Êsai 31:1 - Sơ̆p Hlabơar Nơ̆r 'Bok Kei-Dei

¹ Răm-'băm dêh kơ lu đe năm jur tơ Êyiptơ wă chă apinh tơdrong dŏng tơgŭm, gơnang kơ lu aseh, lu gre aseh, yua kơ lu sư lơ; gơnang kơ lu linh hao gre aseh yua kơ lu sư pran, Mă-lei ưh pă lăng gơnang kơ Tơ'ngla 'Lơ̆ng Rơgoh đe Isơrael, păng ưh kơ chă Kră Yang dŏng Tơgŭm.

Êsai 31:1 ပူးပေါင်းရင်းမြစ်များ

Bl 47:17

Thoi noh lu kon pơlei pơla ba sem dơrong tơ Jôsep tơplih 'ba sư, hăm aseh, lu triu, khŭl rơmo păng aseh iĕ. Sơnăm noh, sư tơplih iŏk lu kon sem dơrong păng 'ba.

II Ho 16:7

Kơplah noh Hanani bơngai khan lê̆ adrol năm tơ Asa pơtao đe Juđa na khan kơ sư: “Yua kơ ih gơnang dêh kơ pơtao Siri, ưh kơ gơnang kơ Kră Yang 'Bok Kei-Dei ih ôh, na lu linh pơtao Siri kơdâu klaih boih đơ̆ng ti ih.

II Ho 16:9

Măt Kră Yang lăng jơ̆p kơ teh đak, wă tơgŭm jơhngơ̆m pran kơ lu đe bu mă đei jơhngơ̆m gơnang kơ Sư. Tơpă lăm tơdrong 'nâu ih đei pơm kư̆ kă, na đơ̆ng âu tơ anăp ih gô đei tơ'bơ̆p tơdrong tơblah hơnơ̆ng.”

Jop 39:11

Ih hăm wă yua rơmo bri mă pran jăng dêh? Hăm wă jao kơ sư tơdrong jang gleh lap?

Horiso 20:7

Lu đe âu gơnang kơ gre, lu đe nai gơnang kơ aseh Mă-lei lu nhôn gơnang kơ anăn Kră Yang jơ̆ Kră Yang 'Bok Kei-Dei lu nhôn.

Êsai 10:17

Tơdrong hơdah bơngai Isơrael gô jing ŭnh, Kră Yang 'Lơ̆ng Rơgoh sư gô thoi pla ŭnh; Sư gô sa pơgoh lu jơla hăm jơ'bôt 'long jơla lăm minh năr.

Êsai 2:7

Dêh char lu sư đei hu maih, păng mŭk tơmam gĭt ưh pă băt dôm yơ, dêh noh đei aseh lơ păng đei gre aseh lơ pă gơh jô̆.

Êsai 20:5

Kơplah noh lu bơngai gơnang kơ teh đak Kus păng hơmĕng kơ teh đak Êyiptơ gô hli păng mơlâu.

Êsai 22:11

Lu iĕm pơm sơlŭng dơnâu plah sơlam dur pơlei wă mong iŏk đak đơ̆ng đak dơnâu so. Mă-lei iĕm ưh kơ gơnang ôh kơ Tơ'ngla pơm tơdrong noh, iĕm kư̆m ưh kơ lăng ôh tơ Tơ'ngla hơmet lê̆ wă pơm tơdrong noh đơ̆ng sơ̆.

Êsai 30:16

Lu iĕm khan: ‘Ưh, lu nhôn gô hao aseh chă kơdâu klĕnh’ trŏ bơih na lu iĕm gô kơdâu klĕnh. ‘Lu iĕm khan lu nhôn hao aseh kơdâu hrĕnh,’ na lu bơngai druh iĕm kư̆m gô kơdâu hrĕnh mơ̆n!

Êsai 36:6

'Nâu ih gơnang kơ dêh char Êyiptơ, noh thoi 'long jra gơlăr đĭ tơgơ̆ bơih bu mă gơnang kơ sư, sư gô trŏ 'bet ti bơngai noh hlôh. Pharaôn, pơtao Êyiptơ đe bu mă gơnang kơ sư kư̆m gô thoi noh mơ̆n.

Êsai 36:9

Ih ưh kơ gơh puh tơweh lê̆ minh 'nu yŏng linh iĕ hloh lăm lu yŏng tơ'ngla inh, mă khan ih gơnang kơ dêh Êyiptơ wă kơ đei gre aseh păng lu linh kư̆m ưh kơ kĕ.

Êsai 43:15

Inh bơih Kră Yang, Tơ'ngla 'Lơ̆ng Rơgoh lu iĕm, Tơ'ngla pơjing Isơrael, Inh bơih Pơtao iĕm.”

Êsai 5:12

Lăm năr et sa lu sư reh brŏ, hlôm lillul teh hơgơ̆r hăm et tơdrô, mă-lei lu sư ưh kơ tơchĕng tơdrong Kră Yang pơm; lu sư kư̆m ưh kơ 'bôh đêl dôm tơdrong đơ̆ng ti Kră Yang pơjing.

Êsai 57:9

Iĕm chĕp ba đak rơmă ôliwơ pơgang 'bâu phu pơyơ̆r ăn kơ yang Molek păng wơh lu bơngai jang năm tơ dêh ataih; jur truh tơ pơlei bơngai lôch!

Êsai 64:7

Ưh kơ đei bu krao chă anăn Ih, kư̆m ưh kơ đei bu 'blŏk wă rôp kơjăp kiơ̆ Ih, yua kơ Ih ôn bơih muh măt Ih kơ lu nhôn, lê̆ lu nhôn răm lăm tơdrong yoch lu nhôn kơdih.

Êsai 9:12

Mă-lei kon pơlei ưh kơ wih brŏk ôh tơ tơ'ngla mă teh pơjĭ lu sư, kư̆m ưh kơ chơchă Kră Yang Tih Hloh.

Êsai 9:13

Thoi noh na lăp minh năr đĕch, Kră Yang gô chơ̆ng lê̆ đơ̆ng Isơrael chơ̆ng kơ̆l păng kiĕng đĭ-đăng 'long gao hăm 'nhĕt gơlăr.

Je 17:5

Kră Yang khan: “Hiap bĕ lu bơngai mă gơnang tơduă kon bơngai, hơđơ̆ng gơnang kơ sĕch akar pơm jơhngơ̆m pran kơtang. Lăm jơhngơ̆m achăng tŭk Kră Yang.

Je 2:13

“Kon pơlei Inh đei pơm boih 'bar tơdrong yoch kơnê̆. Lu sư achăng lê̆ Inh, jơ̆ tu đak tơdrong arih păng chă sir sơlŭng mong đak kơdih, tơpă sơlŭng noh hơđang, ưh kơ gơh mong đak.

Je 37:7

“'Nâu Kră Yang 'Bok Kei-Dei bơngai Isơrael, khan: Iĕm khan kơ pơtao Juđa, tơ'ngla mă wơh iĕm năm apinh Inh, khan: ‘Lu linh Pharaôn năm wă dŏng iĕm wih brŏk tơ char sư Êyiptơ boih.’

Je 42:14

na khan: “Ưh lu nhôn gô jur năm tơ dêh char Êyiptơ, tơ noh lu nhôn gô ưh kơ 'bôh tơdrong tơblah wang păng ưh kơtơ̆ng đe hlôm keng dơ̆ng; tơ noh lu nhôn ưh kơ pơngot rơwĕt; lu nhôn gô năm oei tơ noh.’

Êsêkiên 17:15

Mă-lei pơtao dêh âu blah plơ̆ pơtao, wơh athei bơngai năm tơ char Êyiptơ wă apinh aseh, linh tơblah tơgŭm. Lu bơngai pơm thoi noh hăm kĕ jei ưh? Hăm gơh klaih hlôi ưh? Pơm thoi noh, lu bơngai mă pơrăm nơ̆r pơgơ̆p hăm gơh klaih ưh?

Êsêkiên 29:16

Char Êyiptơ ưh pă anih mă lu adrĕch Isơrael gơnang hơmĕng dơ̆ng mă-lei oei tơ'blŏk kơ lu sư tơdrong yoch kơnê̆ đêl lu sư pơm; păng lu sư gô băt Inh boih Kră Yang.

Da 9:13

Đĭ-đăng tơdrong răm âu truh tơ nhôn thoi đei chih boih tơ lăm khôi juăt Môis; lu nhôn kư̆m ưh kơ đei apinh Kră Yang 'Bok Kei-Dei nhôn, wă kơ lê̆ tơdrong kơnê̆ lu nhôn kơdih păng băt hlôh tơdrong lui kiơ̆ Ih.

Hôsia 11:5

Lu sư ưh pă wih hơlơ̆k tơ dêh char Êyiptơ dơ̆ng, mă-lei bơngai Asiri gô pơm pơtao lu sư, yua kơ lu sư arăng kơ̆l ưh kơ wă wih brŏk tơ Inh.

Hôsia 11:9

Inh pơgơ̆t jơhngơ̆m tơtŏ Inh, păng Inh ưh kơ wă pơlôch pơrăm boih Êphraim, Yua kơ Inh jơ̆ Kră Yang 'Bok Kei-Dei, ưh kơ trŏ kon bơngai ôh. Inh Tơ'ngla rơgoh 'lơ̆ng 'bơ̆t anăp lu iĕm, ưh kơ wă hil pơrăm lu iĕm ôh.

Hôsia 14:3

Lu bơngai Asiri ưh kơ gơh pơklaih lu nhôn ôh; lu nhôn ưh pă hao aseh tơblah dơ̆ng, ưh pă khan dơ̆ng yang lu nhôn! Mă man hăm ti lu nhôn noh, yua kơ Ih đĕch mơnat kơ lu kon mơti.

Hôsia 7:7

Đĭ-đăng lu sư tơtŏ thoi tơnuh ŭnh, đơ̆ng noh sa lu kră sek tơlang, đĭ-đăng pơtao lu sư huŏng boih mă-lei ưh kơ đei bu lăm lu sư krao chă Inh.

Habakuk 1:12

Ơ Kră Yang, 'Bok Kei-Dei inh, Kră Yang mă Tơ'ngla 'lơ̆ng rơgoh! Ih bơih Kră Yang đei đơ̆ng blŭng-a ala chă sơ̆ mă truh tơ ning-mônh dah kiơ? Thoi noh na lu nhôn huay kơ lôch! Ơ Kră Yang, Ih đei hơmet pơjing boih kon pơlei pơla âu wă sek phak lu nhôn. Ơ Tơmo kơjăp! Ih đei dan boih sư wă kơ phak pơbral, bơtho pơjĭ nhôn.

Habakuk 3:3

'Bok Kei-Dei truh đơ̆ng Têman, Kră Yang Tơ'ngla 'Lơ̆ng rơgoh truh đơ̆ng kông Pharan. Sêla Tơdrong ư-ang Sư gom đĭ lu tăl plĕnh, Nơ̆r bơnê ư-ang kơ Sư jơ̆p-jang kơ teh đak.

Sa 10:5

mă-lei lu sư jơ̆ lu bơngai nuih pran pơjuă lu ayăt kơ lu sư, thoi đe pơjuă teh hlŭt rok trong đe năm tơblah; lu sư gô blah jei, yua kơ Kră Yang oei hơdai lu sư, na lu linh ayăt hao aseh gô thuơ păng mơlâu kơ lu sư.

Both 17:16

Mă-lei pơtao ei 'nĕ kơ mah hiơ̆k dêh wă kơ đei aseh lơ, wă chông ba kon pơlei brŏk hơlơ̆k dơ̆ng tơ dêh Êyiptơ chă aseh; đơ̆ng Kră Yang khan: Lu iĕm 'nĕ pă wih brŏk dơ̆ng trong noh.

Both 20:1

Mưh iĕm năm tơblah ham lu bơngai ayăt kơ iĕm 'bôh aseh, gre aseh păng linh lơ hloh kơ iĕm, 'nĕ kơ hli, yua kơ Kră Yang 'Bok Kei-Dei iĕm Tơ'ngla mă chông iĕm lĕch đơ̆ng dêh Êyiptơ, gô oei hơdai iĕm.