Êsai 30:21 - Sơ̆p Hlabơar Nơ̆r 'Bok Kei-Dei

²¹ Mă lu iĕm weh gah 'ma dah gah 'ngiĕo, đon lu iĕm gô kơtơ̆ng nơ̆r pơma đơ̆ng rŏng lu iĕm khan: “Âu jơ̆ trong mă lu iĕm athei rok kiơ̆!”

Êsai 30:21 ပူးပေါင်းရင်းမြစ်များ

II Pot 22:2

Sư pơm 'lơ̆ng 'bơ̆t anăp Kră Yang, năm kiơ̆ tôm tơdrong Đawit, 'bok kơdră sư sơ̆, sư ưh kơ weh gah 'ma dah gah 'ngiĕo ôh.

Horiso 32:8

Inh gô bơtho tơ'bôh kơ lu iĕm trong lu iĕm athei năm kiơ̆. Măt Inh gô wei-lăng păng na bơtho tơ'bôh kơ lu iĕm.e

Tơdrông Pơđơk 4:27

'Nĕ kơ weh-woh 'ma 'ngiĕo, Jơ̆ng ih weh bĕ đơ̆ng tơdrong kơnê̆.

Êsai 29:24

Lu bơngai đei đon tơchĕng wơ̆l glăi gô jing gơh hlôh, păng lu bơngai juăt kơ tơtok sư gô pơhrăm iŏk tơdrong đe bơtho.”

Êsai 42:16

Inh gô chông lu bơngai măt tol rok trong lu sư ưh kơ biơh năm, dui lu sư rok trong iĕ mă lu sư ưh tam juăt; inh gô tơplih măng mu jing hơdah 'bơ̆t anăp lu sư, Inh gô pơm kơ teh jrŭ đơng jing dơnă. Tơpă inh gô pơm lu tơdrong noh păng ưh kơ achăng tŭk lu sư ôh.

Êsai 48:17

Kră Yang Tơ'ngla dŏng pơklaih iĕm Tơ'ngla 'Lơ̆ng Rơgoh Isơrael khan: “Inh bơih Kră Yang, 'Bok Kei-Dei iĕm, Tơ'ngla bơtho iĕm mă đei tơdrong 'lơ̆ng kơ iĕm păng dui ba iĕm lăm trong iĕm gô năm.

Êsai 58:11

Kră Yang ling-lang gô chông ba ih ăn kơ ih tôm mah lăm anih teh hrĕng kro, pơm ăn kơ akâu jăn ih pran jăng. Ih thoi lĕ pơgar đe ruh đak ling-lang, thoi tu đak glung ưh kơ đei layơ hrơ̆.

Je 6:16

Kră Yang khan: “Dơ̆ng bĕ tơ rok trong na răp lăng; Chă jet trong so, trong ayơ 'lơ̆ng yak kiơ̆ bĕ trong noh, Na chă ăn kơ bơhngol lu iĕm pơdơh hiôk.” Mă-lei lu sư khan: “Lu nhôn ưh kơ yak kiơ̆ ôh trong noh.”

Both 5:32

Thoi noh, lu iĕm athei kơchăng pơm kiơ̆, thoi Kră Yang 'Bok Kei-Dei lu bơ̆n hlôi pơkă boih. 'Nĕ kơ weh gah 'ma, dah gah 'ngiĕo.

Jôsuê 1:7

Ih athei chơ̆n jơhngơ̆m nuih pran păng pơm kiơ̆ kơ khôi juăt Môis đĭch đam Inh, mă tơbăt kơ ih, 'nĕ kơ weh gah 'ma gah 'ngiĕo, lei na mă năm tơ yơ gô đei tơdrong kĕ jei ih.

Jôsuê 23:6

Thoi noh athei chơ̆n jơhngơ̆m kơjăp păng pơm kiơ̆ mă pơ'lơ̆ng wei răk dôm tơdrong đei chih lăm sơ̆p hla bơar khôi juăt Môis boih, 'nĕ pă weh tơ 'ma dah tơ 'ngiĕo.

I Yo 2:20

Gah iĕm, Yêsu Krist mă 'lơ̆ng tơpăt, Sư ăn kơ iĕm Yang Bơhngol 'Lơ̆ng na đĭ dôm iĕm băt nhên tơpă gah tơdrong 'Bok Kei-Dei.

I Yo 2:27

Gah iĕm Yêsu Krist ăn kơ iĕm Yang Bơhngol 'Lơ̆ng boih. Na lăp Yang Bơhngol 'Lơ̆ng oei lơ̆m jơhngơ̆m iĕm, iĕm ưh pă wă kơ lu đe noh bơtho iĕm dơ̆ng ôh, kơlih kơ Yang Bơhngol 'Lơ̆ng bơtho iĕm tôm tơdrong. Dôm tơdrong Sư bơtho tơpăt ngăl, ưh kơ sĭ Sư bơtho tơdrong hơlĕnh ôh. Thoi noh na iĕm athei răk dôm tơdrong Sư pơkă hŏ wă kơ iĕm lui kơjăp kơ Yêsu Krist.

I Sam 12:23

Gah inh, inh ưh kơ pơdơh kơ krao khan kơ iĕm. Wă kơ inh huay kơ pơm yoch hăm Kră Yang. Inh gô bơtho tơ'bôh lu iĕm băt kơ trong 'lơ̆ng păng tơpăt.