Êsai 30:18 - Sơ̆p Hlabơar Nơ̆r 'Bok Kei-Dei

¹⁸ Mă tơpă, Kră Yang oei gô wă pơm 'lơ̆ng kơ lu iĕm, Tơpă Sư gô 'mêm mơnat kơ lu iĕm. Kră Yang jơ̆ Kră Yang 'Bok Kei-Dei 'lơ̆ng tơpăt. Pŭn hiôk dêh kơ bơngai bu oei chang gô Sư!

Êsai 30:18 ပူးပေါင်းရင်းမြစ်များ

Jop 35:14

Pơma kiơ kơ ih, liơ mă 'bôh Kră Yang 'Bok Kei-Dei gơh mơ̆ng ih. Mưh ih khan ih ưh kơ 'bôh Kră Yang. Tơdrong ih kêng truh 'bơ̆t anăp Kră Yang bơih, păng ih oei răp gô Kră Yang sek tơlang!

Horiso 2:12

Chŭm Sư bĕ, hli kơ Sư hil, păng hli kơ iĕm lôch hiong lăm trong tôch; Yua kơ tơdrong sư hil rai tŏk. Pŭn hiôk dêh kơ bu mă kơ'nơp lăm Sư!

Horiso 27:14

Chang gô bĕ Kră Yang Athei chơ̆n jơhngơ̆m păng hơđơ̆ng đon! Tơpă, chang gô bĕ Kră Yang.

Horiso 34:8

Pơlong lăng bĕ Kră Yang na 'bôh Sư 'lơ̆ng tơpăt dang yơ! Pŭn dêh kơ bu băt kơ'nơp lăm Sư!

Horiso 84:12

Ơ Kră Yang 'Bok Kei-Dei Tih Hloh, pŭn dêh kơ bơngai bu mă gơnang kơ Ih!

Horiso 99:4

Pơtao mơsêh mơyang, Sư 'mêm kơ tơdrong tơpăt; Ih pơjing kơjăp tơdrong hơtŏ hơnơ̆ng. Ih sek tơlang hăm tơdrong tơpăt trŏ lăm Jakôp

Le 34:6

Kră Yang năm brih 'bơ̆t anăp Môis păng khan: Inh bơih Kră Yang, Kră Yang 'Bok Kei-Dei 'bĕnh tơdrong 'mêm mơnat, iơ̆m dim 'mêm kơeng hiơ̆ kơ hil, pơm trŏ 'blep đêl Sư pơkă hăm tơdrong sĭt.

Tơdrông Pơđơk 16:20

Bơngai bu chu iŏk đe bơtho gơh đei yua; Bơngai bu gơnang kơ Kră Yang gơh đei pŭn hiôk.

Êsai 18:4

Kră Yang khan bơih kơ inh thoi âu: “Inh gô oei hreh păng Inh gô răp lăng đơ̆ng anih Inh oei, thoi drang tŏ pơchrang hơdah đơ̆ng măt 'năr, thoi hơiuh đak ngom năr tŏ bơyan yuă.”

Êsai 2:11

Măt kon bơngai 'maih lăng pơrŏ gô mơlâu, tơdrong pơang kon bơngai gô tơhuŏng lê̆ tơ ala, lăm năr 'noh lăp minh 'nu Kră Yang đĕch bơ̆n ư-ang.

Êsai 2:17

Lu bơngai pơang gô tơjur lê̆ tơ ala păng tơdrong kon bơngai pơrŏ kơdih akâu gô mơlâu, lăm năr 'noh kơnh pôm Kră Yang đĕch trŏ kơ bơ̆n ư-ang.

Êsai 25:9

Lăm năr noh kơnh, đe gô khan: “Âu bơih Kră Yang 'Bok Kei-Dei bơ̆n, mă lu bơ̆n đei chang gô Sư dŏng pơklaih bơ̆n. 'Nâu bơih Kră Yang mă lu bơ̆n chang gô Sư. Bĕ lu bơ̆n 'nă hal chơt hiôk kơ tơdrong Sư dŏng pơklaih!”

Êsai 28:17

Inh gô iŏk tơdrong tơpăt hơnơ̆ng pơm tơlei pơtŏ, tơdrong 'lơ̆ng tơpăt pơm 'long hơgăt, 'mi prĕl gô pơrăm lê̆ anih pơma hơlĕnh lu iĕm ôn kơ'nơp, đak gô lơ̆p lê̆ iĕm lu sư wă kơdâu klĕnh.

Êsai 33:2

Ơ Kră Yang mơnat bĕ kơ lu nhôn! Lu nhôn oei chang gô Ih, Apinh ih ăn kơ nhôn đei jơhngơ̆m pran rim năr rim pơgê, apinh Ih dŏng pơklaih lu nhôn đơ̆ng lăm tơdrong pơmat-tat!

Êsai 33:5

Kră Yang đei pơyom hloh, yua kơ Sư oei tơ anih kơpal ti, Sư pơm ăn kơ Siôn 'bĕnh blai kơ tơdrong 'lơ̆ng tơpăt păng trŏ hơnơ̆ng.

Êsai 40:31

Mă-lei bu chang gô Kră Yang sư gô đei jơhngơ̆m pran 'nao, sư gô păr kơjung thoi sem klang; kơdâu mă ưh kơ băt kơ lap, nơnăm mă ưh kơ gleh.

Êsai 42:14

“Inh oei hreh đunh bơih, Inh ngăn hrĕng ĕnh kơdih akâu. Mă-lei dang ei inh tơngưih re, dui jơhngơ̆m gleh nhen drŏ-kăn tơpŭ.

Êsai 42:16

Inh gô chông lu bơngai măt tol rok trong lu sư ưh kơ biơh năm, dui lu sư rok trong iĕ mă lu sư ưh tam juăt; inh gô tơplih măng mu jing hơdah 'bơ̆t anăp lu sư, Inh gô pơm kơ teh jrŭ đơng jing dơnă. Tơpă inh gô pơm lu tơdrong noh păng ưh kơ achăng tŭk lu sư ôh.

Êsai 48:9

Yua kơ anăn Inh kơdih, na Inh ĕnh tơdrong blĕk Inh; yua kơ tơdrong ư-ang Inh kơdih, na pơgơ̆t tơdrong Inh huay kơ pơlôch pơrăm iĕm.

Êsai 5:16

Mă-lei Kră Yang Tih Hloh, gô pôk hơtŏk tơ kơpal hloh hăm tơdrong sek tơlang tơpăt hơnơ̆ng, păng Kră Yang 'Bok Kei-Dei 'lơ̆ng Rơgoh gô pơdah Sư 'lơ̆ng rơgoh lăm tơdrong 'lơ̆ng tơpăt.

Êsai 55:8

Kră Yang khan: “Đon tơchĕng Inh phara kơ đon tơchĕng lu iĕm, trong lu iĕm phara kơ trong Inh.”

Êsai 57:16

Inh ưh kơ wă jô̆ yoch ling-lang ôh, kư̆m ưh kơ hil mĭl ling-lang mơ̆n, hli kơ kơnh gô rơdu bơhngol păng kial dui jơhngơ̆m kon bơngai mă Inh đei pơjing bơih kư̆m hiong,

Êsai 61:8

Inh bơih Kră Yang Inh lăp kơ tơdrong tơpăt, areh kơ tơdrong tơtông klĕ păng tơdrong pơm ưh kơ tơpăt, kiơ̆ kơ jơhngơ̆m tơpăt Inh. Inh gô apah lu sư, păng pơjing tơdrong pơgơ̆p hăm lu sư ling-lang.

Êsai 64:4

Đơ̆ng sơ̆ đe ưh tam mă băt, đon ưh tam mă kơtơ̆ng, măt ưh tam mă 'bôh Kră Yang nai 'nguaih kơ Sư. Tơ'ngla mă đei pơm ăn bơih kơ lu bơngai mă chang gô Sư noh.

Êsai 8:17

Inh gô gơnang kơ Kră Yang păng chang gô Sư, jơ̆ Kră Yang mă ôn muh măt Sư đơ̆ng adrĕch Jakôp.

Je 17:7

Pŭn hiôk dêh kơ bơngai bu mă lui gơnang kơ Kră Yang, Păng hơmĕng hơđơ̆ng kơ Kră Yang.

Je 42:7

Mơjĭt năr đơ̆ng rŏng, đei nơ̆r Kră Yang khan kơ Jêrêmi.

Da 12:12

Pŭn hiôk dêh kơ lu bơngai bu chang gô, truh tơ minh-rơbâu pêng-hrĕng pêng-jĭt pơđăm năr!

Hôsia 1:7

Mă-lei Inh gô 'mêm mơnat kơ adrĕch Juđa; Inh Kră Yang 'Bok Kei-Dei lu sư gô dŏng pơklaih lu sư, Inh ưh kơ pơklaih lu sư hăm hră dah hăm đao gưm ôh; dah tơdrong tơblah, hăm aseh, dah hăm bơngai hao aseh ôh.

Hôsia 2:14

Na, 'nâu, Inh gô pơlung sư, chông ba sư năm tơ tơmăn glă păng iŏk nơ̆r rơngơp pơma hăm sư.

Hôsia 5:15

Inh gô wih brŏk tơ anih Inh, dĭng truh tơ lu sư băt 'bôh lu sư đei yoch, na krao chă Inh, lăm năr pơmat-tat, lu sư gô adrin chă Inh. Tơdrong lu bơngai Isơrael tơbral. Hil chrih păng phak bơtho.

Malachi 2:17

Lu iĕm đei pơm kơ Kră Yang blĕk dêh, đơ̆ng nơ̆r iĕm pơma; khan dơ̆ng thoi âu: “Tơ yơ lu nhôn đei pơm kơ Sư blĕk.” Noh 'bơ̆t iĕm khan: “Bơngai bu pơm tơdrong kơnê̆ noh Kră Yang lăp đon păng Sư kư̆m lăp đon kơ lu bơngai thoi noh;” mưh khan thoi ei lei, “lei tơ yơ khan Kră Yang 'Bok Kei-Dei sek tơpăt?”

Luka 15:20

“Klaih kơ noh sư iung brŏk hloi. Tam mă truh tơ hnam, oei ataih, mă-lei 'bă sư tơmang 'bôh sư boih. 'Bă sư lăng 'brơ̆k mơnat, na tơkan chŭm kuăr sư.

Luka 2:25

Tơ Pơlei Jêrusalem ei đei minh 'nu bơngai anăn sư Simiôn. Sư bơngai 'lơ̆ng tơpăt kư̆m lui kơjăp păng chang gô 'Bok Kei-Dei wơh 'Bok Krist dŏng pơklaih lu bơngai Isơrael. Na Yang Bơhngol 'Lơ̆ng oei hơdai păng sư.

Jang 5:31

'Bok Kei-Dei atŏk Yêsu anih gah 'ma kơ Sư, ăn Yêsu pơm 'Bok Pơgơ̆r bơ̆n. Sư kư̆m pơm 'Bok Dŏng Pơklaih bơ̆n mơ̆n, wă kơ bơngai Isơrael bơ̆n tơbral tơdrong yoch bơ̆n kơdih kơdih na 'Bok Kei-Dei pơklaih yoch bơ̆n.

Rom 5:20

'Bok Kei-Dei pơkă kơ bơ̆n tơdrong juăt Sư sơ̆, Sư wă tơbăt kơ bơ̆n đei tơdrong yoch tih; Sư 'bôh bơ̆n đei tơdrong yoch tih na Sư 'mêm kơ bơ̆n rai dêh.

Rom 9:22

Na 'Bok Kei-Dei Sư kư̆m pơm gô mơ̆ng kơ Sư wă. Tơ̆ng kiơ̆ kơ Sư ơh, athei phak lu bơngai kơnê̆ dang ei trŏ, wă kơ kon bơngai jơ̆p kơ teh đak ư-ang kơ Sư Yang mơsêh pran kơtang. Mă-lei dang ei 'Bok Kei-Dei oei ĕnh kơ tơdrong phak noh.

Êphêsô 1:6

Sư wă kơ bơ̆n bơnê kơ Sư 'mêm kơ bơ̆n tơpă, Kon pôm kơdih mă ăn lôch thoi noh.

Êphêsô 1:8

Sư kư̆m ăn kơ bơ̆n hơgei gơh hlôh wao nhên

Both 32:4

Kră Yang thoi Tơmo Tih 'lơ̆ng tôm; lu tơdrong Sư jang keh dang 'lơ̆ng tôm, trong Kră Yang tơpăt hơnơ̆ng. Sư boih Kră Yang 'Bok Kei-Dei sĭt, 'lơ̆ng tơpăt ưh kơ đei hơlĕnh. Sư tơpăt ling-lang 'lơ̆ng hơnơ̆ng.

Ya 5:11

Bơ̆n ư-ang tơpă 'bôh lu bơngai đei tơdrong gleh truh mă sư oei lui kơjăp, thoi lĕ kơ 'bok Jop sơ̆ sư đei tơdrong gleh pơmat kơ sư dang noh mă sư oei adrin lui khŏm khŏm. Na đơ̆ng rŏng bơ̆n 'bôh 'Bok Kei-Dei mơnat kơ sư, ăn kơ sư hiôk jơnap, na bơ̆n kư̆m băt kơ 'Bok Kei-Dei mơnat kơ bơ̆n thoi sư noh mơ̆n.

II Pet 3:15

Iĕm 'nĕ pơma kơ tơdrong Sư ưh kơ dah jur, yua kơ Sư mơnat kơ kon tơring tơrang lu tam mă lui, wă kơ lu sư lui thoi iĕm 'mơ̆i, na 'Bok Kei-Dei pơklaih tơdrong yoch lu sư, thoi Sư pơklaih iĕm boih. Pôl, 'nhŏng oh bơ̆n mă bơ̆n 'mêm, 'Bok Kei-Dei ăn kơ sư hơgei gah tơdrong bơtho, sư chih roi kơ iĕm kư̆m lei-lăi thoi noh mơ̆n.

II Pet 3:9

Sư ưh kơ wă pơđunh ôh kơ tơdrong Sư pơkă khan wă ăn Yêsu Krist jur, thoi lu bơngai che bơle noh khan. Sư oei mơnat ră kơ kon bơngai bơ̆n, Sư ưh kơ wă kơ minh 'nu bơngai hiong lăm tơdrong Sư phak ră. Thoi noh na Sư oei gô wă kơ đĭ-đăng bơngai tơbral kơdih tơdrong yoch.

I Sam 2:3

Thôi, 'nĕ pă pơma pơang dêh. 'Nĕ pă ăn tơdrong pơang lĕch đơ̆ng 'bơ̆r ih; Yua kơ Kră Yang bơih 'Bok Kei-Dei băt đi; Sư boih kŏng pơtŏ lăng đĭ tơdrong bơ̆n jang.