Êsai 30:2 - Sơ̆p Hlabơar Nơ̆r 'Bok Kei-Dei

² Lu sư ưh tam mă apinh Inh, mă đĭ jur năm bơih tơ dêh char Êyiptơ, wă gơnang kơ Pharaôn bơwei dŏng lu sư, păng kơ'nơp lăm yơ̆p Êyiptơ!

Êsai 30:2 ပူးပေါင်းရင်းမြစ်များ

I Pot 22:7

Mă-lei Jêhôsaphat jet: “Tơ âu hăm pă đei 'bok khan lê̆ adrol nai Kră Yang wă kơ bơ̆n apinh jet sư?”

II Pot 17:4

Mă-lei pơtao đe Asiri 'bôh Hôsêa chă đon wă blơ̆ sư; yua kơ Hôsêa đei wơh bơngai năm tơ Sô, pơtao đe Êyiptơ, păng sư kuă kơ ra ăn kơ pơtao đe Asiri thoi juăt ăn rim sơnăm; na pơtao đe Asiri rôp sư, tah sư tơ lăm hnam phak.

II Pot 18:21

Noh dang ei ih gơnang kơ Êyiptơ hă? Noh jơ̆ thoi 'long gơlar tơgơ̆, dah bu tơjră kơ 'long noh sĭt gô trŏ ti klĕch hloi. Bu gơnang kơ Pharaôn, pơtao đe Êyiptơ, lu sư kư̆m thoi noh mơ̆n.

Êsai 16:3

“Ih chă đon bĕ, pơm bĕ tơdrong 'lơ̆ng tơpăt, kơplah 'năr dơ̆ng, pơm kơ yơ̆p ngôi ih nhen thoi kơmăng. Ôn bĕ lu bơngai oei klaih, 'nĕ pơdrâu lu bơngai chă kơdâu ôn!

Êsai 18:1

Răm-'băm tơpă kơ teh đak đei re jơwa thoi tơtuh pơnăr noh jơ̆ teh đak pah to lu krong lăm char Kus.

Êsai 36:6

'Nâu ih gơnang kơ dêh char Êyiptơ, noh thoi 'long jra gơlăr đĭ tơgơ̆ bơih bu mă gơnang kơ sư, sư gô trŏ 'bet ti bơngai noh hlôh. Pharaôn, pơtao Êyiptơ đe bu mă gơnang kơ sư kư̆m gô thoi noh mơ̆n.

Êsai 36:9

Ih ưh kơ gơh puh tơweh lê̆ minh 'nu yŏng linh iĕ hloh lăm lu yŏng tơ'ngla inh, mă khan ih gơnang kơ dêh Êyiptơ wă kơ đei gre aseh păng lu linh kư̆m ưh kơ kĕ.

Êsai 8:19

Tơdah đei bu khan kơ iĕm Năm apinh jet bĕ lu pơjâu pơma hăm lu bơngai lôch, lu pơma bơlăm thoi sem păng pơma ưh kơ rơđah ôh khan bĕ kơ lu sư: Ưh kơ trŏ ôh hă kon pơlei năm apinh jet Kră Yang 'Bok Kei-Dei lu sư kơdih? Wă tơgŭm ăn kơ bơngai arih, liơ năm apinh jet bơngai lôch?

Je 2:18

Dang ei liơ iĕm jur tơ dêh Êyiptơ nhă đak Krong Nil. Iĕm năm tơ dêh Asiri nhă đak Krong Ơphrat, đei yua kiơ?

Je 21:2

“Apinh ih krao apinh bĕ Kră Yang tơgŭm lu nhôn, yua kơ Nebukatnessar pơtao đe Babilôn oei năm wang blah lu nhôn. Rŏ lăng băt Kră Yang pơm tơdrong mơsêh kơ nhôn kiơ̆ thoi tơdrong mơsêh Sư pơm sơ̆, pơm ăn kơ pơtao Babilôn kơdŭn weh đơ̆ng lu nhôn.”

Je 37:5

Lu linh Pharaôn lĕch đơ̆ng Êyiptơ. Lu bơngai Kalđê oei wang pơlei Jêrusalem kơtơ̆ng tơdrong ei, na lu sư kơdâu weh đơ̆ng pơlei Jêrusalem.

Je 42:14

na khan: “Ưh lu nhôn gô jur năm tơ dêh char Êyiptơ, tơ noh lu nhôn gô ưh kơ 'bôh tơdrong tơblah wang păng ưh kơtơ̆ng đe hlôm keng dơ̆ng; tơ noh lu nhôn ưh kơ pơngot rơwĕt; lu nhôn gô năm oei tơ noh.’

Je 42:2

năm apinh lung Jêrêmi: “Mơ̆ng bĕ nơ̆r lu nhôn apinh ih krao apinh Kră Yang 'Bok Kei-Dei ih tơgŭm lu nhôn, lu bơngai mă oei oei âu. Sơ̆ lu nhôn oei lơ kơdrâ̆m, dang ei oei pă tŏ sĕt, thoi ih 'bôh âu.

Je 42:20

lu iĕm pơrơ̆ng pơprơ̆n wơh inh năm krao chă Kră Yang 'Bok Kei-Dei lu iĕm, khan: Krao apinh bĕ Kră Yang bơ̆n tơgŭm nhôn păng roi ăn kơ lu nhôn băt Kră Yang bơtho khan lu nhôn liơ; lu nhôn gô pơm kiơ̆.

Je 43:7

Na lu sư jur năm tơ char Êyiptơ, truh tơ pơlei Tahpanhes. Lu sư ưh kơ chu kiơ̆ nơ̆r Kră Yang.

Nhom 4:20

Hơyuh kial dui jơhngơ̆m bơ̆n đơ̆ng muh bơ̆n, wă lu bơngai mă đei tuh đak rơmă đơ̆ng Kră Yang, thoi noh đĭ 'leh hơđong boih. Gah sư, lu bơ̆n ngăl khan lu bơ̆n kơ'nơp ala yơ̆p Sư na arih hơdai lăm lu dêh char.

Hôsia 7:13

Răm-'băm dêh kơ lu sư yua kơ lu sư tơklah ataih đơ̆ng Inh; Inh gô pơrăm lu sư yua kơ lu sư pơm yoch boih hăm Inh. Mă khan Inh wă dêh ră pơklaih lu sư, mă-lei lu sư pơma hơlĕnh kơ Inh.

Hôsia 8:10

Mă khan lu sư tĕch boih lu sư kơdih kơ adrĕch adrung bơngai nai, mă-lei Inh oei akŭm lu sư; păng lu sư rai huach yua kơ đơ̆ng pơtao kơtang pơjuă pơđep lu sư.

Hôsia 8:9

Lu sư tŏk boih tơ dêh Asiri, thoi minh pôm aseh iĕ bri chă hoang hơdrô̆; lu bơngai Êphraim tĕch lu sư boih tơ lu bơngai pơm pơyô kư̆ kă mă lu sư hưch.

Jo 27:21

Sư gô năm dơ̆ng 'bơ̆t anăp 'bok soi, Êlêasar, sư apinh Urim 'bơ̆t anăp Kră Yang ăn kơ Jôsuê wă kơ sư băt sek tơdrong liơ, Jôsuê păng đĭ-đăng kon pơlei Isơrael athei kiơ̆ dôm tơdrong jang lu sư gô mơ̆t dah gô lĕch.

Both 28:68

Kră Yang gô chông ba iĕm hăm duk hơlơ̆k brŏk tơ dêh Êyiptơ dơ̆ng; mă khan Sư đei pơkă hăm lu iĕm ưh pă đei layơ wă wih brŏk tơ noh dơ̆ng; lu iĕm gô tĕch akâu iĕm kơ lu bơngai ayăt pơm đĭch, đĭ drŏ-nglo dah drŏ-kăn, mă-lei ưh kơ đei bu wă răt.

Jôsuê 9:14

Lu bơngai Isơrael iŏk tơmam sa lu sư, mă-lei ưh kơ đei krao apinh Kră Yang.

Lu 9:15

'Long jơla tơl: Dah jơhngơ̆m iĕm wă tơpă na lu iĕm tuh đak pơgang 'bâu phu kơ inh pơk inh pơm pơtao pơgơ̆r iĕm, năm kơ'nơp bĕ ala yơ̆p inh; dah ưh, ŭnh đơ̆ng 'long jơla lĕch soh sa đĭ 'long hơngo char Liban!