Êsai 30:7 - Sơ̆p Hlabơar Nơ̆r 'Bok Kei-Dei

⁷ Tơdrong lu bơngai Êyiptơ tơgŭm jơ̆ tơdrong ưh kơ yua, na Inh anăn sư Rahap, wă khan bơngai oei minh 'bôt ưh kơ pơm kiơ.

Êsai 30:7 ပူးပေါင်းရင်းမြစ်များ

Jop 9:13

Kră Yang 'Bok Kei-Dei ưh kơ đei lê̆ ôh tơdrong Sư hil; Lu bơngai tơgŭm Rahape bon drap ala jơ̆ng Sư.

Horiso 87:4

“Inh gô roi gah Êyiptơ păng Babilôn lu bơngai char mă băt kơ inh. To Philistin, Tirơ păng Êthiôpi; Lu bơngai âu tơpŭ tơ Siôn.”

Horiso 89:10

Kră Yang teh pơjuă Rahap.a Thoi akâu bơngai lôch. Ih yua kơkŏng ti pran Ih teh tơklah lu ayăt kơ Ih.

Le 14:13

Môis drơ̆ng kon pơlei khan: 'Nĕ kơ hli ôh, oei mă kơjăp bĕ, na lăng lu iĕm gô 'bôh tơdrong dŏng pơklaih đơ̆ng Kră Yang năr âu, lu bơngai Êyiptơ mă lu iĕm 'bôh lu sư năr 'nâu, lu iĕm ưh pă đei layơ wă 'bôh lu sư dơ̆ng.

Tơdrông Pơđơk 25:19

Lui ngeh kơ bơngai hơlĕnh pơdăr năr đei tơdrong pơmat. Thoi kơkă hăm hơnĕnh tơgơ̆, thoi yak hăm jơ̆ng tơplơ̆ tơpling.

Êsai 10:3

Lăm năr sek tơlang, Kơplah đei tơdrong kơnê̆ truh đơ̆ng ataih lu iĕm gô pơm kiơ? Lu iĕm kơdâu tơ bu mă lu iĕm wă gơnang dŏng tơgŭm? Lu iĕm wă 'măn mŭk tơmam iĕm tơ yơ?

Êsai 2:22

'Nĕ gơnang kơ kon bơngai; mă dui jơhngơ̆m hăm trôm muh, lu sư ưh kơ yua kiơ?

Êsai 20:6

Lăm năr noh lu bơngai oei jê̆ đak dơsĭ gô khan to, lu adrĕch adrung mă bơ̆n gơnang păng kơdâu tơkan wă kơ gơh dŏng pơklaih đơ̆ng pơtao dêh Asiri, na lu sư đĭ jing thoi noh bơih! Lei liơ bơ̆n gơh klaih?

Êsai 28:12

Kră Yang pơma khan kơ lu sư: “'Nâu anih pơdơh, ăn bĕ kơ lu bơngai lap gleh pơdơh, 'nâu anih pơdơh hiôk-hian, mă-lei lu sư ưh kơ wă mơ̆ng.

Êsai 30:15

'Nâu Kră Yang, Tơ'ngla 'Lơ̆ng Rơgoh đe Isơrael khan: “Lu iĕm gơh klaih đơ̆ng lu iĕm wơ̆t brŏk dơ̆ng păng pơdơh lăm Inh. Lu iĕm gô đei jơhngơ̆m pran, yua kơ lu iĕm oei hơđơ̆ng păng gơnang kơ Inh. Mă-lei lu iĕm ưh kơ wă kơ thoi noh.

Êsai 30:5

Đĭ-đăng lu sư gô mơlâu yua kơ minh adrĕch adrung, ưh kơ đei yua kiơ kơ lu sư, ưh kơ đei tơgŭm kư̆m ưh kơ đei lơi yua mă-lei pơm kơ lu sư mơlâu păng đe pơjăm.

Êsai 36:9

Ih ưh kơ gơh puh tơweh lê̆ minh 'nu yŏng linh iĕ hloh lăm lu yŏng tơ'ngla inh, mă khan ih gơnang kơ dêh Êyiptơ wă kơ đei gre aseh păng lu linh kư̆m ưh kơ kĕ.

Êsai 51:9

Ơ ti Kră Yang hơđơ̆r bĕ hơđơ̆r bĕ! Pơpôi jơhngơ̆m pran. Iung bĕ thoi sơ̆. Thoi jơhngơ̆m blŭng-a sơ̆! Hăm trŏ kơ Ih Tơ'ngla wă koh hơjăl Ahap, păng 'bet bơih kon sem brem tih noh dah kiơ?

Êsai 7:4

Na khan kơ sư: ‘Ih kơchăng oei mă hơđơ̆ng bĕ, 'nĕ kơ hli, 'nĕ kơ rơdu ôh, yua kơ đei 'bar tŏ 'long ŭnh sa lĕch 'nhui noh wă khan tơdrong hil blĕk lĕch đơ̆ng Rêsin, Siri păng kon drŏ-nglo Rêmalia.

Je 37:7

“'Nâu Kră Yang 'Bok Kei-Dei bơngai Isơrael, khan: Iĕm khan kơ pơtao Juđa, tơ'ngla mă wơh iĕm năm apinh Inh, khan: ‘Lu linh Pharaôn năm wă dŏng iĕm wih brŏk tơ char sư Êyiptơ boih.’

Nhom 3:26

'Lơ̆ng dêh bơngai bu chang gô păng kĕ ĕnh gô tơdrong dŏng pơklaih đơ̆ng Kră Yang.

Hôsia 5:13

Lăp lu bơngai Êphraim 'bôh tơdrong jĭ lu sư, păng Juđa kư̆m 'bôh boih rơka lu sư, kơplah noh Êphraim năm tơ char Asiri, păng năm apinh pơtao tơm Jarep tơgŭm. Mă-lei sư ưh kơ gơh pơklaih lu iĕm ôh, păng kư̆m ưh kơ gơh ming hơmet rơka lu iĕm mơ̆n.