Êsai 30:11 - Sơ̆p Hlabơar Nơ̆r 'Bok Kei-Dei

¹¹ Weh bĕ trong nai, tơklah bĕ đơ̆ng trong noh lê̆ pă roi gah Tơ'ngla 'Lơ̆ng Rơgoh đe Isơrael, weh bĕ đơ̆ng muh măt lu nhôn.”

Êsai 30:11 ပူးပေါင်းရင်းမြစ်များ

II Pot 19:22

Ih pơjăm pơ'brơh kơ bu? Ih pơma re kơ bu? Tơpă, măt ih pơang lăng pơgloh kơ bu. Noh ih blah Yang 'Lơ̆ng Rơgoh, lu đe Isơrael!

Jop 21:14

Lu sư pơma hăm Kră Yang 'Bok Kei-Dei khan: “Weh ataih kơ lu nhôn, lu nhôn ưh kơ wă băt trong gơlong Ih.

Êsai 29:13

Kră Yang khan: Kon pơlei âu năm jê̆ Inh hăm 'bơ̆r lu sư đĕch; kơkuh kơ Inh hăm hơkŭng, mă-lei jơhngơ̆m lu sư ataih đơ̆ng Inh. Tơdrong lu sư hli yom kơ Inh jơ̆ kiơ̆ tơdrong tơtă kon bơngai đĕch păng đơ̆ng kon bơngai bơtho ăn.

Êsai 29:21

Lu bơngai chă yua 'bơ̆r pơma sơlam hơlĕnh pơm kơ đe yoch, chă pơma sơlam hơlĕnh kơ lu kră sek tơlang. Chă roi pơma sơlam hơlĕnh kơ lu bơngai 'lơ̆ng tơpăt mă ưh kơ đei yoch gô lôch đĭ.

Am 7:13

Mă-lei 'nĕ pă khan lê̆ adrol tơ pơlei Bethel âu, yua kơ noh anih rơgoh pơtao păng noh anih hnam pơtao akŭm kơkuh kơ Kră Yang.

Mi 2:11

Tơdah đei bơngai bu kiơ̆ tơdrong hiong răm păng pơma hơlĕnh khan: Inh gô pơma khan lê̆ adrol kơ lu iĕm gah đak sik hơmu păng đak hơmu păng đak tơdrô, bơngai noh jing trŏ bơngai khan lê̆ adrol kơ kon pơlei 'nâu!

Jang 13:8

Mă-lei bơngai pơjâu ei, Êlimas, Êlimas anăn sư lăm nơ̆r Grĕk, sư tang găn bre Sôl păng 'Barna'ba wă kơ 'bok kuan tih ưh kơ lui kơ Kră Yang.

Rom 1:28

Yua kơ bơ̆n kuă kơ kơkuh kơ 'Bok Kei-Dei Kră Yang tih-tin na 'Bok Kei-Dei achăng lê̆ bơ̆n ăn kơ bơ̆n jing kơtul pơm yoch ling-lang.

Rom 1:30

pơjăm pơjuă dih băl. 'Bok Kei-Dei Sư Kră Yang, bơ̆n kư̆m areh kơ Sư mơ̆n. Bơ̆n bơngai hơwĕng dêh, bơ̆n pơ'brơh kơ đe, bơ̆n pơang akâu kơ đe, jơhngơ̆m bơ̆n 'bĕnh kơ tơdrong kơnê̆ ling-lang. Mĕ 'bă kơdih kư̆m ưh kơ băt kơ chu yom.

Rom 8:7

Bơngai mă gơnang kơ akâu sư kơdih, sư ayăt kơ 'Bok Kei-Dei, sư ưh kơ 'maih kiơ̆ tơdrong juăt 'Bok Kei-Dei pơkă; mă tơ̆ng sư 'maih, sư kư̆m ưh kơ kĕ kiơ̆ ôh.

Êphêsô 4:18

đon lu sư ưh kơ hlôh. Lu sư ataih đơ̆ng tơdrong arih 'Bok Kei-Dei ăn kơ lu iĕm, yua kơ lu sư kơtul jing arăng kơ̆l.