Êsai 34:11 - Sơ̆p Hlabơar Nơ̆r 'Bok Kei-Dei

¹¹ Sem bơrơ̆m păng jơma oei tơ anih noh, sem bơrơ̆m, sem ak gô oei tơ noh. Kră Yang 'Bok Kei-Dei gô dăng hăm tơlei tơdrong pơrăm lu sư păng pơtŏ hăm 'long thưk tơdrong tơhiong lu Sư.

Êsai 34:11 ပူးပေါင်းရင်းမြစ်များ

II Sam 8:2

Sư kư̆m blah bơngai Môap jei sư, rôp athei lu sư 'bĭch sap tơ teh na iŏk tơlei pơtŏ, mưh 'bar jăl tơlei pơlôch, minh jăl tơlei ăn arih, thoi noh bơngai Môap athei chu jang păng ăn thuê̆ kơ Đawit.

II Pot 21:13

Inh gô iŏk tơlei đơ̆ng pơtŏ dêh Samari păng tơlei đơ̆ng pơtŏ adrĕch Ahap, dăng lăm pơlei Jêrusalem dơ̆ng, inh gô sŭt pơgoh lê̆ pơlei Jêrusalem thoi đe ôp sŭt pơnhan, đơ̆ng noh gơsŭp lê̆ sư.

Horiso 102:6

Inh nhen thoi grơ̆ lăm char glă, kư̆m thoi bơrơ̆m oei lăm tơ bri brah.

Êsai 14:23

“Inh gô pơm kơ teh đak lu sư jing anih lu jơma oei, jing đak dơnâu 'nhĕt, Inh gô pơlôch pơrăm păng hơpuih pơgoh lê̆ sư.” Kră Yang Tih Hloh khan thoi noh.

Êsai 24:10

Pơlei đei tơdrong truh pơchah đĭ bơih, rim hnam tang chơkăl lê̆ 'măng, ưh kơ đei bu gơh mơ̆t.

Êsai 34:17

Kră Yang hlang lăng bơih ăn kơ lu sư, Ti Kră Yang dăng tơlei klah asong ăn teh âu. Lu sư gô oei tơ noh ling-lang păng oei tơ noh đơ̆ng chăl âu truh chăl nai khŏm khŏm.

Nhom 2:8

Kră Yang đei pơkă wă pơrăm dur kon adruh Siôn, Sư dăng boih tơlei hơgăt, Sư ưh tam mă đei layơ pơdơh ti pơrăm đe noh, Sư pơm dur wă pĕng păng dur pơlei nhơ̆m hmoi.

Lêwi 11:16

Sem chhơng, sem đak dơsĭ sem tre-wĕt, koch lĕk, kiơ̆ kơ adrĕch;

Am 7:8

Kră Yang khan kơ inh dơ̆ng: Ơ Amôs ih 'bôh kiơ? Inh khan: Minh dăng tơlei pơtŏ, na Kră Yang khan: 'Nâu Inh gô dăng tơlei pơtŏ hơgăt lăm kon pơlei Isơrael Inh. Inh ưh pă 'mêm kơ sư dơ̆ng.

Jêphania 2:14

Dôm lu kon sem dơrong gô drum 'bĭch lăm tŏk-bŏk; đĭ-đăng lu sem brem nai, truh kon sem thoi tơjŏ mơja, jơmăr, sem grơ̆ klang kư̆m gô kôp oei kơpal gơ̆ng. Sem bơlang gô hmoi si tơ 'măng-'mŏk, tơdrong bơsĕl 'bơ̆t 'măng păng lu bơbŭng hnam pơm păng 'long dơnơ̆ng đĭ yuih lê̆ boih.

Tơdrông Tơ'bôh 18:2

Sư pơma 'bơ̆r re kơ đe thoi âu: “Pơlei Babilôn, pơlei tih dêh, pơchah răm boih, ăn ngôi kơ yang sơmăt mă đe anăn yang kơnê̆ oei, păng đĭ lu sem brem sem păr pơm tơpu oei hơdai lăm noh 'mê̆-'mach dêh.