Êsai 33:2 - Sơ̆p Hlabơar Nơ̆r 'Bok Kei-Dei

² Ơ Kră Yang mơnat bĕ kơ lu nhôn! Lu nhôn oei chang gô Ih, Apinh ih ăn kơ nhôn đei jơhngơ̆m pran rim năr rim pơgê, apinh Ih dŏng pơklaih lu nhôn đơ̆ng lăm tơdrong pơmat-tat!

Êsai 33:2 ပူးပေါင်းရင်းမြစ်များ

Horiso 123:2

Thoi măt lu đĭch đam drŏ-nglo chang gô đơ̆ng ti yŏng tơ'ngla drŏ-nglo lu sư. Thoi măt lu đam drŏ-kăn lăng tơ ti yŏng tơ'ngla drŏ-kăn lu sư. Na măt lu bơ̆n kư̆m chang gô Kră Yang, 'Bok Kei-Dei thoi noh; Dĭng Sư mă mơnat kơ lu bơ̆n.

Horiso 143:8

Pơgê hrôih, apinh Ih ăn kơ inh kơtơ̆ng nơ̆r Ih 'mêm mơnat. Yua kơ inh gơnang kơ Ih. Apinh Ih bơtho ăn kơ inh trong wă yak kiơ̆. Yua kơ inh hơtŏk bơhngol inh tơ Ih.

Horiso 25:3

Tơpă, dôm lu bơngai gơnang kơ Ih. Ưh kơ đei mơlâu, Ăn bĕ kơ lu bơngai ưh kơ chu lui gô mơlâu.

Horiso 27:1

Kră Yang boih tơdrong hơdah păng tơdrong dŏng pơklaih inh: Inh wă hli kơ bu dơ̆ng? Kră Yang anih kơjăp kơ tơdrong arih inh: Inh wă hli kơ bu dơ̆ng?

Horiso 33:22

Ơ Kră Yang, ăn tơdrong 'mêm mơnat ih jruh tơ lu nhôn, yua kơ lu nhôn chang hơmĕng lăm Ih.

Horiso 37:39

Tơdrong dŏng tơgŭm lu bơngai tơpăt truh đơ̆ng Kră Yang gô; Sư jing anih kơjăp lăm năr anat anot.

Horiso 46:1

Kră Yang 'Bok Kei-Dei jơ̆ anih kơ'nơp păng tơdrong pran kơtang lu nhôn. Sư gôa tơgŭm hloi 'bơ̆t năr anat anot.

Horiso 46:5

Kră Yang 'Bok Kei-Dei oei lăm pơlei noh, pơlei ei ưh kơ đei pơpơ̆. Lăp 'brưch pơgê hrôih Kră Yang 'Bok Kei-Dei tơgŭm sư boih.

Horiso 50:15

Lăm năr anat anot krao bĕ Inh. Inh gô pơklaih ih, na ih gô bơnê ư-ang kơ Inh.”

Horiso 60:11

Apinh Ih dŏng pơklaih nhôn đơ̆ng lu ayăt. Yua kơ tơduă kon bơngai dŏng tơgŭm jing tơdrong kơ đei.

Horiso 62:1

Bơhngol inh pơdơh hiôk lăm minh Kră Yang 'Bok Kei-Dei đĕch; Tơdrong dŏng pơklaih inh đơ̆ng Sư.

Horiso 62:5

Ơ bơhngol inh pơdơh bĕ tơ anih Kră Yang 'Bok Kei-Dei; Yua kơ inh chang hơmĕng kơ Sư.

Horiso 62:8

Ơ kon pơlei, gơnang bĕ đĭ kơ Sư, ling-lang. Tuh bĕ jơhngơ̆m ih kơ Sư Kră Yang 'Bok Kei-Dei Sư boih mă anih bơ̆n kơ'nơp. Sêla

Horiso 90:15

Apinh Ih ăn kơ lu nhôn đei jơhngơ̆m chơt hiôk hơtŏ hơnơ̆ng kiơ̆ kơ năr mă Ih đei ăn kơ nhôn pơmat, Păng hơtŏ hơnơ̆ng kiơ̆ kơ sơnăm mă lu nhôn đei tơdrong hơnat hơnot

Horiso 91:15

Sư gô krao khan apinh Inh, Inh gô tơl tơwih kơ sư; Lăm năr pơmat-tat, Inh oei hơdai sư, dŏng pơklaih sư păng pôk pơư kơ sư.

Le 14:27

Thoi noh Môis yơ̆r ti sư hloi tơ đak dơsĭ, kiơ̆ pơgê oei hrôih, na đak dơsĭ hơlơ̆k klơ̆p thoi đêl, lu bơngai Êyiptơ kơdâu weh ră mă-lei Kră Yang tơlơ̆ pơlôch đĭ lu sư lăm đak dơsĭ.

Êsai 17:10

Ih hiơt bơih kơ Kră Yang 'Bok Kei-Dei Tơ'ngla dŏng pơklaih ih; ih ưh kơ 'blŏk bơih hơgơp tơmo Tih mă ih kơ'nơp. Mă đơ̆ng ih pơtăm 'long arih 'lơ̆ng, ih pơtăm adrĕch 'long hơmu plơ̆ng đơ̆ng nai.

Êsai 25:4

Ih boih Kră Yang jing anih kơjăp lu bơngai dơnuh gơnang. Pơlei hơđơ̆ng ăn kơ lu bơngai hoh kơđei kơplah năr pơmat-tat, pơm anih kơ'nơp năr kial hơbŭt, pơm yơ̆p wă huay kơ tŏ, kơplah lu bơngai pơm kơnê̆ khĕnh lu sư lĕch thoi hơyuh kial hơbŭt tơthu bah tơ dur pơlei.

Êsai 25:9

Lăm năr noh kơnh, đe gô khan: “Âu bơih Kră Yang 'Bok Kei-Dei bơ̆n, mă lu bơ̆n đei chang gô Sư dŏng pơklaih bơ̆n. 'Nâu bơih Kră Yang mă lu bơ̆n chang gô Sư. Bĕ lu bơ̆n 'nă hal chơt hiôk kơ tơdrong Sư dŏng pơklaih!”

Êsai 26:16

Ơ Kră Yang, lu sư chă Ih kơplah lu sư đei tơdrong pơmat-tat, lu sư krao khan apinh Ih mơmơnh kơplah Ih đei phak bơtho lu sư.

Êsai 26:8

Ơ Kră Yang, mă Ih sek tơlang kơ nhôn lu nhôn oei chang gô lăm trong Ih sek tơlang tơpăt, bơhngol lu nhôn hơpơi kơ anăn Ih păng 'blŏk hơdơ̆r.

Êsai 37:3

Lu sư roi kơ Êsai khan: “Pơtao Hesekia pơma thoi âu: Năr âu jơ̆ năr sơ'ngon truh, 'năr đei chrih păng 'năr mơlâu, thoi drŏ-kăn anăp truh bơih năr tơpŭ kơ kon nge mă-lei ưh kơ kĕ đei jơhngơ̆m wă tơpŭ.

Êsai 40:10

To Kră Yang jur hăm tơdrong mơsêh mơyang, păng Sư pơgơ̆r hăm ti pran kơtang Sư To, lu bơngai mă Kră Yang dŏng pơklaih gô năm hơdai Sư.

Êsai 51:5

Tơdrong 'lơ̆ng tơpăt Inh wă jê̆ truh; tơdrong dŏng pơklaih Inh truh bơih. Tơpang ti Inh gô wei pơgơ̆r đĭ-đăng kon pơlei. Lu bơngai oei lăm bŏl dơsĭ chang gô Inh păng lu sư hơmĕng gơnang kơ tơpang ti Inh.

Êsai 59:16

Sư 'bôh ưh pă đei bu tơgŭm păng Sư lăng hlĭch ưh pă đei bu krao, chă tơgŭm băl Na Kră Yang yua hloi ti Sư kơdih dŏng pơklaih; păng iŏk tơdrong 'lơ̆ng tơpăt Sư kơdih na tơiung tơgŭm.

Êsai 8:17

Inh gô gơnang kơ Kră Yang păng chang gô Sư, jơ̆ Kră Yang mă ôn muh măt Sư đơ̆ng adrĕch Jakôp.

Je 14:8

Ơ Kră Yang Ih boih tơ'ngla mă lu bơngai Isơrael chang hơmĕng. Tơ'ngla mă dŏng pơklaih kơplah năr đei tơdrong truh, liơ Ih nhen thoi bơngai tơmoi lăm char âu, Thoi bơngai chă yak găn weh 'bĭch kơmăng đĕch.

Nhom 3:23

Rim pơgê jing 'nao plơ̆ng, tơdrong pơmat Sư tih tơpă.

Hôsia 14:2

Krao apinh bĕ 'bơ̆t anăp Kră Yang, păng jah wih brŏk bĕ tơ Sư. Khan bĕ kơ Sư thoi âu: Pơklaih bĕ dôm tơdrong kơnê̆ lu nhôn, apinh Ih 'mêm mơnat sơng iŏk lu nhôn, wă kơ lu nhôn gơh pơyơ̆r nơ̆r bơnê đơ̆ng 'bơ̆r lu nhôn.