Êsai 30:16 - Sơ̆p Hlabơar Nơ̆r 'Bok Kei-Dei

¹⁶ Lu iĕm khan: ‘Ưh, lu nhôn gô hao aseh chă kơdâu klĕnh’ trŏ bơih na lu iĕm gô kơdâu klĕnh. ‘Lu iĕm khan lu nhôn hao aseh kơdâu hrĕnh,’ na lu bơngai druh iĕm kư̆m gô kơdâu hrĕnh mơ̆n!

Êsai 30:16 ပူးပေါင်းရင်းမြစ်များ

II Pot 25:5

Mă-lei đei khŭl linh đe Kalđê druh 'moi 'bok pơtao, lu sư druh tam đei rôp pơtao tơ tơmăn glă pơlei Jêrikô; đĭ-đăng lu linh sư tơklah tơklang păng achăng lê̆ sư hơdrô̆.

Jop 39:11

Ih hăm wă yua rơmo bri mă pran jăng dêh? Hăm wă jao kơ sư tơdrong jang gleh lap?

Horiso 147:10

Sư ưh kơ lăp đon kơ jơhngơ̆m pran aseh, kư̆m ưh kơ hiôk kơ jơ̆ng pran kon bơngai.

Horiso 33:17

Gơnang kơ aseh wă kơ gơh klaih noh tơdrong kơ đei. Mă khan jơhngơ̆m sư pran kơtang kư̆m ưh kơ gơh klaih hlôi.

Êsai 2:7

Dêh char lu sư đei hu maih, păng mŭk tơmam gĭt ưh pă băt dôm yơ, dêh noh đei aseh lơ păng đei gre aseh lơ pă gơh jô̆.

Êsai 31:1

Răm-'băm dêh kơ lu đe năm jur tơ Êyiptơ wă chă apinh tơdrong dŏng tơgŭm, gơnang kơ lu aseh, lu gre aseh, yua kơ lu sư lơ; gơnang kơ lu linh hao gre aseh yua kơ lu sư pran, Mă-lei ưh pă lăng gơnang kơ Tơ'ngla 'Lơ̆ng Rơgoh đe Isơrael, păng ưh kơ chă Kră Yang dŏng Tơgŭm.

Êsai 31:3

Lu bơngai Êyiptơ jơ̆ kon bơngai hmă đĕch, ưh kơ trŏ kơ Kră Yang 'Bok Kei-Dei ôh, lu aseh sư jơ̆ sĕch akar đĕch, ưh kơ trŏ kơ yang ôh, mưh Kră Yang yơ̆r ti Sư wă pơm, bơngai tơgŭm đe gô kơtơih, bơngai mă đe tơgŭm gô pơ̆k, 'bar 'nu măr sư gô lôch hiong hơdai.

Je 39:4

Sêđekia, pơtao đe Juđa, hăm lu linh tơblah 'bôh tơdrong noh lu sư kơdâu lĕch đơ̆ng pơlei, kơmăng rok trong pơgar 'nhot pơtao, lĕch trong 'măng jang sơlam dur, lu sư yak tơpăt tơ Araba.

Je 4:13

'Nâu, Sư truh thoi hơmơ̆l, gre aseh sư thoi kial hơbŭt, aseh sư kơdâu kuăng hloh kơ klang. Răm-'băm tơpă kơ lu bơ̆n, lôch răm đĭ!

Je 46:6

Lu bơngai hơbĕch hơbal kư̆m kơdâu ôn ưh kơ tam, Lu bơngai pran kơtang kư̆m ưh kơ gơh klaih. Lăm char gah yă-nơ̆m, jê̆ Krong Ơphrat, Lu sư kơtơih pơ̆k!

Je 52:7

Dur pơlei đe bŏk bơlih hlôh, Sêđekia 'bôh sư hăm lu linh sư kơdâu klĕnh kơmăng lĕch rok trong 'măng jang sơlam dur jê̆ pơgar pơkao pơtao; kơplah lu bơngai Kalđê oei wang pơlei, lu sư kơdâu lĕch yak klă tơ gah thŭng Arabah.

Nhom 4:19

Lu bơngai druh lu bơ̆n hrĕnh hloh kơ sem kring păr tơ plĕnh. Druh lu bơ̆n tơ jơ̆p rim kông, wă rôp lu bơ̆n tơ char 'blach,

Am 9:1

Inh 'bôh Kră Yang dơ̆ng jê̆ chơnang soi păng khan thoi âu: Teh pơchah lê̆ bĕ lu jrăng tơm, wă kơ lu 'măng pơpơ̆, teh pơhĕch tơ kơpal kơ̆l lu kon pơlei! Lu đe bu mă oei arih lăm lu sư inh gô pơlôch păng đao gưm, ưh kơ đei bu gơh klĕnh, ưh kơ đei minh 'nu bu gơh kơdâu klĕnh klaih hlôi.

Mi 1:13

Ơ kon pơlei Laki, iŏk bĕ aseh hrơ̆t kơdâu năm tơ gre! Noh ih boih tơm pơm ăn kơ adruh Siôn pơm yoch; yua kơ tơdrong yoch Isơrael 'bôh lăm ih.

Habakuk 1:8

Lu linh aseh sư kơdâu hơbal hloh kơ djrang păng nuih hloh kơ kŏ-so tơ kơmăng. Lu linh aseh sư năm tơ jơ̆p-jang anih hơbĕch hơbal truh đơ̆ng dêh ataih; lu păr hrĕnh thoi sem kring, hăt hot kơ chă sa.

Both 28:25

Kră Yang gô ăn lu bơngai ayăt blah pơrăm iĕm jei lu sư; lu iĕm gô năm blah sư minh trong, lĕch kơdâu ôn kơ lu sư tơpơh trong; lu adrĕch adrung kơpal teh 'bôh iĕm gô hli tơrơ.

Both 28:49

Kră Yang gô ba minh adrĕch adrung đơ̆ng ataih, đơ̆ng tôch kơ plei teh năm blah lu iĕm, thoi klang păr rôp sa kon sem; iĕm ưh kơ hlôh nơ̆r lu sư pơma ôh.