Êsai 30:10 - Sơ̆p Hlabơar Nơ̆r 'Bok Kei-Dei

¹⁰ Lu sư khan kơ lu bơngai đei tơdrong tơ'bôh: “'Nĕ pă 'bôh;” khan kơ lu bơngai khan lê̆ adrol: “'Nĕ pă khan lê̆ adrol kơ lu nhôn gah tơdrong sĭt. Pơma roi bĕ kơ lu nhôn tơdrong nhôn lăp đon chơt, roi bĕ kơ lu nhôn tơdrong 'bôh ưh kơ đei tơpă.

Êsai 30:10 ပူးပေါင်းရင်းမြစ်များ

I Pot 21:20

Ahap khan kơ Êli: “Ơ bơngai ayăt kơ inh, ih rôp tơm măt hă?” Êli tơl: “Inh rôp ih tơm măt boih,” yua kơ ih tĕch akâu ih kơdih wă pơm tơdrong yoch kơnê̆ 'bơ̆t anăp Kră Yang. Na Sư khan:

I Pot 22:27

khan: “Pơtao khan thoi âu: Rôp chĭt bơngai 'nâu lăm hnam bơnă, iŏk 'bĕng păng đak tŏ sĕt, rong pơmat sư dĭng truh năr inh brŏk hiôk-hian.”

II Ho 16:10

Asa sư hil kơ bơngai khan lê̆ adrol noh dêh na rôp phak. Kơplah noh Asa kư̆m pơm kơnê̆ kơ lu kon pơlei hai.

II Ho 25:16

Mă-lei kơplah 'bok khan lê̆ adrol oei pơma, pơtao khan plơ̆: “Nhôn hăm đei pôk ih chă đon kơ inh? Weh bĕ, ih 'maih lôch hă?” 'Bok khan lê̆ adrol noh ngăn na khan: “Inh băt Kră Yang wă pơlôch pơrăm ih, yua kơ ih đei pơm boih tơdrong noh păng ưh kơ wă mơ̆ng nơ̆r inh.”

Jop 41:3

Sư hăm krao apinh lung ih ưh? Pơma dơnuh hăm ih hiôk ưh?

Êsai 28:15

Lu iĕm pơma pơrŏ khan: “Lu nhôn pơgơ̆p bơih hăm tơdrong lôch, păng pơgơ̆p hăm dêh atâu, Tơdah tơdrong anat anot gô truh, ưh kơ 'bơm lu nhôn ôh. Lu nhôn yua tơdrong pơma hơlĕnh pơm anih nhôn kơ'nơp. Păng pơma bơkuĕch hơlĕnh wă kơdâu ôn.

Êsai 29:10

Kră Yang đei pơm bơih kơ lu iĕm tep blêk, chĭt lê̆ măt lu iĕm, jơ̆ lu bơngai khan lê̆ adrol, Kră Yang gom kơ̆l lu iĕm bơngai mă đei tơdrong tơ'bôh.

Êsai 5:20

Răm-'băm dêh kơ bơngai bu khan pơm kơnê̆ noh 'lơ̆ng, khan pơm 'lơ̆ng noh kơnê̆; khan măng mu noh hơdah, hơdah noh khan măng mu; tơmam tăng khan 'ngam, tơmam 'ngam khan tăng.

Je 11:21

“Thoi noh Kră Yang khan gah kon pơlei Anathôt lu bơngai chơchă wă pơlôch ih khan: ‘Ih 'nĕ pă khan lê̆ adrol hăm anăn Kră Yang, dah ưh kơ chu ih gô lôch kơ ti nhôn.’

Je 23:17

Lu sư hrăn pơma roi kơ lu bơngai areh kơ Inh: ‘Kră Yang khan: Lu iĕm gô đei hiôk-hian.’ Lu sư pơma roi kơ đĭ lu bơngai arăng kơ̆l kiơ̆ thoi lu sư wă kơdih. ‘Ưh kơ đei tơdrong răm kiơ truh kơ iĕm ôh.’

Je 26:11

Lu 'bok soi, lu 'bok khan lê̆ adrol, pơma hăm lu kră pơgơ̆r păng đĭ-đăng kon pơlei pơla khan: Bơngai âu trŏ kơ pơlôch, yua kơ sư đei pơma khan lê̆ adrol wă pơm kơ pơlei âu, đon lu iĕm đei kơtơ̆ng boih.

Je 29:27

Lei liơ ih ưh kơ rôp chrih kơ Jêrêmi pơlei Anathôt, sư oei khan lê̆ adrol, tơ lăm lu iĕm?

Je 36:29

Kŭm roi ăn kơ Jêhôiakim pơtao đe Juđa, 'nâu Kră Yang khan: ‘Ih soh boih sơnôm hla bơar âu păng jet: Liơ ih pơ̆n chih khan pơtao Babilôn gô truh, pơrăm dêh char âu păng pơlôch kon bơngai hăm sem dơrong.’

Je 38:4

Lu yŏng pơgơ̆r khan kơ pơtao: “Pơlôch bĕ bơngai 'nâu, yua kơ sư pơma thoi noh, pơm ăn kơ đon lu linh mă oei oei lăm pơlei âu păng pơm kơ jơhngơ̆m kon pơlei rơdu. Bơngai âu ưh kơ chă trong wă pơklaih kon pơlei ôh, mă-lei chă trong wă pơrăm.”

Je 5:31

Lu bơngai khan lê̆ adrol pơma hơlĕnh, lu 'bok soi pơgơ̆r kiơ̆ thoi lu sư gơh kơdih, lu kon pơlei Inh lăp dêh kơ tơdrong thoi noh. Mă-lei truh năr tôch kơnh lu iĕm gô pơm thoi yơ?”

Am 2:12

Mă-lei lu iĕm ăn pơgŏ boih lu bơngai Nasiril huch sik păng khă lu bơngai khan lê̆ adrol: Lê̆ pă khan lê̆ adrol!

Am 7:13

Mă-lei 'nĕ pă khan lê̆ adrol tơ pơlei Bethel âu, yua kơ noh anih rơgoh pơtao păng noh anih hnam pơtao akŭm kơkuh kơ Kră Yang.

Mi 2:11

Tơdah đei bơngai bu kiơ̆ tơdrong hiong răm păng pơma hơlĕnh khan: Inh gô pơma khan lê̆ adrol kơ lu iĕm gah đak sik hơmu păng đak hơmu păng đak tơdrô, bơngai noh jing trŏ bơngai khan lê̆ adrol kơ kon pơlei 'nâu!

Mi 2:6

“'Nĕ pă bơtho dơ̆ng,” lu sư bơtho. Lu sư ưh kơ bơtho tơdrong noh, Tơdrong mơlâu ưh kơ weh đơ̆ng lu sư.

Yo 7:7

Yua kơ iĕm tơduă kon bơngai ala teh âu, đe huay hil areh kơ iĕm ôh. Pôm Inh đĕch lu sư hil tơpă, kơlih kơ Inh tơ'bôh kơ lu sư tơdrong kơnê̆ lu sư pơm.

Yo 8:45

Mă-lei Inh âu pơma bơtho iĕm tơdrong tơpăt ră iĕm ưh kơ lui kơ Inh. 'Noh yua kơ đon iĕm kư̆m ưh kơ tơpăt mơ̆n.

Jang 4:17

Mă-lei bơ̆n athei khă bre sư bơtho tơdrong Yêsu wă kơ tơdrong noh jah tôch.”

Jang 5:28

“Nhôn khă iĕm bơtho tơdrong Yêsu boih, mă-lei iĕm oei bơtho tơdrong Sư jơ̆p kơ Pơlei Jêrusalem păng iĕm bơtho jâu nhôn pơlôch Yêsu mơ̆n.”

Rom 16:18

Dôm lu bơngai thoi noh lu sư ưh kơ jang tơdrong Kră Yang bơ̆n Yêsu Krist tơpă ôh, sư jang wă 'me akâu sư kơdih đĕch, sư pơma kơ đe rơngơp dêh, na lu đe mă 'bônh kơ lui kiơ̆ kơ sư.

Galati 4:16

Đơ̆ng rŏng kơ noh lăp inh tơ nai na đei lu bơngai năm pơtuah pơhlŭ iĕm. Inh kư̆m khan kơ iĕm tơpă boih ki, tơdrong sư pơtuah pơhlŭ iĕm noh ưh kơ yua kiơ kơ iĕm ôh, mă-lei dang ei iĕm lăng inh dang bơngai ayăt kơ iĕm hă?

II Tim 4:3

Ning-mônh đei lơ bơngai ưh pă wă mơ̆ng tơdrong 'Bok Kei-Dei. Đe wă kiơ̆ gah tơdrong kư̆ kă sư kơdih đĕch, na lu sư chă bơngai bơtho sư kiơ̆ kơ sư wă mơ̆ng đĕch, ưh pă kiơ̆ tơdrong 'Bok Kei-Dei dơ̆ng.

II Tim 4:4

Lu sư ưh pă năm mơ̆ng tơdrong 'Bok Kei-Dei boih, lu sư wă mơ̆ng tơdrong đe roi hơ'mon kư̆ kă, 'noh sư năm kuăng.

Tơdrông Tơ'bôh 11:7

Lăp bre sư năm chă pơtruh kơ đe tơdrong 'Bok Kei-Dei tôm boih, na đei minh pôm sem brem kơnê̆ pơplŏng lĕch đơ̆ng sơlŭng jrŭ blah pơlôch bre sư, lôch hloi.

I Sam 9:9

Sơ̆ bơngai Isơrael, dah bơngai bu wă krao chă Kră Yang 'Bok Kei-Dei, ngăl khan: Bĕ bơ̆n năm tơ'bơ̆p 'bok băt lê̆ adrol; bơngai mă bơ̆n krao 'bok khan lê̆ adrol.