Êsai 33:9 - Sơ̆p Hlabơar Nơ̆r 'Bok Kei-Dei

⁹ Teh đak nhơ̆m hmoi ơh sơ'ngon đĭ jing juơ. Liban kơdơ̆ mơlâu păng jô hŏnh, dêh char Sarôn nhen thoi char glă Araba, dêh char Basan păng kông Karmel hla sư hơlŭng ruh đĭ.

Êsai 33:9 ပူးပေါင်းရင်းမြစ်များ

Jop 15:33

Sư thoi tơnơm 'long hơmu hơlŭng plei gơsĕ. Thoi 'long ôliwơ pơkao hơlŭng.

Hơri Hiôk 2:1

Inh thoi pơkao gôh tơ tơmăn Sarôn, Thoi pơkao kok jơk tơ lăm thŭng

Êsai 10:34

Sư gô kăl lu 'long rơ̆m rĕk lăm bri kơdrơ̆ng hăm sung. Char Liban hăm lu 'long tih kơjung gô păk 'bơ̆t anăp Tơ'ngla Mơsêh Mơyang.

Êsai 14:8

'Long hơngo hla iĕ, 'long hơngo lăm dêh Liban kư̆m hiôk yua păng khan: “Đơ̆ng năr kăl ih păk noh, ưh kơ đei bu năm kăl nhôn dơ̆ng.”

Êsai 2:13

Kŭm gô pơm kơ lu tơm 'long hơngo Liban pơrŏ pơang păng 'long kôih Basan.

Êsai 24:1

'Nâu Kră Yang gô pơrăm teh, pơm kơ teh jing juơ rơhiăng, sư gô blơ̆ pơrăm lê̆ teh đak păng pơm kơ kon pơlei tơklah tơklang.

Êsai 29:2

Inh gô pơm ăn kơ pơlei Ariêl pơmat-tat; gô đei nhơ̆m hmoi ơh sơ'ngon, hăm Inh pơlei Ariêl gô nhen thoi chơnang soi pơyơ̆r.

Êsai 3:26

Lu 'măng jang pơlei gô nhơ̆m hmoi, ơh sơ'ngon; thoi bơngai hơ-oei kơpal teh răm rai.

Êsai 35:2

Sư đei bluh pơkao lơ, păng 'nă hal hơri chơt hiôk. Tơdrong ư-ang Liban, hăm tơdrong 'lơ̆ng rŏ kông Karmel păng thŭng dơnă Sarôn, gô ăn kơ lu Sư. Lu sư gô 'bôh tơdrong ư-ang Kră Yang păng tơdrong 'lơ̆ng rŏ Kră Yang 'Bok Kei-Dei lu bơ̆n.

Êsai 37:24

Ih đei yua lu đam ih wă pơjăm Kră Yang, ih khan: Inh yua lu gre aseh lơ tŏk tơ kơpal kơ̆l kông, tơ anih kơjung ataih dêh lăm char Liban, inh kăl lu 'long hơngo mă kơjung dêh, 'long hơngo hla iĕ mă 'lơ̆ng hloh, inh năm truh bơih tơ kơ̆l kông kơjung hloh, lăm bri kơdrơ̆ng rơ̆m hloh.

Êsai 65:10

Kon pơlei Inh, lu bơngai mă krao chă Inh gô đei tơmăn glă Sarôn pơm anih tơmăn 'nhĕt wei rong triu păng thŭng Akô pơm tơmăn 'nhĕt ăn kơ rơmo bun pơdơh.

Je 50:19

Mă-lei Inh gô chông bơngai Isơrael brŏk tơ anih 'nhĕt sư. Lu sư gô sa 'nhĕt tơ kông Karmel păng lăm groi Basan, lu sư gô sa phĭ hrăp tơ groi Êphraim păng lăm char Gileat.”

Hôsia 4:3

Yua kơ thoi noh na lăm char âu đei ơh sơ'ngon, lu bơngai oei lăm noh rơmơ̆n rơmok, lu sem brem, lu sem păr kư̆m lei-lăi, ka lăm đak dơsĭ kư̆m lôch.

Am 1:2

Amôs khan: Kră Yang gô krao ôr đơ̆ng Siôn. Sư gô ôr pơret nơ̆r sư đơ̆ng Jêrusalem. Dôm lu 'nhĕt 'nhot bơngai wei triu kro jô păng tơ kơ̆l Kông Karmel 'long pơgê kư̆m jô kro mơ̆n.

Mi 7:14

Iŏk 'long jra 'Bok Kei-Dei mơnat kơ bơngai Isơrael wei bĕ kon triu ih, wă khan khŭl triu sem dơrong ih lu oei minh drô̆ lăm bri kông Katmen; ăn bĕ kơ lu sư sa 'nhĕt lăm char Basan păng Gileat, kư̆m thoi ki sơ̆.

Na 1:4

Sư chrih kơ đak dơsĭ, đak dơsĭ hrĕng kro hloi; păng pơhrơ̆ đĭ-đăng lu đak krong. Mir chŭn pơgar tơring Basan păng Karmel hrĕng kro, pơkao char Liban jô hơlŭng.

Jang 9:35

Đĭ-đăng bơngai pơlei đe Liđa păng pơlei đe Sarôn 'bôh sư klaih boih, na 'bar tŏ pơlei ei, lu sư lui hloi kơ Kră Yang Yêsu.

Both 3:4

Kơplah noh lu bơ̆n iŏk đĭ lu pơlei tih sư, ưh kơ đei pơlei tih ayơ đơ̆ng mă lu bơ̆n ưh kơ tam iŏk; đei tơdrâu-jĭt tŏ pơlei tih păng đĭ tơring Argôp, teh đak pơtao Ôk lăm dêh Basan.