăt sơnăm Kră Yang mơnat, păng năr Kră Yang 'Bok Kei-Dei lu bơ̆n pơm tơwih; wă pơlung đĭ-đăng lu bơngai ơh sơ'ngon.

Êsai 63:6

Inh pơjuă gơhlơ̆r bơih lu kon pơlei lăm tơdrong hil mĭl. Inh ăn kơ lu sư suai hăm tơdrong Inh hil mĭl, păng pơlôch bơih pham lu sư lĕch tơ kơpal teh.

Êsai 65:12

Na Inh hơgăt ăn kơ lu iĕm lôch kơ đao gưm, păng đĭ-đăng lu iĕm gô kŭp kơ̆l ăn kơ đe pơlôch; Yua kơ Inh krao bơih lu iĕm ưh kơ tơl; Inh đei khan lu iĕm ưh kơ 'maih mơ̆ng, lu iĕm đei pơm bơih tơdrong kơnê̆ 'bơ̆t anăp Inh, păng rơih iŏk tơdrong Inh ưh kơ lăp đon.”

Êsai 66:14

Lu iĕm gô 'bôh dôm tơdrong noh, na lăm jơhngơ̆m hiôk-hian, kơting lu iĕm gô bluh thoi 'nhĕt. Đe gô băt ti Kră Yang gô tơgŭm lu đĭch đam Sư, mă-lei tơdrong Sư hil mĭl gô phak lu bơngai ayăt kơ Sư.

Êsai 66:16

Kră Yang gô iŏk ŭnh păng đao gưm wă phak lu bơngai pơm yoch. Đei lơ bơngai Kră Yang pơlôch.

Je 25:31

Đe gô kơtơ̆ng nơ̆r tơjrông tơjrang tơ tôch kơ teh, yua kơ Kră Yang gô sek đĭ kơ adrĕch adrung, Sư wă phak đĭ-đăng kon bơngai, Sư pơjao ăn lu bơngai kơnê̆ lôch kơ đao gưm.’ ” 'Noh Kră Yang khan.

Je 25:32

'Nâu nơ̆r Kră Yang Tih Hloh khan: “'Nâu, tơdrong pơrăm truh tơ jơ̆p-jang đơ̆ng dêh char âu truh tơ dêh char nai; hơbŭt hơbang tih lĕch đơ̆ng anih tôch kơ teh đak.”

Je 25:33

Lăm năr noh akâu atâu bơngai mă Kră Yang pơlôch 'bĕnh-'bang jơ̆p kơ teh đơ̆ng gah âu truh tơ gah to, ưh kơ đei bu hmoi, ưh kơ đei bu 'bŭ hơmet, gô pơm mơ̆r kơ teh!

Êsêkiên 36:5

Kră Yang khan thoi âu: Lăm tơdrong Inh hil gar tơtŏ thoi ŭnh, inh wă blah lu dêh char mă oei oei păng đĭ kơ char Eđôm, lu dêh char mă đĭ jơhngơ̆m chơt hiôk pơjăm tơgar iŏk teh Inh jing tơmam sư kơdih păng tơgar iŏk lu tơmăn 'nhĕt,

Jêphania 3:8

Thoi noh, Kră Yang khan: “Lu iĕm athei gô Inh dĭng truh tơ năr Inh gô iung blah rôp; yua kơ Inh wă iŏk akŭm pơpôi đĭ lu kon pơlei păng akŭm đĭ lu dêh char Inh, Inh wă tuh tơdrong hil păng tơdrong blĕk Inh tơ lu sư, yua kơ đơ̆ng ŭnh Inh gar gô luăn sa đĭ teh âu.

Sa 14:3

Dang ei, Kră Yang gô năm blah hăm lu dêh char noh, kư̆m thoi sư đei blah boih lăm năr tơblah.

Rom 1:18

'Bok Kei-Dei oei tơ plĕnh ti, Sư 'bôh tôm tơdrong kon bơngai pơm yoch pơm kơnê̆ tơpă, na Sư ơh wă phak kon bơngai. Kon bơngai lăp đon kơ pơm tơdrong kơnê̆, thoi noh na lu sư nŏng kơ pơgăn lê̆ lu bôl sư wă kiơ̆ tơdrong 'Bok Kei-Dei.

Jôsuê 11:20

Yua kơ Kră Yang ăn lăm jơhngơ̆m lu pơtao arăng kơ̆l 'maih wă tơblah hăm lu bơngai Isơrael, wă kơ lu sư jing hiong răm đĭ, ưh pă đei bu mơnat, kiơ̆ thoi Kră Yang đei tơtă pơkă boih kơ Môis.

Tơdrông Tơ'bôh 20:15

Bơngai bu ưh kơ đei anăn đe chih tơ lăm sơ̆p hla bơar tơdrong arih, bơngai noh kư̆m trŏ kơ đe tơlơ̆ sư tơ lăm dơnâu ŭnh mơ̆n.

Tơdrông Tơ'bôh 20:9

Na lu sư nơnăm jơ̆p kơ teh đak wang tăp dăr kơ lu kon 'Bok Kei-Dei, pơlei mă 'Bok Kei-Dei 'mêm. Mă-lei đei 'Bok Kei-Dei tơgŭm lu kon Sư. 'Bok Kei-Dei tơhuŏng ŭnh đơ̆ng kơpal plĕnh soh pơlôch lu bơngai kơnê̆ noh.