Êsai 32:10 - Sơ̆p Hlabơar Nơ̆r 'Bok Kei-Dei

¹⁰ Lăm minh sơnăm dơ̆ng, lu iĕm jơ̆ bơngai mă ưh kơ tơtăm, gô hli tơtơ̆ păng rŭng răng yua kơ bơyan phĕ plei hơmu iĕm ưh pă đei, păng bơyan phĕ plei nai ưh pă đei dơ̆ng mơ̆n.

Êsai 32:10 ပူးပေါင်းရင်းမြစ်များ

Êsai 16:10

Tơdrong chơt hơiă 'nă hal tơ lăm mir hlă hla chŭn bluh 'lơ̆ng noh pă đei bơih, tơ lăm pơgar hơmu ưh pă đei bu hơri dah jreo chơt hiôk boih lu bơngai pơjuă plei hơmu wă pơm sik kư̆m ưh pă đei dơ̆ng, Inh pơm kơ tơdrong jreo chơt hiôk noh pơdơh hreh.

Êsai 7:23

Lăm năr noh, tơ anih đêl đei rơbâu tơnơm 'long hơmu. Kăp sư dang tơ rơbâu sêikơl jên gô chăt 'long jơla păng 'nhĕt jơla ngăl

Je 8:13

Kră Yang khan: “Tơpă Inh gô iŏk lê̆ đĭ mir pơgar lu sư, tơm hơmu ưh pă đei plei; tơm hơra kư̆m ưh pă plei; hla lu sư gô kro hơlŭng, Dôm tơmam mă Inh đei ăn kơ lu sư boih, Inh gô pơdrâu iŏk đơ̆ng ti lu sư!”

Hôsia 2:12

Inh gô pơrăm lê̆ lu tơm 'long hơra păng tơm 'long hơmu sư, noh sư khan: 'Nâu tơdrong apah đơ̆ng lu pơyô inh ăn kơ inh. Inh gô ăn kơ lu 'long sa plei gô jing thoi bri, păng lu sem bri gô sa.

Hôsia 3:4

Bơngai Isơrael kư̆m oei lơ năr thoi noh, ưh kơ đei pơtao, ưh kơ đei yŏng pơgơ̆r, ưh kơ đei soi pơyơ̆r, ưh pă đei chơnang soi, ưh pă đei Ephot dah Thêraphin.

Jôel 1:12

Tơm hơmu đĭ jô, tơm hơra đĭ kro, tơm 'long gărnăt, 'long gol, dôm tơnơm 'long tơ mir đĭ jô kro boih; tơdrong chơt hiôk kon bơngai đĭ hiong boih.

Jôel 1:5

Ơ lu bơngai juăt kơ suai, iung bĕ păng nhơ̆m hmoi! Ơ đĭ-đăng lu bơngai juăt kơ et sik athei sơ'ngon bĕ, yua kơ sik hơmu 'ngam đe pleh đơ̆ng 'bơ̆r iĕm boih!

Jôel 1:7

Lu sư kăp pơrăm bơih tơm 'long hơmu Inh, sư kăp tơpăk bơih tơm 'long hơra Inh. Sư lŏng lê̆ kơđoh sư, na pơrăm lê̆ dơng, truh dơng sư jing kok.

Habakuk 3:17

Mă khan 'long hơra ưh pă pơkao dơ̆ng, Păng tơm hơmu kư̆m ưh pă plei; Tơm 'long ôliwơ kư̆m pă đei plei hmĕt pơm đak rơmă păng kư̆m pă đei chŭn mir ayơ mă oei đei chăt tơmam sa 'ba sŏng; Mă khŭl triu păng đei lăm hơdrong, Sem dơrong rơmo bơbe pă đei lăm war.

Jêphania 1:13

Mŭk tơmam lu sư đe gô tơtông iŏk, hnam lu sư jing juơ tơtŭng; lu sư pơm hnam ră mă-lei ưh kơ đei oei; pơtăm tơm hơmu ră mă-lei ưh kơ đei sa plei păng huch đak.