Êsai 33:17 - Sơ̆p Hlabơar Nơ̆r 'Bok Kei-Dei

¹⁷ Măt ih gô 'bôh pơtao lăm tơdrong 'lơ̆ng rŏ sư păng ih gô lăng 'bôh teh đak pơih rai să.

Êsai 33:17 ပူးပေါင်းရင်းမြစ်များ

II Ho 32:23

Đei lơ bơngai năm pơyơ̆r lu tơmam soi kơ Kră Yang păng năm ba pơyơ̆r ăn tơmam gĭt kơ Hesekia pơtao Juđa tơ pơlei Jêrusalem; iŏk đơ̆ng năr noh năm tơ anăp Hesekia đe ư-ang pơyom tơ jơ̆p-jang kơ dêh char.

Jop 19:27

Inh gô 'bôh Sư păng măt inh kơdih, Măt inh gô 'bôh Sư, păng lăng Sư ưh pă hlĭch boih inh chang gô dĭng truh mă klơm klak inh hŏnh.

Horiso 31:8

Ih ưh kơ đei jao inh tơ lu ayăt. Mă-lei ăn kơ jơ̆ng inh dơ̆ng tơ anih rơhơi.

Horiso 45:2

Ih 'lơ̆ng rŏ hloh kơ đĭ-đăng lu kon drŏ-nglo kon bơngai. Hơkŭng 'bơ̆r 'bĕnh kơ tơdrong mơnat. Thoi noh Kră Yang 'Bok Kei-Dei ăn boih pŭn kơ ih dĭng ning-mônh.

Hơri Hiôk 5:10

Pơyô inh noh 'lơ̆ng 'bak 'breo. 'Lơ̆ng guăng hloh kơ lăm mơjĭt-rơbâu 'nu tơdăm.

Êsai 24:23

Măt khei gô ưh pă hơđơ̆ng, măt 'năr gô kơdơ̆, Kră Yang Tih Hloh gô pơgơ̆r kơpal kông Siôn, tơ pơlei Jêrusalem păng tơdrong ư-ang rang mơnhal sư gô pơdah 'bơ̆t anăp lu đe kră.

Êsai 26:15

Ơ Kră Yang Ih đei ăn kon bơngai dêh char âu rai lơ, Ih thim ăn kon bơngai dêh char âu rai lơ, Ih bơih đei tơdrong ư-ang, ih pơih ăn kơ hơdral teh đak nhôn rai să.

Êsai 33:21

Tơ noh Kră Yang mơsêh gô oei hơdai bơ̆n lăm tơdrong 'lơ̆ng rŏ Sư, đei Krong să tơ noh thŏng-nan ayăt ưh kơ gơh năm, kư̆m ưh kơ đei duk tih ayăt gơh chă năm brih găn mơ̆n.

Êsai 33:22

Tơpă, Kră Yang bơih Tơ'ngla sek tơlang lu bơ̆n, Kră Yang Tơ'ngla pơjing ăn kơ lu bơ̆n khôi juăt, Sư bơih Kră Yang pơtao lu bơ̆n, sư bơih Tơ'ngla dŏng pơklaih lu bơ̆n!

Êsai 37:1

Kơtơ̆ng tơdrong noh, pơtao Hesekia hek hloi ao sư kơdih, hrŭk 'bi năm mơ̆t tơ lăm hnam akŭm kơkuh Kră Yang.

Êsai 6:5

Inh ôr khan: “Răm-'băm dêh kơ inh! Inh đĭ răm bơih! Yua kơ inh jơ̆ minh 'nu bơngai đei 'bơ̆r kơnê̆ 'mê̆-'mach, oei hơdai hăm kon pơlei đei 'bơ̆r kơnê̆ 'mê̆ mach, yua kơ măt inh lăng 'bôh bơih pơtao, noh bơih Kră Yang Tih Hloh!”

Sa 9:17

Tơdrong sư pơm 'lơ̆ng rai 'lơ̆ng dêh tơpă! Sik 'ba mi gô pơm ăn kơ lu bơngai tơdăm rai pran păng sik 'nao gô pơm ăn kơ lu adruh hơlai đei pŭn hiôk.

Mathiơ 17:2

Na Yêsu tơwir akâu Sư kơdih 'bơ̆t anăp lu đe pêng 'nu noh, muh măt Sư, ao Sư, rang hơdah dang măt 'năr.

Yo 1:14

Yêsu Krist dang nơ̆r 'Bok Kei-Dei, Sư jur jing kon bơngai. Sư oei hơdai păng kon bơngai bơ̆n. Bơngai bơ̆n 'bôh Sư gơh pơm tơdrong mơsêh mơyang; Sư 'noh boih Kon pôm 'Bok Kei-Dei tơpă; Sư 'mêm mơnat kơ bơ̆n, pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

Yo 14:21

“Bơngai bu răk dôm tơdrong Inh pơkă, bơngai 'noh boih 'mêm kơ Inh tơpă. Bơngai bu 'mêm kơ Inh, 'Bă Inh kư̆m 'mêm kơ sư mơ̆n; păng Inh kư̆m 'mêm kơ sư na Inh tơbăt kơ sư akâu Inh.”

Yo 17:24

“Ơ 'Bă, Ih pơjao boih lu sư kơ Inh na Inh wă kơ lu sư tŏk oei hơdai hăm Inh, na lu sư gô 'bôh Inh oei hơdai hăm Ih hiôk hơiă tơpă, yua kơ Ih đei ăn kơ Inh thoi noh. Ih 'mêm kơ Inh hơdrol kơ đei plĕnh teh.

II Kor 4:18

Tơdrong kiơ mă bơ̆n gơh 'bôh, nhôn ưh kơ tơchĕng ôh; nhôn tơchĕng kơ tơdrong mă bơ̆n ưh kơ gơh 'bôh, yua kơ dôm tơdrong măt bơ̆n gơh 'bôh sư hiong tôch, ưh kơ gơh oei ling-lang ôh. Pôm tơdrong măt bơ̆n ưh kơ gơh 'bôh đĕch, gơh oei ling-lang ưh kơ layơ tôch.

I Yo 3:2

Ơ lu bôl buăl mă juăt păng inh tơpă, dang ei bơ̆n kon 'Bok Kei-Dei, sơmă bơ̆n ưh tam băt bơ̆n gô jing thoi yơ ning-mônh. Mă-lei bơ̆n băt tơdrong âu tơpă: Lăp Yêsu Krist jur tơ ala teh âu ning-mônh, bơ̆n gô jing thoi Sư, kơlih kơ bơ̆n gô 'bôh Sư tơpă.