Êsai 30:32 - Sơ̆p Hlabơar Nơ̆r 'Bok Kei-Dei

³² Rim wơ̆t mưh Kră Yang iŏk sơnguĕt wă teh lu sư, na đe gô kơtơ̆ng re hơgơ̆r iĕ, re brŏ. Kră Yang gô yơ̆r ti blah lu sư.

Êsai 30:32 ပူးပေါင်းရင်းမြစ်များ

Bl 31:27

Kơdâu klĕnh kơ kiơ, hơlĕnh ưh kơ roi kơ inh adrol? Ăn ưh, Inh năm ba hiôk-hian, reh brŏ hơri teh hơgơ̆r 'mơ̆i.

II Ho 32:8

Oei hăm lu sư noh kon bơngai hmă đĕch; bĕ gah bơ̆n đei Kră Yang 'Bok Kei-Dei lu bơ̆n wă tơgŭm păng tơblah tang lu bơ̆n.” Kon pơlei đei jơhngơ̆m nuih đơ̆ng nơ̆r Hesekia pơtao Juđa.

Jop 16:12

Kơplah Inh oei hiôk-hian, Sư teh pơchah inh, Sư rôp hơko inh klơ̆m inh pơchah hĕch hoch dan lê̆ inh pơm tơ̆r wă prah pơđam.

Êsai 10:24

Thoi noh, na Kră Yang Tih Hloh khan: “Ơ kon pơlei pơla Inh oei lăm Siôn, 'nĕ kơ hli kơ lu bơngai Asiri, mă khan lu sư iŏk sơnguĕt teh iĕm păng yơ̆r 'long jra wă pơjuă pơđep kơ lu iĕm thoi bơngai Êyiptơ pơm sơ̆.

Êsai 10:26

Kră Yang Tih Hloh gô chĕp sơnguĕt teh lu sư. Thoi Sư đei pơm kơ kon pơlei Midian 'bơ̆t tơmo Ôrep; păng Sư kư̆m yơ̆r 'long jra tơ kơpal đak dơsĭ, thoi Sư đei pơm tơ Êyiptơ sơ̆.

Êsai 11:15

Kră Yang gô pơm kơ đak dơsĭ Êyiptơ hrơ̆ đĭ; Kră Yang yơ̆r ti sư kơpal đak krong Ơphrat hăm kial tŏ, Sư blah song krong noh jing tơpơh chơnglah, wă kơ đe yak năm lăm krong noh jơ̆ng ưh kơ hơiuh ôh.

Êsai 19:16

Lăm năr noh kơnh, bơngai Êyiptơ gô nhen thoi bơngai drŏ-kăn, hli tơrơ kơ ti Kră Yang Tih Hloh wă pơrăm lu sư.

Êsai 2:19

Đe gô kơdâu ôn tơ lăm hơgơp tơmo, lăm trôm teh wă kơ weh đơ̆ng anăp tơdrong hli krưp Kră Yang păng tơdrong mơsêh mơyang Sư, kơplah năr Kră Yang wă iung pơm kơ teh âu tơdrŏ pơpơ̆.

Êsai 24:1

'Nâu Kră Yang gô pơrăm teh, pơm kơ teh jing juơ rơhiăng, sư gô blơ̆ pơrăm lê̆ teh đak păng pơm kơ kon pơlei tơklah tơklang.

Êsai 24:8

Re hơgơ̆r iĕ chơt hiôk ưh pă đei dơ̆ng, jreo 'nă hal ưh pă đei bơih, jơwa đe reh brŏ chơt hiôk kư̆m đĭ tôch.

Êsai 30:29

Lu iĕm gô hơri thoi lăm măng iĕm pơm giĕng 'lơ̆ng rơgoh, jơhngơ̆m lu iĕm gô chơt hiôk thoi bơngai hlôm 'lal tŏk tơ kông Kră Yang, truh tơ Tơmo Tih đe Isơrael.

Êsai 31:4

Kră Yang đei khan bơih kơ inh thoi âu: “Nhen thoi dăm-brang grĕnh, dah nhen thoi dăm-brang mơlôh arum chă rôp tơmam sa, mă đơ̆ng lu bơngai wei triu minh khŭl lơ ră wă blah sư, sư ưh kơ tơrơ ôh kơ 'bơ̆r lu bơngai wei triu ôr tơkĕch, sư kư̆m ưh kơ hli kơ jơwa jreo lu đe noh, kư̆m thoi noh mơ̆n, Kră Yang Tih Hloh, gô jur wă tơblah tơ kơpal Kông Siôn păng tơ kơpal lu groi.

Je 31:4

Inh gô pơdơ̆ng ming iĕm, na lu iĕm gô đei dơ̆ng, ơ bơngai Isơrael 'lơ̆ng rơgoh Lu iĕm gô iŏk hơgơ̆r iĕ tơdŭ suang thoi sơ̆ hơdai hăm lu bơngai chơt hiôk.

Êsêkiên 28:13

Ih oei tơ pơgar Êđen, pơgar Kră Yang 'Bok Kei-Dei. Ih pơguăng hăm tơmam tơmo gĭt thoi jơmŏng tơmo jasper, tơmo saphirê, tơmo Shơkêđô tơmo samarađô, tơmo siađô, tơmo krisôlia, tơmo borelô, tơmo tôpasiô, ih hling hrâu hăm maih dơ̆ng. Đơ̆ng năr mă đei pơjing ih đei hơmet lê̆ boih dôm tơmam noh.

Êsêkiên 32:10

Inh gô ăn kơ kon pơlei lăng ih, chrêu kơ đon păng pơtao lu sư gô hli tơtơ̆ yua kơ ih; kơplah Inh yơ̆r đao 'bơ̆t anăp lu sư. Lăm năr mă ih pơchah răm lu sư hli tơtey, rim jơ rim 'nu tơtăm kơ tơdrong arih lu sư kơdih.”

Hêbrơ 12:26

Kơplah Sư pơma kơ lu bơngai noh sơ̆, nơ̆r Sư pơma pơm kơ teh adrŏ. Ahrei Sư khan thoi âu dơ̆ng: “Pă minh 'măng Inh pơm, ưh pă pơm kơdrô̆ teh boih; Inh wă pơm pơđĭ plĕnh păng teh hloi.”

I Sam 10:5

Đơ̆ng noh ih gô truh tơ Gibêah Elohima, jơ̆ minh pơm anih kơđông đe Philistin; kơplah ih mơ̆t bơih tơ pơlei, ih gô tơ'bơ̆p minh khŭl 'bok khan lê̆ adrol jur đơ̆ng anih kơkuh, lu sư suang reh brŏ dung teh hơgơ̆r iĕ, hlôm 'lal păng reh tĭng-nĭng năm adrol kơ ih; Lu sư gô khan lê̆ adrol.

I Sam 18:6

Đang kơ Đawit pơlôch bơngai Philistin, wih brŏk hăm lu linh sư, na lu bơngai drŏ-kăn rim kơ pơlei bơngai Isơrael lĕch năm sơng Sôl, hơri suang, teh hơgơ̆r iĕ hăm brŏ tĭng-nĭng păng jreo nơ̆r hiôk chơt.