Êsai 31:3 - Sơ̆p Hlabơar Nơ̆r 'Bok Kei-Dei

³ Lu bơngai Êyiptơ jơ̆ kon bơngai hmă đĕch, ưh kơ trŏ kơ Kră Yang 'Bok Kei-Dei ôh, lu aseh sư jơ̆ sĕch akar đĕch, ưh kơ trŏ kơ yang ôh, mưh Kră Yang yơ̆r ti Sư wă pơm, bơngai tơgŭm đe gô kơtơih, bơngai mă đe tơgŭm gô pơ̆k, 'bar 'nu măr sư gô lôch hiong hơdai.

Êsai 31:3 ပူးပေါင်းရင်းမြစ်များ

II Ho 32:8

Oei hăm lu sư noh kon bơngai hmă đĕch; bĕ gah bơ̆n đei Kră Yang 'Bok Kei-Dei lu bơ̆n wă tơgŭm păng tơblah tang lu bơ̆n.” Kon pơlei đei jơhngơ̆m nuih đơ̆ng nơ̆r Hesekia pơtao Juđa.

Horiso 118:8

Gơnang kơ Kră Yang đĕch hloh kơ gơnang kơ kon bơngai.

Horiso 33:17

Gơnang kơ aseh wă kơ gơh klaih noh tơdrong kơ đei. Mă khan jơhngơ̆m sư pran kơtang kư̆m ưh kơ gơh klaih hlôi.

Horiso 9:20

Ơ Kră Yang, pơm bĕ kơ lu sư hli, Ăn kơ kon bơngai băt, sư jing bơngai hmă đĕch. Sêla

Êsai 10:3

Lăm năr sek tơlang, Kơplah đei tơdrong kơnê̆ truh đơ̆ng ataih lu iĕm gô pơm kiơ? Lu iĕm kơdâu tơ bu mă lu iĕm wă gơnang dŏng tơgŭm? Lu iĕm wă 'măn mŭk tơmam iĕm tơ yơ?

Êsai 20:4

Kŭm thoi noh mơ̆n pơtao Asiri gô chông ba kon pơlei Êyiptơ păng Kus pơm bơnă đơ̆ng hơ'lơ̆p truh tơ kră năm akâu hoh păng yak jơ̆ng hoh pơdah pơtâu hoh thoi noh wă kơ teh đak Êyiptơ mơlâu.

Êsai 20:6

Lăm năr noh lu bơngai oei jê̆ đak dơsĭ gô khan to, lu adrĕch adrung mă bơ̆n gơnang păng kơdâu tơkan wă kơ gơh dŏng pơklaih đơ̆ng pơtao dêh Asiri, na lu sư đĭ jing thoi noh bơih! Lei liơ bơ̆n gơh klaih?

Êsai 30:16

Lu iĕm khan: ‘Ưh, lu nhôn gô hao aseh chă kơdâu klĕnh’ trŏ bơih na lu iĕm gô kơdâu klĕnh. ‘Lu iĕm khan lu nhôn hao aseh kơdâu hrĕnh,’ na lu bơngai druh iĕm kư̆m gô kơdâu hrĕnh mơ̆n!

Êsai 30:5

Đĭ-đăng lu sư gô mơlâu yua kơ minh adrĕch adrung, ưh kơ đei yua kiơ kơ lu sư, ưh kơ đei tơgŭm kư̆m ưh kơ đei lơi yua mă-lei pơm kơ lu sư mơlâu păng đe pơjăm.

Êsai 30:7

Tơdrong lu bơngai Êyiptơ tơgŭm jơ̆ tơdrong ưh kơ yua, na Inh anăn sư Rahap, wă khan bơngai oei minh 'bôt ưh kơ pơm kiơ.

Êsai 36:6

'Nâu ih gơnang kơ dêh char Êyiptơ, noh thoi 'long jra gơlăr đĭ tơgơ̆ bơih bu mă gơnang kơ sư, sư gô trŏ 'bet ti bơngai noh hlôh. Pharaôn, pơtao Êyiptơ đe bu mă gơnang kơ sư kư̆m gô thoi noh mơ̆n.

Êsai 36:9

Ih ưh kơ gơh puh tơweh lê̆ minh 'nu yŏng linh iĕ hloh lăm lu yŏng tơ'ngla inh, mă khan ih gơnang kơ dêh Êyiptơ wă kơ đei gre aseh păng lu linh kư̆m ưh kơ kĕ.

Êsai 9:17

Yua kơ tơdrong kơnê̆ lu sư khơ̆ng thoi ŭnh sa 'nhĕt jơla hăm jơ'bôt jơla 'nhui sư kơdŭk hyôi tŏk kơjung.

Je 15:6

Kră Yang khan: “Ih sơngah achăng lê̆ Inh boih. Ih kư̆m oei kơdŭn tơ rŏng, Na Inh gô yơ̆r ti pơrăm ih; Inh ưh pă đei mơnat boih kơ ih.

Je 17:5

Kră Yang khan: “Hiap bĕ lu bơngai mă gơnang tơduă kon bơngai, hơđơ̆ng gơnang kơ sĕch akar pơm jơhngơ̆m pran kơtang. Lăm jơhngơ̆m achăng tŭk Kră Yang.

Êsêkiên 28:2

“Ơ kon bơngai, khan bĕ kơ pơtao Tirơ: Kră Yang khan thoi âu; yua kơ jơhngơ̆m ih pơang, ih khan: “Inh jing yang hơ-oei kơpal tang-dŏ pơtao yang lăm tŏk-bŏk đak dơsĭ,” mă-lei ih kon bơngai đĕch, ưh kơ sĭ yang ôh mă khan ih tơchĕng khan ih hơgei thoi yang.

Êsêkiên 28:9

'Bơ̆t anăp lu bơngai pơlôch ih, ih hăm pơ̆n pơma; “Inh âu yang?” Tơpă ih bơngai đĕch, ưh kơ sĭ yang ôh, lăm ti lu bơngai pơlôch ih.

Am 2:15

Lu bơngai chĕp hră kư̆m đĭ ưh pă kĕ đơ̆ng; lu bơngai đei jơ̆ng hơbĕch hơbal kư̆m pă gơh weh, lu bơngai hao aseh kư̆m pă gơh pơklaih akâu sư kơdih,

Mathiơ 15:14

Na iĕm 'nĕ mah hiơ̆k tơdrong sư ơh noh, yua kơ lu sư bơngai bơtho đe ră mă-lei dang bơngai măt tol. Dah bơngai măt tol chông ba bôl sư măt tol bre sư nơnăm gô huŏng tơ sơlŭng đĕch ưh kơ yua kiơ kơ bre sư ôh.”