Êsai 3:8 - Sơ̆p Hlabơar Nơ̆r 'Bok Kei-Dei

⁸ Pơlei Jêrusalem đĭ grê păng char Juđa đĭ hơlih; yua kơ nơ̆r pơma păng tơdrong jang lu sư blah Kră Yang, che bơle pơjăm 'bơ̆t anăp Kră Yang trŏ kơ ư-ang.

Êsai 3:8 ပူးပေါင်းရင်းမြစ်များ

II Ho 28:18

Kon pơlei Philistin kư̆m iung blah lu pơlei lăm tơring kông groi păng tơring tơ gah gơal lăm char Juđa. Kŭm blah iŏk pơlei Bêt Sêmes, Aijalôn, Gêđêrôt, Sôkô hăm lu pơlei jê̆ noh, Timna păng lu pơlei jê̆ sư, Gimsô păng lu pơlei kiơ̆ jê̆ sư, na lu bơngai Philistin oei hloi tơ noh.

II Ho 33:11

Na Kră Yang ăn kơ lu yŏng linh, pơtao Asiri năm wang rôp Manase, chô̆ sư hăm tơlei glang păng tôt muh sư, na chông ba tơ dêh char Babilôn.

Tơdrông Pơđơk 26:27

Bu sir sơlŭng sư gô huŏng tơ lăm noh, Bu tơgrŏl tơmo, tơmo gô grŏl kơtĭt plơ̆ sư.

Êsai 1:7

Dêh char lu iĕm jing juơ, lu pơlei tih iĕm ŭnh sa đĭ, lu bơngai tơmoi tơgar iŏk teh choh iĕm 'bơ̆t anăp lu iĕm, teh lu iĕm jing juơ rơhiăng thoi lĕ bơngai tơmoi pơrăm tơgar iŏk bơih.

Êsai 49:19

Tơpă, sơ̆ lu anih pơchah pơchek, jing bri juơ, dêh char lu iĕm pơchah răm bơih. Na dang ei kon pơlei oei gô jing hrăt-hrot tơpă. Lu bơngai ayăt lu iĕm gô oei ataih kơ iĕm.

Êsai 57:4

Lu iĕm hiĕk che bơle kơ bơngai bu? Lu iĕm ha 'bơ̆r să. Liĕl hơpiĕt iĕm pơpơm kơnê̆ pơjăm bu? Lu iĕm ưh kơ băt iĕm kon sâu bơngai kơnê̆ pơma hơlĕnh hă?

Êsai 59:3

Ti lu iĕm 'mê̆-'mach đơ̆ng pham bơngai iĕm pơlôch. Hơnglâu iĕm 'mê̆-'mach đơ̆ng tơdrong yoch kơnê̆. 'Bơ̆r lu iĕm đĭ pơma hơlĕnh. Hơpiĕt lu iĕm pơma jŏk tơdrong kơnê̆.

Êsai 6:11

Na inh jet: “Ơ Kră Yang dĭng truh tơ layơ?” Na Kră Yang tơl: “Gô dĭng lu pơlei noh jing juơ, ưh kơ đei kon pơlei oei lăm noh, hnam ưh kơ đei bơngai oei, teh mir đĭ răm jing bri đĭ;

Êsai 9:17

Yua kơ tơdrong kơnê̆ lu sư khơ̆ng thoi ŭnh sa 'nhĕt jơla hăm jơ'bôt jơla 'nhui sư kơdŭk hyôi tŏk kơjung.

Je 23:36

Mă-lei lu iĕm 'nĕ pă pơma 'bơm kơ tơdrong trăp đơ̆ng Kră Yang dơ̆ng, yua kơ tơdrong pŭ trăp noh boih nơ̆r đơ̆ng 'bơ̆r rim 'nu pơma, păng lu iĕm đei pơm glăi boih kơ dôm nơ̆r Kră Yang 'Bok Kei-Dei mă arih ling-lang, Kră Yang Tih Hloh, 'Bok Kei-Dei lu bơ̆n.

Je 26:18

Mika pơlei Môrêsêt, bơngai khan lê̆ adrol lăm chăl Hesekia, pơtao đe Juđa, kư̆m đei khan lê̆ adrol hăm lu bơngai Juđa: ‘Kră Yang Tih Hloh khan: Siôn đe gô choh rơuơ thoi chŭn, Jêrusalem gô pơchah răm jing juơ, păng kông đe man hnam akŭm jing bri kơdrơ̆ng.’

Je 26:6

na Inh gô pơm ăn kơ hnam akŭm âu thoi Inh đei pơm boih kơ pơlei Silô, na đĭ-đăng dêh char lăm teh gô hiap pơlei Inh âu.

Je 4:13

'Nâu, Sư truh thoi hơmơ̆l, gre aseh sư thoi kial hơbŭt, aseh sư kơdâu kuăng hloh kơ klang. Răm-'băm tơpă kơ lu bơ̆n, lôch răm đĭ!

Je 44:3

yua kơ đơ̆ng tơdrong yoch kon pơlei pơm wă tơblĕk Inh. Lu sư soh nhang păng kơkuh kơ lu rup yang nai, mă lu sư dah ih dah lu 'bok yă iĕm ưh tam băt ôh.

Nhom 1:9

Hơbĕn ao lu sư mơgrĭ; sư ưh pă đei tơchĕng boih năr tôch wă truh kơ sư! Tơdrong rơdu sư phara, ưh pă đei bu pơlung sư! Ơ Kră Yang apinh Ih lăng tơdrong pơmat-tat inh, yua kơ lu ayăt pôk pơang lu sư kơdih pơm tih.

Êsêkiên 8:12

Sư khan kơ inh: “Ơ kon bơngai, ih hăm 'bôh tơdrong kơnê̆ lu kră pơlei adrĕch Isơrael pơm lăm măng mu ưh, rim 'nu lu sư lăm anih rup yang sư kơdih? Lu sư đei khan: ‘Kră Yang ưh kơ 'bôh lu bơ̆n ôh; Kră Yang achăng lê̆ boih teh đak âu.’ ”

Êsêkiên 9:9

Kră Yang tơl inh: “Tơdrong yoch lăm adrĕch Isơrael păng Juđa tih dêh tơpă; teh 'bĕnh kơ pham pơlôch băl, lăm pơlei 'bĕnh kơ tơdrong kơnê̆ pơrăm băl. Lu sư khan: ‘Kră Yang achăng lê̆ boih teh âu, Kră Yang ưh kơ 'bôh.’

Hôsia 5:5

Tơdrong pơang lu bơngai Isơrael kơdranh blah lu sư; khŭl Isơrael, khŭl Êphraim gô pơ̆k huŏng yua kơ tơdrong yoch lu sư kơdih. Khŭl Juđa kư̆m gô pơ̆k huŏng hơdai hăm lu sư.

Hôsia 7:16

Lu sư wih brŏk mă-lei ưh kơ tơklă tơ Kră Yang Tih Hloh, lu sư kư̆m thoi hră đe prah rĕng tơ nai. Lu kră pơgơ̆r lu sư gô pơ̆k lôch kơ đao gưm, yua kơ hơpiĕt lu sư pơma hơlĕnh. Tơdrong noh pơm kơ đe hiĕk ăr che bơle kơ lu sư tơ lăm char Êyiptơ.

Mi 3:12

Thoi noh yua kơ lu iĕm, Siôn đe gô choh rơuơ thoi chŭn. Jêrusalem gô pơchah pơchek jing rơ̆m rĕk kông hnam yang jing thoi bri brah!

Mi 6:12

Yua kơ dôm lu bơngai mơdrŏng lăm pơlei âu tă ưh kơ tơpăt ngăl, kon pơlei pơla sư yua nơ̆r hơlĕnh pơdăr păng hơpiĕt lu sư đei tă kơ chă hơlĕnh pơhlŭ pơlung đe.

Habakuk 1:13

Măt Kră Yang 'lơ̆ng rơgoh ưh kơ wă lăng ôh tơdrong kơnê̆, kư̆m ưh kơ wă lăng dôm tơdrong ưh kơ trŏ. Liơ Ih lê̆ kơ lu bơngai hơlĕnh. Tơdah lu bơngai kơnê̆ luăn sa lu bơngai mă tơpăt hloh kơ lu sư, yua kơ kiơ Ih ĕnh thoi noh?

I Kor 10:22

Dah bơ̆n oei kiơ̆ đe sa et tơmam đe sơmah kơ yang kơnê̆, 'noh dang bơ̆n pơlong Kră Yang hăm 'mêm kơ bơ̆n păng tơgar iŏk bơ̆n đơ̆ng yang kơnê̆ dah ưh. Iĕm tơchĕng bơ̆n pran tih dang yơ na mă pơlong 'Bok Kei-Dei thoi noh?

Ju 1:15

wă sek tơlang đĭ-đăng bơngai păng phak dôm lu bơngai pơm kơnê̆, yua kơ dôm tơdrong kơnê̆ noh lu sư đêl pơm tơpă. Păng Sư wă phak lu bơngai yoch pơma kơnê̆ kơ Sư.”