Êsai 29:22 - Sơ̆p Hlabơar Nơ̆r 'Bok Kei-Dei

²² Na Kră Yang, tơ'ngla huai iŏk Abraham đei pơma kơ adrĕch adrung Jakôp thoi âu: “Muh măt lu sư huay pă găm goi păng huay pă mơlâu dơ̆ng,

Êsai 29:22 ပူးပေါင်းရင်းမြစ်များ

Bl 48:16

Linh jang đei dŏng pơklaih inh đơ̆ng tơdrong pơmat-tat, apinh Ih tuh ăn tơdrong pŭn hiôk kơ bre hơ'lơ̆p âu; wă pơtrơp ioi adrĕch inh păng 'bok yă inh Abraham hăm Isăk păng ăn kơ lu sư hrôh rai lơ jơ̆p-jang kơ teh đak!

Êsai 41:14

Ơ adrĕch Jakôp thoi hơdrông, ơ lu kon pơlei Isơrael, 'nĕ kơ hli kơ kiơ, Inh gô tơgŭm iĕm, Kră Yang pơma thoi noh, Tơ'ngla 'Lơ̆ng tơpăt đe Isơrael păng Tơ'ngla huai iŏk lu iĕm.

Êsai 45:17

Mă-lei bơngai Isơrael, Kră Yang gô dŏng pơklaih. Hăm tơdrong dŏng pơklaih ling-lang ưh kơ đei layơ tôch. Lu iĕm huay pă mơlâu dah rŭng răng dơ̆ng bơih truh tơ đĭ chăl khŏm khŏm.

Êsai 45:25

Lăm Kră Yang đĭ-đăng kon sâu Isơrael gô đei 'lơ̆ng tơpăt păng bơnê ư-ang kơ Kră Yang.

Êsai 50:7

Kră Yang Tih Hloh tơgŭm inh, inh ưh kơ mơlâu ôh. Na inh pơm kơ măt inh lăng tơ anăp, inh băt kơ inh gô ưh kơ đei tơdrong kiơ mơlâu.

Êsai 51:11

Kon pơlei mă Kră Yang huai iŏk bơih gô brŏk, Năm mơ̆t tơ Siôn hăm tơdrong hơri chơt hiôk. Tơdrong hơri chơt hiôk ling-lang gô oei lăm kơ̆l lu sư. Lu sư gô đei tơdrong chơt hiôk, 'nă hal, tơdrong ơh sơ'ngon chhŭr nuih gô hiong đĭ.

Êsai 51:2

Athei tơchĕng bĕ kơ Abraham 'bă iĕm, hăm Sara, bơngai pơjing lu iĕm; kơplah Inh krao sư, sư lăp minh 'nu; Inh tuh ăn tơdrong pŭn hiôk kơ sư na jing đei bơngai lơlap lơlang.

Êsai 54:4

'Nĕ kơ hli; yua kơ iĕm gô ưh kơ đei mơlâu ôh. 'Nĕ kơ bơngơ̆t; yua kơ đe ưh pă pơm kơ iĕm mơlâu dơ̆ng bơih. Ih gô hiơt tơdrong mơlâu kơplah iĕm oei mơlôh sơ̆, păng ưh pă 'blŏk dơ̆ng tơdrong mơlâu kơplah iĕm adro.

Êsai 63:16

Mă-lei Ih bơih 'Bă lu nhôn mă khan Abraham ưh kơ băt kơ lu nhôn Isơrael kư̆m ưh kơ jô̆ lu nhôn; Ơ Kră Yang Ih jơ̆ 'Bă lu nhôn. Anăn Ih jơ̆ Tơ'ngla dŏng pơklaih lu nhôn ling-lang đơ̆ng sơ̆.

Je 30:10

Kră Yang khan: “Ơ Jakôp, ih boih đĭch đam Inh, 'nĕ kơ hli. Ơ Isơrael, 'nĕ pă tơrơ! Inh gô dŏng pơklaih iĕm đơ̆ng dêh ataih, đơ̆ng teh đak iĕm pơm bơnă. Jakôp gô brŏk hiôk-hian, rơnŭk rơnua jang sa, ưh kơ đei hli tơrơ kơ bu dơ̆ng.”

Êsêkiên 37:24

Đĭch đam Inh Đawit pơtao lu sư. Lu sư gô đei minh 'nu bơngai wei; lu sư gô năm kiơ̆ nơ̆r Inh tơtă; lu sư gô wei răk păng pơm kiơ̆ khôi juăt Inh.

Êsêkiên 37:28

Mưh Inh 'măn anih rơgoh Inh oei tơ lăm lu sư ling-lang hlŏng hloi, lu dêh char gô băt kơ Inh boih Kră Yang, Inh boih tơplih kon pơlei Isơrael jing rơgoh.’

Êsêkiên 39:25

Na, Kră Yang khan thoi âu: Âu Inh gô ăn kơ lu adrĕch Jakôp wih brŏk; hiôk-hian păng 'mêm mơnat kơ đĭ-đăng lu adrĕch Isơrael, păng gô gar anăn 'lơ̆ng rơgoh Inh.

Jôel 2:27

Kơplah noh lu iĕm gô băt kơ Inh oei hơdai hăm lu iĕm bơngai Isơrael, băt kơ Inh jing Kră Yang 'Bok Kei-Dei lu iĕm, ưh kơ đei bu nai; Đơ̆ng âu tơ anăp kon pơlei Inh đe huay pă pơ'brơh dơ̆ng.

Luka 1:68

“Bĕ bơ̆n ư-ang kơ 'Bok Kei-Dei, Kră Yang wei-lăng bơngai Isơrael bơ̆n, yua kơ Sư tơgŭm bơ̆n tơpă na Sư huai iŏk bơ̆n.

Tơdrông Tơ'bôh 5:9

Na lu đe ei hơri minh tơdrong 'nao thoi âu: “Pôm Ih đĕch trŏ kơ hek lăng hla bơar đe pơklep noh yua kơ Ih lôch tang kon bơngai, păng pham Ih lĕch sĕch Ih huŏng huai iŏk kon bơngai brŏk tơ 'Bok Kei-Dei đơ̆ng rim dêh char, rim adrĕch adrung, rim khŭl bơngai, rim kơ nơ̆r pơma.