Êsai 30:31 - Sơ̆p Hlabơar Nơ̆r 'Bok Kei-Dei

³¹ Asiri gô kơtơ̆ng nơ̆r Kră Yang na hli tơtơ̆, Sư gô teh Asiri hăm sơnguĕt.

Êsai 30:31 ပူးပေါင်းရင်းမြစ်များ

Horiso 125:5

Mă gah lu bơngai hơlơ̆k kiơ̆ lu trong kơnê̆, Kră Yang gô puh lu sư hơdai lu bơngai pơm kơnê̆. Ăn tơdrong hiôk-hian kơ lu bơngai Isơrael!

Êsai 10:12

Mă-lei mưh Kră Yang pơkeh tơdrong jang Sư kơ kông Siôn păng pơlei Jêrusalem, Sư gô phak pơtao Asiri, yua kơ jơhngơ̆m sư pơang păng măt sư lăng pơrŏ.

Êsai 10:15

Hăm trŏ kơ sung tưk sư kơdih hloh kơ tơ'ngla chĕp sư? Dah hơnuă pơrŏ ot plơ̆ kơ bơngai chĕp sư? Dah thoi sơnguĕt hiŏng bơngai chĕp sư? Dah thoi 'long jra tưk ti bơngai chĕp Sư.

Êsai 10:24

Thoi noh, na Kră Yang Tih Hloh khan: “Ơ kon pơlei pơla Inh oei lăm Siôn, 'nĕ kơ hli kơ lu bơngai Asiri, mă khan lu sư iŏk sơnguĕt teh iĕm păng yơ̆r 'long jra wă pơjuă pơđep kơ lu iĕm thoi bơngai Êyiptơ pơm sơ̆.

Êsai 10:26

Kră Yang Tih Hloh gô chĕp sơnguĕt teh lu sư. Thoi Sư đei pơm kơ kon pơlei Midian 'bơ̆t tơmo Ôrep; păng Sư kư̆m yơ̆r 'long jra tơ kơpal đak dơsĭ, thoi Sư đei pơm tơ Êyiptơ sơ̆.

Êsai 10:5

Răm-'băm tơpă kơ dêh char Asiri, sư thoi sơnguĕt tơdrong Inh hil mĭl, 'long jra mă lu sư chĕp 'bơ̆t ti noh tơdrong Inh hil mĭl.

Êsai 11:4

Mă-lei Sư gô sek tơlang tơpăt kơ lu bơngai dơnuh, păng sek ăn kiơ̆ tơdrong tơpăt hơnơ̆ng kơ lu bơngai pơmat-tat kơpal teh âu. Sư gô teh teh đak hăm 'long jra đơ̆ng 'bơ̆r Sư pơma păng hơyuh kial đơ̆ng hơkŭng Sư na pơlôch lu bơngai pơm kơnê̆.

Êsai 14:25

Inh gô blah pơrăm bơngai Asiri lăm teh đak Inh, gô pơjuă bơhlơ̆r sư tơ kơpal kông Inh, 'long ăt sư gô plôh gơ̆ lê̆ đơ̆ng lu kon pơlei Inh, hơnong trăp sư gô hơ'nglơh lê̆ đơ̆ng hơngiĕng lu sư.”

Êsai 27:7

Kră Yang 'Bok Kei-Dei hăm teh lu sư thoi Kră Yang đei teh bơih lu bơngai teh lu sư ưh? Đah hăm pơlôch lu sư, thoi bơngai mă pơlôch lu sư ưh?

Êsai 30:30

Kră Yang gô pơm ăn kơ đe kơtơ̆ng jơwa nơ̆r rŏ krưp Sư, Sư gô tơ'bôh kơ đe kơkŏng ti Sư tơjur, lăm tơdrong Sư hil mĭl, thoi kơ ŭnh dơhlông sa, thoi kial hơbŭt, thoi 'mi prĕl.

Êsai 31:8

“Asiri gô pơ̆k răm kơ đao gưm, ưh kơ trŏ kơ đao kon bơngai ôh kư̆m ưh kơ đao gưm đơ̆ng bơngai bu wă pơlôch sư. Lu sư gô kơdâu ôn đơ̆ng đao gưm noh păng lu kon tơdăm lu sư gô jing đĭch jang pơmat.

Êsai 9:4

Đĭ-đăng chơkhŏ đêl lu bơngai 'bot năm tơblah, hăm ao mam đêl pham klep gô soh rŭk tơ ŭnh pơđĭ.