Êsai 30:13 - Sơ̆p Hlabơar Nơ̆r 'Bok Kei-Dei

¹³ Na tơdrong yoch lu iĕm nhen thoi dur kơjung đĭ hơđang pơchah wă jê̆ păk păng gô hơlih răm hĕch hoch, ưh kơ tam băt.

Êsai 30:13 ပူးပေါင်းရင်းမြစ်များ

I Pot 20:30

Dôm lu bơngai klaih đơ̆ng anih tơblah 'noh kơdâu ôn tơ lăm Pơlei Aphek, mă-lei dur pơlei pơchah kơtĭt lu sư lôch đei 'bar-jĭt tơpơh 'nu. Ben Hadat kư̆m kơdâu mơ̆t lăm pơlei, sư ôn tơ minh anih hlơp.

Jop 36:18

'Nĕ ăn tơdrong blĕk yua kơ lu bơngai pơm kơnê̆ mơdrŏng dui ba ih jrok trong. 'Nĕ kơ puh lăm tơmam đe răt iŏk ih lơ kơnh ih wơ̆l kơ trong.

Horiso 62:3

Dĭng dang yơ dơ̆ng iĕm wă blah minh 'nu bơngai. Đĭ-đăng lu iĕm hơdai wang wă pơlôch sư. Thoi lĕ kơ tơnăr grê, thoi dur wă păk.

Horiso 62:4

Lu sư lăp pơđâu đĕch wă blah lê̆ sư đơ̆ng anih đe pôk sư; Lu sư lăp kơ pơma hơlĕnh, 'bơ̆r lu sư hơpơi pŭn hiôk. Mă-lei lăm jơhngơ̆m hiap pơtê̆. Sêla

Tơdrông Pơđơk 29:1

Bơngai bu đei chrih ling-lang, Mă-lei oei arăng kơ̆l, Gô đei tơdrong truh blư bla na ưh pă kơ đei gơh dŏng pơklaih.

Tơdrông Pơđơk 6:15

Na tơdrong pơmat-tat truh kơ sư ưh kơ tam băt. Sư kơdrăt răm hloi, pă gơh klaih dơ̆ng.

Êsai 22:14

Kră Yang Tih Hloh roi tơbăt lăm đon inh: “Tơdrong yoch 'nâu ưh kơ gơh mơnat ăn ôh dĭng truh năr lu iĕm lôch.” Kră Yang Tih Hloh khan thoi noh.

Êsai 26:21

Lăng to, Kră Yang lĕch đơ̆ng anih Sư jur wă phak kon bơngai oei kơpal teh âu, yua kơ tơdrong yoch lu sư. Kơplah noh kơnh teh gô pơdah tơ'bôh pham đêl lu đe pơlôch păng ưh kơ gơh ôn dơ̆ng lu bơngai đêl đe pơlôch.

Êsai 29:5

Mă-lei lu đe ayăt kơ ih lơlap nhen 'bruih 'mui teh rơpŭk, lu đe pơm kơnê̆ dêh gô nhen hơkam 'ba kial bơbơ̆t, tơdrong noh gô truh ngei ngei ưh kơ tam băt ôh.

Êsai 30:26

Măt khei gô hơdah rang nhen hơdah măt 'năr păng tơdrong hơdah măt 'năr gô hơdah hloh tơpơh wơ̆t, thoi tơdrong hơdah kơ tơpơh năr, lăm năr Kră Yang ming rơka jĭ kon pơlei Sư păng ming hơmet pơklaih đêl rơka Sư teh.

Êsai 47:11

Na tơdrong gô truh tơ ih. Mă ih ưh kơ gơh kơ weh. Tơdrong pơmat-tat gô truh tơ ih mă ih ưh kơ gơh puh tơ nai. Tơdrong pơrăm blư truh ưh kơ tam băt. Mă ih ưh kơ băt adrol ôh.

Êsai 48:3

Inh khan lê̆ đơ̆ng sơ̆ bơih gah dôm tơdrong blŭng-a, dôm tơdrong noh lĕch đơ̆ng 'bơ̆r Inh, Păng Inh wă kơ lu iĕm băt. Na Inh pơm hloi păng dôm tơdrong noh truh hloi.

Êsai 58:12

Lu adrĕch adrung ih gô tơiung hơmet dơ̆ng anih sơ̆ đĭ pơchah tơphĕ. Iĕm gô hơmet dơ̆ng lu hơnă so đơ̆ng lơ kơ jơhnơr adrol sơ̆. Đe gô jô̆ pôk iĕm bơngai hơmet ming dur pơlei mă đĭ păk pơchah hơmet ming trong pơlei ăn kơ lu kon pơlei oei.

Êsai 65:7

Tơdrong yoch kơnê̆ lu sư hăm tơdrong kơnê̆ yă 'bok lu sư.” Kră Yang khan: “Yua kơ lu sư soh bơih 'long 'bâu phu kơpal lu kông, păng pơma kơnê̆, blei hiap Inh kơpal lu groi na Inh gô phak jô̆ akŭm đĭ dôm tơdrong yoch đêl lu sư pơm bơih đơ̆ng adrol sơ̆.

Mathiơ 7:27

Na mưh truh bơyan 'mi tih, đak lơ̆p, kial hơbŭt, hnam 'noh hơlŭng păk pơchah hoch đĭ.”

Luka 6:49

Bơngai bu mơ̆ng nơ̆r Inh bơtho, mă-lei ưh kơ pơm kiơ̆ thoi Inh bơtho, bơngai noh thoi bơngai pơm hnam kơpal teh pŭk đĕch. Na lăp đak krong tih blŭng pŭng hơlŭng pơchah hoch đĭ.”