Êsai 29:23 - Sơ̆p Hlabơar Nơ̆r 'Bok Kei-Dei

²³ Mưh lu sư 'bôh lu kon hơ'lơ̆p sư, jơ̆ tơdrong jang đơ̆ng ti Inh pơm kơ lu sư, lu sư gô pôk pơyom kơ anăn Inh 'lơ̆ng rơgoh băt pơyom kơ Tơ'ngla 'lơ̆ng tơpăt Jakôp, păng gô hli yom kơ Kră Yang 'Bok Kei-Dei đe Isơrael.

Êsai 29:23 ပူးပေါင်းရင်းမြစ်များ

Êsai 19:25

Pêng tŏ teh đak Kră Yang Tih Hloh sơkat ăn pŭn hiôk kơ lu sư, khan: “Pŭn hiôk kơ Êyiptơ kon pơlei Inh, Asiri tơdrong jang đơ̆ng ti Inh, Isơrael jơ̆ mŭk tơmam Inh.”

Êsai 26:12

Ơ Kră Yang Ih gô pơjing tơdrong hiôk-hian ăn kơ lu nhôn. Dôm tơdrong lu nhôn pơm noh jơ̆ Ih pơm ăn kơ nhôn bơih!

Êsai 28:21

Kră Yang gô iung pơm thoi Sư pơm tơ kông Parêsim, Sư gô hil thoi tơ thŭng Gibeôn, wă pơm tơdrong jang Sư, jơ̆ tơdrong jang hơnat păng pơm tơdrong hlĭch chrơp.

Êsai 43:21

Inh pơjing bơih lu kon pơlei âu, ăn kơ Inh, lu sư gô ră roi bơnê kơ inh.

Êsai 43:7

Lu bơngai mă Inh krao hăm anăn Inh, Inh bơih pơjing lu sư, wă ư-ang kơ Inh, tơpă Inh bơih pơjing lu sư.

Êsai 45:11

Kră Yang Tơ'ngla 'lơ̆ng rơgoh đe Isơrael Tơ'ngla Pơjing khan thoi âu: “Yua kơ lu iĕm jet Inh, gah tơdrong gô truh kơ kon pơlei Inh, gah tơdrong jang đơ̆ng ti Inh.

Êsai 5:16

Mă-lei Kră Yang Tih Hloh, gô pôk hơtŏk tơ kơpal hloh hăm tơdrong sek tơlang tơpăt hơnơ̆ng, păng Kră Yang 'Bok Kei-Dei 'lơ̆ng Rơgoh gô pơdah Sư 'lơ̆ng rơgoh lăm tơdrong 'lơ̆ng tơpăt.

Êsai 60:21

Na đĭ-đăng kon pơlei ih gô jing 'lơ̆ng tơpăt; lu sư gô đei dêh char 'nâu ling-lang; Lu sư bơih bluh tơmơ̆ng đơ̆ng Inh pơtăm, đơ̆ng ti Inh pơm wă kơ Inh đei ư-ang.

Êsai 8:13

Pôk pơư pơang bĕ Kră Yang Tih Hloh 'lơ̆ng rơgoh, Kră Yang mă lu iĕm athei hli Sư bơih Kră Yang trŏ kơ iĕm hli yom.

Êsêkiên 38:16

Ơ Gôk Ih gô blah kon pơlei Isơrael Inh thoi hơmơ̆l gom teh. Lăm năr hơtuch noh Inh gô ăn kơ ih blah char Inh, wă kơ adrĕch kon bơngai băt kơ Inh, kơplah Inh pơdah tơdrong 'lơ̆ng rơgoh Inh đơ̆ng tơdrong truh tơ ih 'bơ̆t anăp lu sư.

Hôsia 3:5

Đơ̆ng rŏng kơ noh lu bơngai Isơrael gô wih chơchă Kră Yang 'Bok Kei-Dei lu sư păng Đawit pơm pơtao lu sư. Lu sư gô wih brŏk păng hli tơrơ yom kơ Kră Yang păng tơdrong 'lơ̆ng hiôk-hian lăm năr hơtuch kơnh.

Lêwi 10:3

Thoi noh Môis khan kơ Arôn tơdrong âu: Kră Yang đei khan boih, Inh gô pơdah jơhngơ̆m rơgoh Inh kơ lu đe bu mă oei jê̆ Inh păng Inh đei tơdrong đe pơyom 'bơ̆t anăp đĭ-đăng kon pơlei. Arôn ngăn hreh.

Mathiơ 6:9

Iĕm athei krao khan thoi âu: ‘Ơ 'Bă lu nhôn mă oei tơ plĕnh ti, ăn anăn Ih jing ư-ang.

Êphêsô 2:10

Tơdrong 'Bok Kei-Dei ăn kơ bơ̆n jing bơngai 'nao, yua kơ bơ̆n pôm đon hăm Yêsu Krist. Tơdrong bơ̆n jing bơngai 'nao noh Sư wă kơ bơ̆n pơm tôm tơdrong 'lơ̆ng tơpăt ngăl, na blŭng-a sơ̆ 'Bok Kei-Dei wă kơ bơ̆n pơm 'lơ̆ng ling-lang thoi noh.

Tơdrông Tơ'bôh 15:4

Ơ Kră Yang, đĭ-đăng bơngai băt hli kơ Ih, păng ư-ang anăn Ih, yua kơ pôm Ih đĕch pơm 'lơ̆ng tơpăt. Đĭ rim khŭl bơngai băt năm kơkuh 'bơ̆t anăp Ih, yua kơ Ih sek tơlang tơpăt ngăl.”

Tơdrông Tơ'bôh 19:5

Đơ̆ng noh inh kơtơ̆ng 'bơ̆r pơma lĕch đơ̆ng tang-dŏ 'Bok Kei-Dei khan: “Ơ lu đĭch đam 'Bok Kei-Dei, lu bơngai lui yom kơ Sư, lu bơngai pơm tih pơm iĕ, bĕ bơ̆n kơkuh ư-ang kơ 'Bok Kei-Dei Kră Yang bơ̆n.”