Êsai 30:33 - Sơ̆p Hlabơar Nơ̆r 'Bok Kei-Dei

³³ Tôphêt đei hơmet lê̆ đơ̆ng sơ̆ bơih anih wă soh. Sĭt tơpă đei hơmet bơih ăn kơ pơtao, Hơlŭng ŭnh jrŭ păng să, đei ŭnh păng 'long ŭnh lơ, hơyuh dui jơhngơ̆m Kră Yang thoi glung tơmo ŭnh sa khơ̆ng.

Êsai 30:33 ပူးပေါင်းရင်းမြစ်များ

Bl 19:24

Na, Kră Yang ăn 'mi prĕl ŭnh păng ŭnh đơ̆ng plĕnh ti jruh tơ Sôđôm păng Gômôrơ,

II Pot 23:10

Pơtao kư̆m pơm pơ'mê̆ lê̆ anih Tôphêt lăm Thŭng Ben Hinôm, wă kơ đơ̆ng âu tơ anăp, ưh kơ đei bu gơh soh pơyơ̆r kon drŏ-nglo dah kon drŏ-kăn sư soi sơmah kơ yang Mơlek.

Jop 4:9

Hơyuh kial dui jơhngơ̆m Kră Yang 'Bok Kei-Dei pơrăm lu sư. Tơdrong Kră Yang 'Bok Kei-Dei hil mĭl na lu sư hiong răm.

Êsai 10:17

Tơdrong hơdah bơngai Isơrael gô jing ŭnh, Kră Yang 'Lơ̆ng Rơgoh sư gô thoi pla ŭnh; Sư gô sa pơgoh lu jơla hăm jơ'bôt 'long jơla lăm minh năr.

Êsai 11:4

Mă-lei Sư gô sek tơlang tơpăt kơ lu bơngai dơnuh, păng sek ăn kiơ̆ tơdrong tơpăt hơnơ̆ng kơ lu bơngai pơmat-tat kơpal teh âu. Sư gô teh teh đak hăm 'long jra đơ̆ng 'bơ̆r Sư pơma păng hơyuh kial đơ̆ng hơkŭng Sư na pơlôch lu bơngai pơm kơnê̆.

Êsai 31:9

Tơmo mă sư gơnang gô hiong đĭ, yua kơ tơdrong hli tơrơ, lu yŏng linh gô hli tơrơ, kơdâu achăng tŭk lăp lu sư 'bôh.” Tơ'ngla Kră Yang thoi ŭnh tơ kông Siôn, ŭnh bơmur tơ Jêrusalem. Kră Yang khan thoi noh.

Êsai 33:14

Lu bơngai pơm yoch lăm pơlei Siôn hli tơrơ, bơngai ưh chu kiơ̆ kơ Kră Yang hli tơtơ̆ đĭ bơih. “Bu lăm lu bơ̆n gơh oei lăm ŭnh kơdơ̆r? Bu lăm lu bơ̆n gơh oei lăm pla ŭnh sa khơ̆ng ling-lang?”

Êsai 34:9

Lu thong đak Eđôm gô jing chai tơmo arăng 'mui teh sư jing tơmo ŭnh, teh sư gô jing chai tơmo ŭnh sa hơnơ̆ng.

Êsai 37:38

Minh năr noh sư oei kơkuh lăm hnam yang sư Nisrŏk, na kon drŏ-nglo sư Adrammelek păng Sarêsar iŏk đao 'bet pơlôch sư, đang kơ noh bre sư kơdâu ôn tơ dêh Ararat, kon drŏ-nglo sư Êsarhađôn pơgơ̆r tơplih sư.

Êsai 66:15

Lăng to, Kră Yang gô truh hăm ŭnh păng gre aseh Sư nhen thoi kial hơbŭt, wă pơm tơwih tơdrong ơh blĕk Sư hăm tơdrong hil mĭl, păng tơdrong Sư chrih nhen thoi pla ŭnh khơ̆ng.

Je 19:6

Kră Yang khan: “'Nâu năr gô truh, kơplah noh anih âu ưh pă krao Tôphet, kư̆m ưh pă krao Thŭng Ben Hinôm dơ̆ng, gô krao anih thŭng tơdrong tơkoh tơ'bet băl.

Je 4:4

Kăt tơdra akar iĕm bĕ 'bơ̆t anăp Kră Yang, ơ kon drŏ-nglo Juđa păng kon pơlei Jêrusalem, Kăt bĕ akar jơhngơ̆m iĕm. Kơnh hli kơ tơdrong Inh hil iung thoi ŭnh sa, ưh kơ đei bu kĕ pĭt, yua kơ tơdrong yoch lu iĕm pơm boih.”

Êsêkiên 21:31

Inh gô tuh tơdrong hil mĭl Inh tơ ih; Inh gô soh ŭnh tơdrong Inh blĕk tơ ih păng Inh gô pơjao ih ăn kơ lu bơngai kơnê̆, juăt kơ pơrăm đe.

Da 11:36

Pơtao âu gô pơm kiơ̆ kơ sư wă; pơư pơang pôk hơtŏk sư kơdih jing kơjung hloh kơ lu yang, pơma nơ̆r hlĭch chrơp blah plơ̆ 'Bok Kei-Dei Kră Yang lu yang. Sư gô đei tơdrong pŭn hiôk dĭng truh tơ năr Kră Yang 'Bok Kei-Dei hil, yua kơ dôm tơdrong kiơ mă đei pơkă boih gô đei trŏ 'blep.

Da 7:10

Đơ̆ng 'bơ̆t anăp sư, đei glung ŭnh ro tơ jơ̆p-jang; rơbâu hơngan linh jang awih awăn kơ sư păng rơbâu hơngan kon bơngai dơ̆ng 'bơ̆t anăp sư. Tơdrong sek tơlang hơmet lê̆ boih păng đe kư̆m pơih lu sơ̆p hla bơar.

Mathiơ 25:41

“Klaih kơ noh Inh pơma kơ lu bơngai mă oei gah 'ngiĕo kơ Inh dơ̆ng thoi âu: ‘Dang ei 'Bok Kei-Dei wă phak iĕm boih, iĕm jah weh đơ̆ng âu kơdâu năm tơ dơnâu ŭnh to bĕ. Ŭnh noh ưh kơ layơ păt, ŭnh noh 'Bok Kei-Dei hơmet ăn kơ yang Satan păng đĭ-đăng kơ lu linh jang kơ sư năm oei tơ lăm dơnâu ŭnh noh.

Mathiơ 4:22

Na bre sư 'blă achăng tŭk jal hăm 'bă sư kơpal thŏng-nan na kiơ̆ Yêsu.

Both 4:24

Yua kơ Kră Yang 'Bok Kei-Dei iĕm thoi kơ ŭnh soh chhông păng jơ̆ Kră Yang 'Bok Kei-Dei băt kơ gar.

Hêbrơ 13:8

Gah Yêsu Krist sư oei hơnơ̆ng ling-lang, mă đơ̆ng sơ̆ khơ̆ dang ei truh tơ ning-mônh.

I Pet 1:8

Đơ̆ng sơ̆ iĕm ưh kơ 'bôh Yêsu Krist thoi yơ, mă iĕm 'mêm kơ Sư tơpă. Dang ei iĕm kư̆m ưh kơ 'bôh Sư mă iĕm kư̆m lui kơ Sư kơjăp, jơhngơ̆m iĕm hiôk ling-lang măng năr.

Ju 1:4

Lu bơngai mă wă pơhlŭ pơlung iĕm noh, lu sư pơm thoi bơngai lui. Lu sư mơ̆t akŭm hơdai iĕm, pơm chur oei tơ tŏk-bŏk lu iĕm. Lu bơngai thoi noh 'Bok Kei-Dei khan wă phak đơ̆ng sơ̆ 'mơ̆i. Lu sư bơngai kơnê̆ tơpă, lu sư khan kơlih kơ 'Bok Kei-Dei mơnat kơ tơdrong yoch bơ̆n, na bơ̆n pơm yoch kiơ kư̆m bưh, pơm tơdrong kơnê̆ kư̆ kă kư̆m bưh. Yŏng Tơ'ngla bơ̆n Yêsu Krist, mă lu sư kư̆m ưh kơ lui yom mơ̆n.