Êsai 29:8 - Sơ̆p Hlabơar Nơ̆r 'Bok Kei-Dei

⁸ Nhen thoi bơngai pơngot tep apo 'bôh sŏng sa, 'brĕng hơđơ̆r mă oei pơngot đĕch, nhen bơngai rơhing kơ đak tep apo nhă đak, 'brĕng iung mơn oei kro hơlŏng păng oei rơhing đĕch, đĭ-đăng adrĕch adrung kon bơngai rim kơ teh đak blah kông Siôn kư̆m thoi noh.

Êsai 29:8 ပူးပေါင်းရင်းမြစ်များ

II Ho 32:21

Kră Yang ăn minh 'nu linh jang 'lơ̆ng năm pơlôch pơrăm lê̆ lu linh pran kơtang lu yŏng pơgơ̆r lu linh lăm kơđông pơtao Asiri. Pơm kơ pơtao kơdŭn wih brŏk tơ char sư kơdih, mơlâu pă băt. Kơplah sư mơ̆t tơ hnam yang sư, đei mơ'nah lăm lu kon drŏ-nglo sư iŏk đao pơlôch hloi sư tơ lăm noh.

Horiso 129:5

Ăn kơ lu bơngai areh kơ Siôn mơlâu păng kơdŭn tơ rŏng.

Horiso 73:20

Ơ Kră Yang nhen thoi apo wă hơđơ̆r 'biao, wă Ih iung Ih hiơt kơ lu sư thoi noh mơ̆n

Êsai 41:11

'Nâu lu bơngai mă hil kơ iĕm, lu sư gô mơlâu păng hlơ̆l. Lu bơngai iung blah iĕm lu sư gô răm păng lôch hiong.

Êsai 41:12

Lu iĕm gô chă lu bơngai pơm kơnê̆ kơ iĕm, mă-lei ưh kơ 'bôh. Lu bơngai tơblah plơ̆ hăm iĕm gô lôch răm đĭ thoi ưh kơ đei.

Êsai 44:12

Bơngai hơjơ̆m iŏk bơsei 'buh lăm ngar ŭnh, iŏk mut teh hơjơ̆m pơm sư, yua ti pran kơtang sư hơjơ̆m tơtang pơm rup, sư gô pơngot păng jơhngơ̆m ưh kơ đei, sư ưh kơ nhă đak pă kĕ dang wă lôch.

Êsai 54:17

Mă dôm tơmam tơblah sư pơm wă pơrăm Ih gô ưh kơ kĕ păng dôm nơ̆r lu bơngai pơma jâu ih gô glăi đĭ. Noh bơih tơdrong Inh ăn kơ lu đĭch đam Kră Yang, păng tơdrong lăng pơsĭt đơ̆ng Inh ăn, Kră Yang khan thoi noh.

Na 1:15

To, tơ kơpal kông đei đêl jơ̆ng lu bơngai năm ba tơdrong 'nao 'lơ̆ng păng roi tơdrong hiôk-hian. Ơ Juđa, ih athei bơwei bĕ năr kơ̆m giĕng ih păng pơsĭt bĕ tơdrong ih đêl pơkă; yua kơ lu bơngai kơnê̆ ưh pă pơm kơnê̆ ayăt kơ iĕm dơ̆ng boih lu sư lôch đĭ-đăng boih.

Na 2:1

Lu bơngai wă blah pơrăm ih truh boih; bơwei bĕ lu kơđông, gak găn lăng lu trong tih, tơ̆n gơhret kơiĕng ih păng pơpôi dôm linh pran kơtang ih.