Êsai 29:7 - Sơ̆p Hlabơar Nơ̆r 'Bok Kei-Dei

⁷ Đĭ-đăng teh đak lơlap lơlang bơngai năm blah pơlei Ariêl, đĭ-đăng năm wang blah pơlei kơjăp sư pơm kơ sư ơh sơ'ngon nhen apo, nhen tơdrong tơ'bôh kơplah kơmăng.

Êsai 29:7 ပူးပေါင်းရင်းမြစ်များ

Jop 20:8

Sư gô păr hiong biŏng thoi apo 'bôh kơmăng, pă đei bu 'bôh sư dơ̆ng,

Horiso 73:20

Ơ Kră Yang nhen thoi apo wă hơđơ̆r 'biao, wă Ih iung Ih hiơt kơ lu sư thoi noh mơ̆n

Êsai 17:14

Kiơ̆ kơsơ̆ đei tơdrong hli tơrơ; adrol kơ pơgê hrôih truh ưh pă 'bôh lu sư dơ̆ng, 'nâu minh tơdrong tuh ăn kơ lu bơngai blah tơgar iŏk mŭk tơmam dêh char bơ̆n, noh jơ̆ tơdrong truh kơ lu bơngai tơtông tơgar tơmam đơ̆ng lu bơ̆n.

Êsai 37:36

Kơplah noh, linh jang 'lơ̆ng đơ̆ng Kră Yang năm mơ̆t tơ lăm kơđông lu linh Asiri păng pơlôch minh-hrĕng tơhngam-jĭt pơđăm-rơbâu 'nu, pơgê hrôih năr đơ̆ng rŏng đe hơđơ̆r iung 'bôh bơngai lôch hnơ̆k hnăk.

Êsai 40:17

Đĭ-đăng dêh char 'bơ̆t anăp Kră Yang dang lĕ hoh-hoy, Sư lăng lu noh dang lĕ tam mă đei, păng ưh kơ đei kiơ.

Na 1:15

To, tơ kơpal kông đei đêl jơ̆ng lu bơngai năm ba tơdrong 'nao 'lơ̆ng păng roi tơdrong hiôk-hian. Ơ Juđa, ih athei bơwei bĕ năr kơ̆m giĕng ih păng pơsĭt bĕ tơdrong ih đêl pơkă; yua kơ lu bơngai kơnê̆ ưh pă pơm kơnê̆ ayăt kơ iĕm dơ̆ng boih lu sư lôch đĭ-đăng boih.

Na 2:1

Lu bơngai wă blah pơrăm ih truh boih; bơwei bĕ lu kơđông, gak găn lăng lu trong tih, tơ̆n gơhret kơiĕng ih păng pơpôi dôm linh pran kơtang ih.

Sa 12:9

“Lăm năr noh Inh gô chă pơrăm đĭ-đăng pơlei, dêh char ayơ mă blah Jêrusalem.”