Êsai 33:22 - Sơ̆p Hlabơar Nơ̆r 'Bok Kei-Dei

²² Tơpă, Kră Yang bơih Tơ'ngla sek tơlang lu bơ̆n, Kră Yang Tơ'ngla pơjing ăn kơ lu bơ̆n khôi juăt, Sư bơih Kră Yang pơtao lu bơ̆n, sư bơih Tơ'ngla dŏng pơklaih lu bơ̆n!

Êsai 33:22 ပူးပေါင်းရင်းမြစ်များ

Bl 18:25

Na Ih ưh kơ wă pơm thoi noh aah? Pơlôch lu bơngai tơpăt hơdai hăm lu bơngai yoch; dĭng mah jô̆ lu bơngai tơpăt kư̆m thoi lu bơngai kơnê̆, ưh ôh, Kră Yang ưh kơ đei layơ pơm thoi noh! Kră Yang sek tơlang kơ jơ̆p teh đak, ưh kơ đei pơm tơdrong tơpăt aah?”

Ne 10:14

Lu pơm yŏng wei-lăng kon pơlei: Parôs, Phahat Môap, Êlam, Satu, Bani.

Horiso 44:4

Ih boih Kră Yang pơtao inh. Tơ'ngla ăn tơdrong dŏng pơklaih Jakôp.b

Horiso 44:5

Yua kơ đơ̆ng Ih lu nhôn puh tơlơ̆ lu ayăt kơ nhôn. Hăm anăn Ih, lu nhôn gô pơjuă lu ayăt mă blah lu nhôn.

Horiso 50:6

Tơ plĕnh roi tơbăt tơdrong tơpăt Sư. Yua kơ Kră Yang 'Bok Kei-Dei boih Tơ'ngla sek tơlang. Sêla

Horiso 74:12

Mă-lei Kră Yang 'Bok Kei-Dei jơ̆ pơtao inh đơ̆ng sơ̆. Oei dŏng pơklaih tơ jơ̆p kơ teh đak.

Horiso 75:7

Mă-lei Kră Yang 'Bok Kei-Dei Tơ'ngla sek tơlang; Sư tơjur đe âu păng hơtŏk đe noh.

Horiso 89:18

Ih jơ̆ khêl pĕng lu nhôn. Kră Yang 'lơ̆ng rơgoh Isơrael jơ̆ pơtao lu nhôn.

Horiso 98:9

Yua kơ Sư truh wă sek tơlang kơ teh đak. Sư sek tơlang kơ teh đak hăm tơdrong tơpăt sư, tơpăt hơnơ̆ng. Sư sek tơlang kơ kon pơlei pơla.

Êsai 1:10

Ơ lu kră wei-lăng plei Sôđôm, mơ̆ng bĕ nơ̆r Kră Yang khan. Ơ kon pơlei Gômôrơ, pơgling đon iĕm mơ̆ng bĕ khôi juăt Kră Yang 'Bok Kei-Dei lu bơ̆n.

Êsai 11:4

Mă-lei Sư gô sek tơlang tơpăt kơ lu bơngai dơnuh, păng sek ăn kiơ̆ tơdrong tơpăt hơnơ̆ng kơ lu bơngai pơmat-tat kơpal teh âu. Sư gô teh teh đak hăm 'long jra đơ̆ng 'bơ̆r Sư pơma păng hơyuh kial đơ̆ng hơkŭng Sư na pơlôch lu bơngai pơm kơnê̆.

Êsai 12:2

Ih bơih Kră Yang 'Bok Kei-Dei dŏng pơklaih inh, Inh gô gơnang kơ Ih păng ưh kơ hli tơrơ ôh. Kră Yang boih tơdrong inh hơri bơnê, Sư bơih dŏng pơklaih inh.”

Êsai 16:5

Na gô đei pơtao pơgơ̆r hăm tơdrong 'mêm mơnat, đơ̆ng adrĕch Đawit gô đei minh 'nu 'bok tŏk pơgơ̆r tơpăt, sư gô sek tơlang, chă tơdrong tơpăt hơnơ̆ng păng pơm hloi tơdrong 'lơ̆ng tơpăt.

Êsai 2:4

Kră Yang gô sek tơlang sơlam tŏk-bŏk kơ đĭ-đăng teh đak păng sek ăn kơ lơ adrĕch adrung bơngai, lu sư gô iŏk đao hơjơ̆m pơm pla 'nhik iŏk tơju hơlă lu sư pơm săng kô. Teh đak âu ưh pă đei tơblah păng teh đak to dơ̆ng bơih, ưh pă đei pơhrăm wă tơblah dơ̆ng.

Êsai 24:23

Măt khei gô ưh pă hơđơ̆ng, măt 'năr gô kơdơ̆, Kră Yang Tih Hloh gô pơgơ̆r kơpal kông Siôn, tơ pơlei Jêrusalem păng tơdrong ư-ang rang mơnhal sư gô pơdah 'bơ̆t anăp lu đe kră.

Êsai 25:9

Lăm năr noh kơnh, đe gô khan: “Âu bơih Kră Yang 'Bok Kei-Dei bơ̆n, mă lu bơ̆n đei chang gô Sư dŏng pơklaih bơ̆n. 'Nâu bơih Kră Yang mă lu bơ̆n chang gô Sư. Bĕ lu bơ̆n 'nă hal chơt hiôk kơ tơdrong Sư dŏng pơklaih!”

Êsai 33:17

Măt ih gô 'bôh pơtao lăm tơdrong 'lơ̆ng rŏ sư păng ih gô lăng 'bôh teh đak pơih rai să.

Êsai 35:4

Akhan bĕ kơ lu bơngai đei jơhngơ̆m hli tơtăm; “Chơ̆n jơhngơ̆m 'nĕ pă hli dơ̆ng! To, Kră Yang 'Bok Kei-Dei lu iĕm gô truh wă pơm 'mong păng pơrăm Sư gô truh dŏng pơklaih lu iĕm!”

Êsai 37:20

Ơ Kră Yang, Kră Yang 'Bok Kei-Dei lu nhôn, dang ei apinh Ih dŏng pơklaih lu nhôn đơ̆ng ti Senakêrip, wă kơ rim teh đak băt kơ minh Ih đĕch Kră Yang!

Êsai 41:21

Kră Yang khan: “Pơdah bĕ tơdrong lu iĕm, wă khan” Pơtao đe Jakôp khan: “Pơdah pơsĭt bĕ tơdrong lu iĕm khan trŏ.”

Êsai 44:6

Kră Yang pơgơ̆r plĕnh teh, Pơtao păng 'Bok huai iŏk Isơrael, Kră Yang Tih Hloh khan thoi âu: “Inh blŭng-a păng tuch-luch, 'nguaih kơ Inh ưh kơ đei Yang nai dơ̆ng ôh.

Êsai 49:25

Mă-lei Kră Yang khan thoi âu: “Tơpă, lu bơngai bơnă gô tơgar iŏk đơ̆ng lu bơngai pran kơtang. Păng gô pơdrâu iŏk tơmam đơ̆ng bơngai nuih, Inh gô tơblah hăm lu bơngai blah lu iĕm, păng Inh bơih gô pơklaih kon hơ'lơ̆p iĕm.

Êsai 49:26

Inh gô pơm kơ lu bơngai pơjuă pơđep iĕm lu sư gô pơlôch dih băl, lu sư jing suai yua kơ đơ̆ng hil blĕk, thoi lĕ suai sik; Đĭ-đăng kon bơngai gô băt kơ Inh, Kră Yang Tơ'ngla dŏng pơklaih iĕm, Tơ'ngla huai iŏk iĕm păng Tơ'ngla mơsêh adrĕch Jakôp.”

Êsai 51:4

Ơ kon pơlei Inh, mơ̆ng bĕ Inh ơ teh đak Inh; pơgling đon iĕm mơ̆ng bĕ Inh. Gô đei tơdrong juăt lĕch đơ̆ng Inh, păng tơdrong tơpăt hơnơ̆ng Inh jing hơdah pơchrang ăn kơ đĭ-đăng kon pơlei.

Êsai 51:5

Tơdrong 'lơ̆ng tơpăt Inh wă jê̆ truh; tơdrong dŏng pơklaih Inh truh bơih. Tơpang ti Inh gô wei pơgơ̆r đĭ-đăng kon pơlei. Lu bơngai oei lăm bŏl dơsĭ chang gô Inh păng lu sư hơmĕng gơnang kơ tơpang ti Inh.

Êsai 51:7

Ơ kon pơlei băt tơdrong 'lơ̆ng tơpăt. Đei răk tơdrong juăt Inh lăm jơhngơ̆m, mơ̆ng bĕ Inh! 'Nĕ hli kơ đe pơjăm, 'nĕ hli kơ lu sư pơma kơnê̆ chrih pơjăm iĕm.

Êsai 60:16

Ih gô mŏm đak toh lu dêh char păng lu pơtao thoi mĕ gô tơmŏm 'me rong Ih. Ih gô băt kơ Inh bơih Kră Yang Tơ'ngla dŏng pơklaih ih Tơ'ngla huai iŏk ih păng Tơ'ngla mơsêh pran kơtang adrĕch Jakôp.

Sa 9:9

Ơ kon drŏ-kăn Siôn chơt hiôk bĕ đĭ-đăng! Ơ kon drŏ-kăn Jêrusalem, jreo tơkĕch chơt hiôk bĕ! 'Nâu, pơtao lu iĕm truh tơ lu iĕm boih, Sư jơ̆ tơpăt ăn tơdrong dŏng pơklaih, iŏk đon ala hao aseh iĕ, wă khan kon aseh yŏng.

Mathiơ 21:5

“Khan kơ kon pơlei pơla Jêrusalem hŏ: Pơtao iĕm wă mơ̆t tơ pơlei iĕm năr âu. Sư bơngai iơ̆m dim, Sư ưh kơ băt pơang akâu kơdih ôh; Sư hao minh pôm aseh iĕ, Sư oei kơpal kơdŭ aseh iĕ đĕch.”

Mathiơ 25:34

Na Inh pơm Pơtao pơgơ̆r lu sư, Inh khan kơ lu bơngai mă oei gah 'ma kơ Inh thoi âu: ‘'Bă Inh ăn kơ iĕm hiôk tơpă, năm mơ̆t oei tơ dêh Sư bĕ, Sư hơmet kơ iĕm anih đơ̆ng Sư pơjing plĕnh teh sơ̆ boih.

Luka 2:11

Măng 'nâu tơ pơlei Đawit, đe tơpŭ kơ minh 'nu 'Bok Dŏng Pơklaih, 'Bok Kră Yang, Krist.

Jang 5:31

'Bok Kei-Dei atŏk Yêsu anih gah 'ma kơ Sư, ăn Yêsu pơm 'Bok Pơgơ̆r bơ̆n. Sư kư̆m pơm 'Bok Dŏng Pơklaih bơ̆n mơ̆n, wă kơ bơngai Isơrael bơ̆n tơbral tơdrong yoch bơ̆n kơdih kơdih na 'Bok Kei-Dei pơklaih yoch bơ̆n.

II Kor 5:10

yua kơ đĭ-đăng bơ̆n ning-mônh gô dơ̆ng 'bơ̆t anăp Yêsu Krist sek tơlang kiơ̆ kơ akâu bơ̆n pơm 'lơ̆ng dah pơm kơnê̆, Sư apah kiơ̆ thoi noh.

Both 33:2

Sư khan: Kră Yang truh đơ̆ng kông Sinai. Pơchrang hơdah kơpal lu bơ̆n đơ̆ng Seirơ, păng rang mơnhal đơ̆ng Kông Paran; Sư truh hăm lơ rơbâu hơngan linh jang, Rang hơdah kơmlat lĕch đơ̆ng ti 'ma Sư.

Hêbrơ 5:9

Sư pơm dôm tơdrong tơnen 'blep thoi 'Bok Kei-Dei, na 'Bok Kei-Dei ăn kơ Sư pơm tơm gah tơdrong dŏng pơklaih dôm lu bơngai mă băt chu kơ Kon Sư, đơ̆ng tơdrong phak ăn arih ling-lang,

Ya 4:12

Minh 'nu đĕch pơkă kơ bơ̆n athei bơ̆n kiơ̆ tơdrong juăt Sư păng sek tơlang lu bơ̆n kiơ̆ kơ tơdrong juăt Sư, khan bơ̆n pơm yoch dah ưh. Sư gơh pơklaih bơ̆n ăn kơ bơ̆n arih păng kư̆m gơh pơlôch bơ̆n mơ̆n. Na liơ iĕm pơ̆n jô̆ kơ 'nhŏng oh iĕm pơm yoch?

Tơdrông Tơ'bôh 19:16

Đe chih tơ ao tai Sư mă 'bơ̆t jơ̆ng thoi âu: “Sư pơm 'Bok Pơtao, Sư tih hloh kơ đĭ-đăng lu pơtao nai. Sư pơm Yŏng, Sư tih hloh kơ đĭ-đăng lu yŏng nai.”

I Sam 12:12

Mă-lei kơplah iĕm 'bôh Nahas, pơtao đe Ammôn, năm blah lu iĕm, lu iĕm năm khan kơ inh: Ưh ôh; lu nhôn athei đei minh 'nu pơtao pơgơ̆r lu nhôn; mă tơpă sư lăm noh Kră Yang 'Bok Kei-Dei bơih pơm pơtao lu iĕm.