Êsai 32:4 - Sơ̆p Hlabơar Nơ̆r 'Bok Kei-Dei

⁴ Kơ̆l 'ngok lu bơngai hăt hot gô băt păng hlôh wao, hơpiĕt lu bơngai pơma hơrăk gô gơh pơma rơđah.

Êsai 32:4 ပူးပေါင်းရင်းမြစ်များ

Le 4:11

Kră Yang khan dơ̆ng: Bu pơjing kơ 'bơ̆r adrĕch kon bơngai? Dah bu pơm kơmlo, pơm klĭk, pơm kơ măt hơdah păng ưh kơ bang? Hăm trŏ kơ Inh Kră Yang?

Hơri Hiôk 7:9

Ih Chŭm inh 'ngam thoi đak hơmu. Ro hloi tơ hơkŭng păng hơnĕnh inh.

Êsai 29:24

Lu bơngai đei đon tơchĕng wơ̆l glăi gô jing gơh hlôh, păng lu bơngai juăt kơ tơtok sư gô pơhrăm iŏk tơdrong đe bơtho.”

Êsai 35:4

Akhan bĕ kơ lu bơngai đei jơhngơ̆m hli tơtăm; “Chơ̆n jơhngơ̆m 'nĕ pă hli dơ̆ng! To, Kră Yang 'Bok Kei-Dei lu iĕm gô truh wă pơm 'mong păng pơrăm Sư gô truh dŏng pơklaih lu iĕm!”

Êsai 35:5

Kơplah noh lu bơngai măt tol gô 'bôh, lu bơngai klĭk klot gô kơtơ̆ng.

Mathiơ 11:25

Kơplah noh Yêsu krao khan kơ 'Bă Sư khan: “Ơ 'Bă, Ih boih Kră Yang plĕnh teh. Inh bơnê kơ Ih, yua kơ dôm tơdrong Inh bơtho, Ih tơbăt kơ lu bơngai mă băt gơnang kơ Ih thoi lu hơ'lơ̆p băt gơnang kơ mĕ 'bă; păng Ih ưh kơ wă tơhlôh kơ lu bơngai mă gơnang kơ akâu sư kơdih hŏk hơgei.

Mathiơ 16:17

Yêsu khan: “Ơ Simôn, kon Yôhan, ih hiôk tơpă. Kon bơngai ưh kơ đei tơbăt kơ ih tơdrong noh ôh. 'Bă Inh mă oei tơ plĕnh ti đĕch tơbăt kơ ih tơdrong noh.

Jang 4:13

Na lu sư sơleng kơ đon 'bôh bre Pêtrôs păng Yôhan pơma nuih tơpă. Lu sư kơnăl kơ bre sư bơngai ưh kơ đei hŏk, bơngai kuli đĕch, na lu sư kơnăl kơ bre sư oei hơdai păng Yêsu sơ̆.

Jang 6:7

Đe bơtho nơ̆r 'Bok Kei-Dei rai đunh rai jơ̆p. Lu bơngai lui lăm Pơlei Jêrusalem rai lơ tơpă, kư̆m đei bơngai 'bok soi lui kiơ̆ kơ Yêsu lơ mơ̆n.

Galati 1:23

Mă-lei lu sư kơtơ̆ng ang đe khan thoi âu: “Pôl sơ̆ pơm kơnê̆ kơ bơ̆n dêh, sư wă pơrăm tơdrong bơ̆n lui, mă-lei dang ei đe khan sư bơtho tơdrong bơ̆n lui boih.”