Êsai 30:1 - Sơ̆p Hlabơar Nơ̆r 'Bok Kei-Dei

¹ Kră Yang khan: “Răm-'băm dêh kơ lu kon hơ'lơ̆p arăng kơ̆l 'maih chă đon mă ưh kơ trŏ tơdrong Inh wă, pơm tơdrong pơgơ̆p mă ưh kơ đơ̆ng Yang bơhngol 'lơ̆ng Inh, thim tơdrong yoch rai dêh dơ̆ng.

Êsai 30:1 ပူးပေါင်းရင်းမြစ်များ

II Pot 18:21

Noh dang ei ih gơnang kơ Êyiptơ hă? Noh jơ̆ thoi 'long gơlar tơgơ̆, dah bu tơjră kơ 'long noh sĭt gô trŏ ti klĕch hloi. Bu gơnang kơ Pharaôn, pơtao đe Êyiptơ, lu sư kư̆m thoi noh mơ̆n.

II Pot 18:24

Liơ iĕm gơh blah pơpuh minh 'nu yŏng linh lu đĭch đam yŏng tơ'ngla inh dah mă iĕm gơnang kơ char Êyiptơ wă kơ đei bơngai hao gre aseh păng gre aseh năm blah yŏng tơ'ngla inh hă? Kŭm ưh kơ kĕ mơ̆n.

Horiso 61:4

Ăn kơ inh oei lăm hnam khăn Ih ling-lang. Păng kơ'nơp tơ ala pơnăr Ih. Sêla

Êsai 1:2

Ơ lu tăl plĕnh mơ̆ng bĕ! Ơ teh pơgling đon mơ̆ng bĕ, yua kơ Kră Yang pơma khan: “Inh wei rong lu kon hơ'lơ̆p Inh, dĭng truh kơ 'lŏ mă-lei lu sư plơ̆ blah Inh.

Êsai 1:23

Lu yŏng pơgơ̆r iĕm tă kơ blơ̆ blĕch ngăl, pơm buăl hăm lu bơngai tơtông, rim 'nu lu sư tă kơ 'maih chă pơgâm sa tơmam, 'maih druh kiơ̆ mŭk tơmam đe ăn, ưh kơ dŏng tơgŭm lu bơngai mơti, pă 'maih lăng dŏng tơgŭm lu drŏ-kăn adro.

Êsai 1:4

Ô dêh char yoch kơnê̆ dêh, kon pơlei pơla pơm yoch kơnê̆ trăp dêh tơpă, Adrĕch adrung pơm kơnê̆ dêh, lu kon hơ'lơ̆p pơm kư̆ kă, lu sư achăng hŭt Kră Yang. Lu sư Pơjăm Kră Yang 'Lơ̆ng tơpăt Isơrael, lu sư weh tơklah ataih bơih.

Êsai 1:5

Lơliơ lu iĕm wă kơ oei teh hơnơ̆ng? Yua kơ kiơ lu iĕm oei 'maih blah plơ̆ ling-lang? Rim kơ̆l lu iĕm đĭ rơka, jơhngơ̆m lu iĕm đĭ jĭ bơih.

Êsai 28:15

Lu iĕm pơma pơrŏ khan: “Lu nhôn pơgơ̆p bơih hăm tơdrong lôch, păng pơgơ̆p hăm dêh atâu, Tơdah tơdrong anat anot gô truh, ưh kơ 'bơm lu nhôn ôh. Lu nhôn yua tơdrong pơma hơlĕnh pơm anih nhôn kơ'nơp. Păng pơma bơkuĕch hơlĕnh wă kơdâu ôn.

Êsai 28:20

Thoi giơng kơđeh dêh 'bĭch yon ưh kơmah, thoi khăn iĕ dêh su ưh kơtăp.

Êsai 29:15

Răm dêh kơ lu bơngai ôn kơ Kră Yang tơdrong lu sư pơđâu, tơdrong jang lu sư pơm oei lăm măng mu păng lu sư khan: Bu 'bôh bơ̆n? Bu băt kơ bơ̆n?

Êsai 30:9

Adrĕch adrung âu jơ̆ adrĕch adrung blơ̆ blĕch, kon hơlĕnh, kon adrĕch ưh kơ wă mơ̆ng nơ̆r Kră Yang bơtho khan.

Êsai 31:1

Răm-'băm dêh kơ lu đe năm jur tơ Êyiptơ wă chă apinh tơdrong dŏng tơgŭm, gơnang kơ lu aseh, lu gre aseh, yua kơ lu sư lơ; gơnang kơ lu linh hao gre aseh yua kơ lu sư pran, Mă-lei ưh pă lăng gơnang kơ Tơ'ngla 'Lơ̆ng Rơgoh đe Isơrael, păng ưh kơ chă Kră Yang dŏng Tơgŭm.

Êsai 32:2

Rim 'nu bơngai nhen thoi anih kơ'nơp kơ kial, thoi anih pĕng kơ hơbŭt, nhen glung đak ro lăm anih hrĕng kro, nhen thoi yơ̆p tơmo tih lăm teh đak kro krĕnh.

Êsai 4:5

Tơ jơ̆p anih kơpal kông Siôn, tơ kơpal anih kon pơlei akŭm, Kră Yang pơm hơmơ̆l hăm 'nhui gom kơ 'năr păng pla ŭnh pơchrang hơdah kơmăng. Tơpă, thoi đei minh blah che gom jơ̆p-jang kơ tơdrong ư-ang.

Êsai 5:18

Răm-'băm dêh kơ bơngai bu đui tơdrong yoch hăm tơlei hơlĕnh; păng dui ba tơdrong yoch thoi tơlei dui gre.

Êsai 63:10

Mă-lei lu sư oei ayăt plơ̆, păng pơm ăn kơ Yang Bơhngol 'Lơ̆ng Kră Yang sơ'ngon. Na Kră Yang jing ayăt hăm lu sư; Kră Yang kơdih tơblah hăm lu sư.

Êsai 65:2

Inh yơ̆r ti Inh prăt năr tơ gah minh adrĕch kon pơlei mă arăng kơ̆l. Lu bơngai mă năm lăm trong ưh kơ 'lơ̆ng, kiơ̆ kơ đon kơdih tơchĕng.

Êsai 8:11

Kră Yang yua ti pran kơtang Sư pơma hăm inh păng bơtho tơbăt khan kơ inh 'nĕ rok kiơ̆ trong lu kon pơlei 'nâu.

Êsai 8:12

Sư khan: “'Nĕ kơ pơma 'bơm wă blah, dôm lu tơdrong kon pơlei âu pơma 'bơm blah plơ̆. 'Nĕ kơ hli tơdrong lu sư hli păng 'nĕ kơ tơrơ ôh.

Êsai 8:19

Tơdah đei bu khan kơ iĕm Năm apinh jet bĕ lu pơjâu pơma hăm lu bơngai lôch, lu pơma bơlăm thoi sem păng pơma ưh kơ rơđah ôh khan bĕ kơ lu sư: Ưh kơ trŏ ôh hă kon pơlei năm apinh jet Kră Yang 'Bok Kei-Dei lu sư kơdih? Wă tơgŭm ăn kơ bơngai arih, liơ năm apinh jet bơngai lôch?

Je 17:5

Kră Yang khan: “Hiap bĕ lu bơngai mă gơnang tơduă kon bơngai, hơđơ̆ng gơnang kơ sĕch akar pơm jơhngơ̆m pran kơtang. Lăm jơhngơ̆m achăng tŭk Kră Yang.

Je 2:18

Dang ei liơ iĕm jur tơ dêh Êyiptơ nhă đak Krong Nil. Iĕm năm tơ dêh Asiri nhă đak Krong Ơphrat, đei yua kiơ?

Je 37:7

“'Nâu Kră Yang 'Bok Kei-Dei bơngai Isơrael, khan: Iĕm khan kơ pơtao Juđa, tơ'ngla mă wơh iĕm năm apinh Inh, khan: ‘Lu linh Pharaôn năm wă dŏng iĕm wih brŏk tơ char sư Êyiptơ boih.’

Je 4:17

Lu sư wang pơlei Jêrusalem kơjăp đơ̆ng puăn pah thoi đe wei mir chŭn; Yua kơ pơlei âu iung blah Inh,” Kră Yang khan.

Je 42:19

Kră Yang bơtho khan boih kơ lu iĕm, lu bơngai mă oei oei lăm dêh char Juđa: ‘'Nĕ kơ năm ôh tơ char Êyiptơ,’ lu iĕm băt boih năr 'nâu Inh đei roi tơbăt kơ lu iĕm,

Je 5:23

Mă-lei kon pơlei âu arăng kơ̆l păng đei jơhngơ̆m 'maih tơblah; lu sư tơklah trong pha, na weh kiơ̆ kơdih.

Êsêkiên 11:2

Kră Yang khan kơ inh: “Ơ kon bơngai, noh lu bơngai pơđâu pơm tơdrong yoch, chă đon pơm kơnê̆ păng pơđâu kơnê̆ kơ bơngai lăm pơlei 'nâu.

Êsêkiên 2:3

Sư khan: “Ơ kon bơngai Inh wơh ih năm tơ adrĕch adrung Isơrael, truh tơ kon pơlei mă ayăt kơ Inh; lu sư păng lu yă 'bok lu sư pơm yoch ayăt hăm Inh mă truh dang ei;

Êsêkiên 24:3

Pơma bĕ nơ̆r pơtih gia kơ lu adrĕch arăng kơ̆l noh; Kră Yang khan thoi âu: Hơtŏk bĕ gŏ păng tuh đak.

Êsêkiên 29:16

Char Êyiptơ ưh pă anih mă lu adrĕch Isơrael gơnang hơmĕng dơ̆ng mă-lei oei tơ'blŏk kơ lu sư tơdrong yoch kơnê̆ đêl lu sư pơm; păng lu sư gô băt Inh boih Kră Yang.

Êsêkiên 3:9

Inh gô pơm kơ kơ̆l ih arăng thoi jơmŏng, arăng hloh kơ tơmo. 'Nĕ hli kơ lu sư păng 'nĕ tơrơ, yua kơ 'bơ̆t anăp măt lu sư yua kơ lu sư jing adrĕch adrung ayăt kơ Inh.”

Hôsia 11:6

Đe gô pơrăm tơ rim pơlei lu sư hăm đao gưm, pơrăm lê̆ 'long chơkăl 'măng jang lu sư, pơlôch lu sư yua kơ tơdrong lu sư chă đon kơnê̆.

Hôsia 13:2

Dang ei, lu sư pơm yoch rai dêh; lu sư yua hu, tuh hling pơm lơ rup yang kơ lu sư kơdih, pơm lu rup yang kiơ̆ kơ đon hơgei lu sư; đĭ-đăng ti lu sư thơ̆ hơgei! Đe đei roi trŏ kơ 'bơm lu sư khan: Pơm yang kơ rup kon rơmo păng chŭm rup kon rơmo noh!

Hôsia 7:13

Răm-'băm dêh kơ lu sư yua kơ lu sư tơklah ataih đơ̆ng Inh; Inh gô pơrăm lu sư yua kơ lu sư pơm yoch boih hăm Inh. Mă khan Inh wă dêh ră pơklaih lu sư, mă-lei lu sư pơma hơlĕnh kơ Inh.

Sa 4:6

Sư tơl inh: “'Nâu jơ̆ nơ̆r Kră Yang khan kơ Sôrôbabel, thoi âu: ‘Noh ưh kơ sĭ đơ̆ng tơdrong gơh hơgei, kư̆m ưh kơ sĭ đơ̆ng tơdrong pran kơtang ôh, mă-lei đơ̆ng Yang Bơhngol 'Lơ̆ng Inh.’ Kră Yang Tih Hloh khan thoi noh.*

Jo 32:14

'Nâu lu iĕm iung tơplih kơ 'bă lu iĕm, adrĕch bơngai kơnê̆ yoch, wă kơ rai pơthim tơdrong Kră Yang hil mĭl kơ lu adrĕch Isơrael dơ̆ng.

Rom 2:5

Iĕm arăng kơ̆l tơpă na ưh kơ jah tơbral kơdih tơdrong yoch, thoi noh na rai đunh rai đei tơdrong yoch tih, na mưh truh năr 'Bok Kei-Dei sek tơlang ning-mônh Sư phak iĕm kư̆m tih thoi tơdrong yoch iĕm pơm noh mơ̆n.

Both 29:19

Bơngai bu kơtơ̆ng dôm nơ̆r pơkă pơkăm lăm tơdrong pơgơ̆p 'nâu, 'nĕ sơkat pŭn hiôk kơdih 'nâu, 'nĕ kơ đei lăm jơhngơ̆m tơchĕng khan: Inh gô oei arih sa kiơ̆ tơdrong inh kơdih kư̆m bưh, huay kơ đei kiơ. Pơm thoi noh pơrăm iĕm kư̆m thoi teh hơiuh hăm teh hrĕng kro.

Both 9:24

Đơ̆ng năr inh băt kơ lu iĕm truh dang ei inh 'bôh lu iĕm ling-lang pơma blah Kră Yang.

Both 9:7

Iĕm athei 'blŏk, 'nĕ kơ hiơt lu iĕm hlôi tơblĕk Kră Yang 'Bok Kei-Dei tơ lăm char glă, đơ̆ng năr iĕm lĕch hlôi kơ dêh Êyiptơ truh tơ năr 'nâu, iĕm ling-lang blah pơm plơ̆ kơ Kră Yang.

II Tim 3:13

Lu bơngai đon kơnê̆, lu bơngai chă pơngiĕl đe, lu sư rai đunh rai răm rai lơ tơdrong lu sư pơm kơnê̆. Sư pơma hơlĕnh kơ đe, đe hơlĕnh tơwih kơ sư, sư kư̆m lui mơ̆n.

Jôsuê 9:14

Lu bơngai Isơrael iŏk tơmam sa lu sư, mă-lei ưh kơ đei krao apinh Kră Yang.