Êsai 30:4 - Sơ̆p Hlabơar Nơ̆r 'Bok Kei-Dei

⁴ Mă khan lu bơngai pơgơ̆r sư truh bơih tơ pơlei Sôan, lu bơngai tơplih măt char lu sư truh tơ pơlei Hanês.

Êsai 30:4 ပူးပေါင်းရင်းမြစ်များ

II Pot 17:4

Mă-lei pơtao đe Asiri 'bôh Hôsêa chă đon wă blơ̆ sư; yua kơ Hôsêa đei wơh bơngai năm tơ Sô, pơtao đe Êyiptơ, păng sư kuă kơ ra ăn kơ pơtao đe Asiri thoi juăt ăn rim sơnăm; na pơtao đe Asiri rôp sư, tah sư tơ lăm hnam phak.

Horiso 78:12

Kră Yang đei pơm boih dôm tơdrong hlĭch chrơp 'bơ̆t anăp 'bok lu sư. Tơ lăm char Êyiptơ, lăm anih thŭng dơnă Sôan.

Êsai 19:11

Lu kră pơlei Sôan ngăl kơtul, lu bơngai hơgei oei jang hăm Pharaôn lu sư chă đon kơhlôh kơwao, liơ iĕm gơh khan kơ Pharaôn khan: “Inh jơ̆ minh lăm lu bơngai hơgei, kon sâu lu đe pơtao adrol sơ̆?”

Êsai 57:9

Iĕm chĕp ba đak rơmă ôliwơ pơgang 'bâu phu pơyơ̆r ăn kơ yang Molek păng wơh lu bơngai jang năm tơ dêh ataih; jur truh tơ pơlei bơngai lôch!

Je 43:7

Na lu sư jur năm tơ char Êyiptơ, truh tơ pơlei Tahpanhes. Lu sư ưh kơ chu kiơ̆ nơ̆r Kră Yang.

Je 49:14

Tơdrong inh 'nao kơtơ̆ng đơ̆ng Kră Yang, Sư ăn boih minh 'nu bơngai năm roi tơbăt tơ jơ̆p kơ teh đak: “Akŭm băl bĕ wă blah sư, iung hơmet năm tơblah bĕ!

Êsêkiên 30:14

Inh gô pơm ăn kơ tơring Phatrôs jing răm pă đei; ăn ŭnh sa tơ pơlei Sôan păng phak pơlei Thêbes.

Êsêkiên 30:18

Tơ pơlei Tahpanhes, kơ'năr đei măng mu kơplah Inh gô pơrăm lê̆ 'long ăt char Êyiptơ; tơ noh jơhngơ̆m pran pơang lu sư gô pơrăm đĭ pă đei. Hơmơ̆l găm gô klơ̆p gom char noh, lu kon pơlei sư gô pơm bơnă.

Hôsia 7:16

Lu sư wih brŏk mă-lei ưh kơ tơklă tơ Kră Yang Tih Hloh, lu sư kư̆m thoi hră đe prah rĕng tơ nai. Lu kră pơgơ̆r lu sư gô pơ̆k lôch kơ đao gưm, yua kơ hơpiĕt lu sư pơma hơlĕnh. Tơdrong noh pơm kơ đe hiĕk ăr che bơle kơ lu sư tơ lăm char Êyiptơ.

Ob 1:1

Tơdrong tơ'bôh kơ Ôbadia. Kră Yang khan gah Eđôm thoi âu: Lu bơ̆n đei kơtơ̆ng đơ̆ng nơ̆r Kră Yang păng đơ̆ng lu bơngai Sư wơh năm tơ jơ̆p kơ teh đak, thoi âu: Iung bĕ! Lu bơ̆n iung bĕ ayăt păng lu kon pơlei âu wă tơblah hăm sư!

Jo 13:22

Lu sư yak năm đơ̆ng gah gơal tŏk truh tơ pơlei tih Hêbrôn, tơ noh đei Ahiman, Sêsai păng Tanmai, lu kon sâu Anak oei tơ noh. Đe pơjing pơlei tih Hêbrôn tơpơh sơnăm adrol kơ pơlei Sôan lăm char Êyiptơ,