Êsai 33:5 - Sơ̆p Hlabơar Nơ̆r 'Bok Kei-Dei

⁵ Kră Yang đei pơyom hloh, yua kơ Sư oei tơ anih kơpal ti, Sư pơm ăn kơ Siôn 'bĕnh blai kơ tơdrong 'lơ̆ng tơpăt păng trŏ hơnơ̆ng.

Êsai 33:5 ပူးပေါင်းရင်းမြစ်များ

Horiso 118:16

Ti 'ma Kră Yang yơ̆r kơjung, Ti 'ma Kră Yang pơm kĕ jei jơnei tih.”

Horiso 123:1

Inh ngơk muh măt tơ Ih ơ Tơ'ngla mă oei tơ kơpal tang-dŏ pơtao tơ plĕnh.

Le 15:1

Đơ̆ng noh, Môis păng kon pơlei Isơrael hơri 'bai 'nâu kơ Kră Yang, khan: Inh gô hơri ư-ang kơ Kră Yang, yua kơ Sư mơsêh mơyang tih. Kră Yang klơ̆m lê̆ aseh păng bơngai hao aseh lăm đak dơsĭ.

Le 15:6

Ơ Kră Yang! Ti gah 'ma Ih pran kơtang mơsêh mơyang. Ơ Kră Yang! Ti gah 'ma Ih pơrăm boih lu linh ayăt.

Le 18:11

Dang ei inh băt boih Kră Yang tih hloh kơ đĭ-đăng yang, yua kơ Sư pơklaih lu iĕm đơ̆ng ti lu bơngai Êyiptơ mă pơm kơ lu iĕm kơnê̆ dêh.

Êsai 12:4

Păng lăm năr noh kơnh lu iĕm gô khan: “Hơri bơnê bĕ kơ Kră Yang; krao khan bĕ kơ Anăn Sư, năm ră roi bĕ dôm tơdrong jang Sư kơ rim adrĕch adrung bơngai, roi bĕ Anăn Kră Yang Sư bơih mă bơ̆n athei ư-ang.

Êsai 2:11

Măt kon bơngai 'maih lăng pơrŏ gô mơlâu, tơdrong pơang kon bơngai gô tơhuŏng lê̆ tơ ala, lăm năr 'noh lăp minh 'nu Kră Yang đĕch bơ̆n ư-ang.

Êsai 2:17

Lu bơngai pơang gô tơjur lê̆ tơ ala păng tơdrong kon bơngai pơrŏ kơdih akâu gô mơlâu, lăm năr 'noh kơnh pôm Kră Yang đĕch trŏ kơ bơ̆n ư-ang.

Êsai 26:1

Lăm năr noh tơ dêh Juđa, đe gô hơri 'bai âu: Lu bơ̆n đei pơlei tih kơjăp! Kră Yang 'Bok Kei-Dei ăn tơdrong dŏng pơklaih Sư pơm thoi dur pơlei kơjăp.

Êsai 28:6

Sư bơih ăn kơ lu bơngai sek tơlang đei yŏng tơpăt păng ăn jơhngơ̆m nuih pran kơ lu bơngai wă blah tơweh lu ayăt đơ̆ng 'măng jang.

Êsai 30:18

Mă tơpă, Kră Yang oei gô wă pơm 'lơ̆ng kơ lu iĕm, Tơpă Sư gô 'mêm mơnat kơ lu iĕm. Kră Yang jơ̆ Kră Yang 'Bok Kei-Dei 'lơ̆ng tơpăt. Pŭn hiôk dêh kơ bơngai bu oei chang gô Sư!

Êsai 32:1

'Nâu gô đei minh 'nu pơtao pơgơ̆r 'lơ̆ng tơpăt, lu kră pơgơ̆r gô wei-lăng tơpăt hơnơ̆ng.

Êsai 33:10

Kră Yang khan: “Dang ei Inh gô iung, dang ei Inh gô pôk hơtŏk, dang ei Inh gô đei tơdrong ư-ang.

Êsai 33:4

Mŭk tơmam lu iĕm đe gô pơdŭ iŏk nhen thoi lep 'ba, pơdŭ sa, đe gô bruh iŏk tơmam iĕm thoi lu lep 'ba bruh sa.

Êsai 37:20

Ơ Kră Yang, Kră Yang 'Bok Kei-Dei lu nhôn, dang ei apinh Ih dŏng pơklaih lu nhôn đơ̆ng ti Senakêrip, wă kơ rim teh đak băt kơ minh Ih đĕch Kră Yang!

Êsai 5:16

Mă-lei Kră Yang Tih Hloh, gô pôk hơtŏk tơ kơpal hloh hăm tơdrong sek tơlang tơpăt hơnơ̆ng, păng Kră Yang 'Bok Kei-Dei 'lơ̆ng Rơgoh gô pơdah Sư 'lơ̆ng rơgoh lăm tơdrong 'lơ̆ng tơpăt.

Êsai 52:1

Ơ pơlei Siôn, iung hơđơ̆r bĕ, iung hơđơ̆r bĕ, pơpôi jơhngơ̆m pran ih bĕ! Ơ pơlei Jêrusalem, jơ̆ pơlei 'lơ̆ng rơgoh, athei iŏk hrŭk ao 'lơ̆ng ih! Lu bơngai ưh kơ chu kăt tơdra akar, bơngai yoch kơnê̆ 'mê̆-'mach gô ưh pă mơ̆t tơ lăm ih dơ̆ng bơih.

Êsai 56:1

Kră Yang khan thoi âu: Athei wei bĕ tơdrong 'lơ̆ng tơpăt. Păng pơm bĕ tơdrong trŏ 'lơ̆ng; yua kơ tơdrong dŏng pơklaih Inh wă jê̆ truh păng tơdrong 'lơ̆ng tơpăt Inh wă jê̆ pơdah bơih.

Êsai 57:15

Yua kơ Tơ'ngla Tih Hloh kơ đĭ-đăng, Tơ'ngla oei đei ling-lang. Anăn Sư Kră Yang 'Lơ̆ng Rơgoh, đei khan thoi âu: “Inh oei tơ anih kơpal hloh păng 'Lơ̆ng Rơgoh. Mă-lei kư̆m oei hơdai hăm bơngai đei jơhngơ̆m sơ'ngon tơbral tơdrong yoch, wă tơiung ming jơhngơ̆m lu bơngai băt tơjur akâu, wă pơlung jơhngơ̆m lu bơngai băt sơ'ngon kơdih yoch.

Êsai 60:21

Na đĭ-đăng kon pơlei ih gô jing 'lơ̆ng tơpăt; lu sư gô đei dêh char 'nâu ling-lang; Lu sư bơih bluh tơmơ̆ng đơ̆ng Inh pơtăm, đơ̆ng ti Inh pơm wă kơ Inh đei ư-ang.

Êsai 61:11

Nhen thoi teh pơm ăn kơ 'long bluh tơmơ̆ng thoi pơgar rei adrĕch bluh chăt thoi yơ. Na Kră Yang kư̆m pơm ăn kơ tơdrong 'lơ̆ng tơpăt, păng tơdrong bơnê ư-ang bluh chăt 'bơ̆t anăp rim kơ adrĕch kon bơngai thoi noh mơ̆n.

Êsai 61:3

Wă ăn kơ lu bơngai ơh sơ'ngon oei tơ pơlei Siôn hơgăl pơkao tơplih kơ tơnuh tuh ăn đak 'bâu phu hiôk chơt tơplih kơ ơh sơ'ngon, pơhrŭk ăn ao bơnê ư-ang tơplih kơ jơhngơ̆m ơh klai. Đe gô krao sư tơm 'long kôih tơdrong tơpăt, 'long mă Kră Yang đei pơtăm bơih. Wă tơ'bôh tơdrong ư-ang Kră Yang.

Êsai 66:1

Kră Yang khan thoi âu: “Plĕnh noh Tang-dŏ pơtao Inh, teh noh hơnă jơ̆ng Inh juă. Lu iĕm gô man ăn kơ Inh hnam tơ yơ? Anih ayơ pơm anih Inh pơdơh?

Je 23:5

Kră Yang khan: “Năr gô truh tơ anăp âu, Inh gô tơiung đei minh pôm dơng tơpăt chăt đơ̆ng adrĕch Đawit, Sư pơm pơtao pơgơ̆r gơh hơgei, pơm tơdrong 'lơ̆ng tơpăt hơnơ̆ng lăm teh đak.

Je 23:6

Lăm chăl Sư pơgơ̆r khŭl bơngai Juđa gô đei dŏng pơklaih; păng bơngai Isơrael đei arih hiôk hơđơ̆ng. 'Nâu anăn đe gô krao Sư: ‘Kră Yang boih 'lơ̆ng tơpăt lu nhôn.’ ”

Je 31:23

Kră Yang Tih Hloh 'Bok Kei-Dei bơngai Isơrael khan: “Kơplah Inh chông tơwih bơngai bơnă brŏk, lăm char Juđa păng tơ rim pơlei gô khan: ‘Ơ lu anih mă 'lơ̆ng tơpăt Kră Yang, kông rơgoh, apinh Kră Yang ăn kơ anih âu pŭn hiôk!’

Da 4:37

Dang ei inh, Nebukatnessar, bơnê kơkuh kơ Kră Yang 'Bok Kei-Dei Pơtao rang mơnhal kơpal plĕnh; dôm tơdrong jang Sư tă kơ sĭt tơpă, lu trong gơlong Sư tơpăt; păng bơngai bu mă yak lăm trong pơang, Kră Yang 'Bok Kei-Dei gô tơjur lê̆ sư.

Rom 11:26

'Noh na đĭ lu bơngai Isơrael băt kơ 'nhĕng lu bơngai khŭl nai lui kơ 'Bok Kei-Dei, na đĭ lu sư wang lui kiơ̆, lu sư klaih đĭ dôm tơdrong yoch. Tơdrong noh kư̆m thoi đe chih roi lăm hla bơar 'Bok Kei-Dei sơ̆ thoi âu: “'Bok Dŏng Pơklaih wă năm đơ̆ng Pơlei Siôn tơ rim pơlei Isơrael, wă pơpuh tơjăk đĭ dôm tơdrong yoch đe Isơrael.