Êsai 29:20 - Sơ̆p Hlabơar Nơ̆r 'Bok Kei-Dei

²⁰ Lu bơngai pơm kơnê̆ gô lôch đĭ, lu bơngai che bơle pơjăm đe gô lôch hiong đĭ, lu bơngai răp pơm tơdrong kơnê̆ gô kăl tơpăk đĭ.

Êsai 29:20 ပူးပေါင်းရင်းမြစ်များ

Horiso 10:18

Wă pơm tơdrong tơpăt kơ lu mơti kơ 'bă păng lu bơngai mă đe pơjuă pơđep. Wă kơ lu kon bơngai mă lĕch đơ̆ng 'mui teh, ưh pă pơm tơhli băl dơ̆ng.

Tơdrông Pơđơk 21:24

Blei hiap, noh anăn lu bơngai pơang pơrŏ; Sư pơm kư̆ kă chă pôk pơang dêh.

Êsai 13:11

Inh gô phak teh đak âu yua kơ tơdrong kơnê̆ lu sư, phak lu bơngai pơm kơnê̆ yua kơ tơdrong yoch lu sư, Inh gô pơtôch lê̆ lu bơngai pơang, tơjur lê̆ tơ ala tơdrong pơang kơdih akâu lu bơngai pơm chư̆ kơnê̆.

Êsai 13:3

Inh tơtă ăn bơih kơ lu bơngai mă 'lơ̆ng rơgoh Inh; Inh krao bơih lu bơngai nuih kơtang Inh wă pơm pơtruh tơdrong Inh hil mĭl, lu Sư chhôk hal pơm tơdrong Inh wă.

Êsai 29:5

Mă-lei lu đe ayăt kơ ih lơlap nhen 'bruih 'mui teh rơpŭk, lu đe pơm kơnê̆ dêh gô nhen hơkam 'ba kial bơbơ̆t, tơdrong noh gô truh ngei ngei ưh kơ tam băt ôh.

Êsai 49:25

Mă-lei Kră Yang khan thoi âu: “Tơpă, lu bơngai bơnă gô tơgar iŏk đơ̆ng lu bơngai pran kơtang. Păng gô pơdrâu iŏk tơmam đơ̆ng bơngai nuih, Inh gô tơblah hăm lu bơngai blah lu iĕm, păng Inh bơih gô pơklaih kon hơ'lơ̆p iĕm.

Êsai 51:13

Iĕm hiơt bơih kơ Kră Yang Tơ'ngla pơjing lu iĕm, Sư bơih bơyar lu tăl plĕnh. Pơjing hơnă teh. Mă-lei rim năr iĕm hrăn hli tơtey ling-lang. Kơ lu bơngai pơjuă pơđep kơplah sư hil wă pơlôch iĕm? Mă-lei dang ei tơdrong lu bơngai hil blĕk pơjuă noh tơ yơ?

Êsai 59:4

Chă tơkêng băl ưh kơ kiơ̆ tơdrong tơpăt. Pơjah băl kư̆m ưh kơ đei kiơ̆ tơdrong tơpăt hơnơ̆ng Đĭ-đăng tă kơ gơnang kơ tơdrong hiong răm, pơma hơlĕnh pơdăr, lu sư tơchĕng kơ tơdrong kơnê̆ păng pơm tơdrong răm.

Da 7:7

Đơ̆ng rŏng inh lăng dơ̆ng mă tơdrong tơ'bôh kơ inh tơ kơmăng noh, 'nâu đei sem brem mă puăn, krưp dêh, kơtang tơpă păng đei jơhngơ̆m pran dêh tơpă. Sem brem noh đei grĕng bơsei tih tih; sư kơkă hĕch đĭ, luăn sa păng sư pơjuă lê̆ đĭ lu tơmam sa hăm jơ̆ng, sư pha kơ lu kon sem brem truh adrol noh păng đei mơjĭt tŏ hơke.

Mi 2:1

Răm-'băm tơpă kơ bơngai bu chă đon kơnê̆ 'maih pơm tơdrong yoch tơ kơpal giơng sư kơdih, truh pơgê hrôih lu sư pơm tơdrong lu sư tơchĕng lê̆ boih. Yua kơ lu sư gơh pơm tơdrong thoi noh!

Mi 2:3

Thoi noh na, Kră Yang khan thoi âu: “'Nâu Inh gô pơm tơwih kơ lu adrĕch adrung âu. Minh tơdrong truh pơmat-tat mă lu iĕm kư̆m ưh kơ gơh klaih ôh, lu iĕm ưh pă gơh yak ngơk kơ̆l chhôk hal, yua kơ 'noh jơ̆ năr pơmat-tat.

Luka 16:14

Lu bơngai Pharisi kư̆m kơtơ̆ng dôm tơdrong Yêsu bơtho noh mơ̆n, na lu sư pơm hiĕk kơ Yêsu yua kơ lu sư 'mêm kơ mŭk tơmam tơ ala teh âu.

Luka 23:11

Na Hêrôt păng lu linh sư che bơle pơ'brơh kơ Yêsu. Lu sư pơhrŭk ăn kơ Yêsu ao tai rŏ tơpă pơm thoi pơtao na tơwih Sư tơ Pilat dơ̆ng.

Luka 23:35

Lu kon pơlei pơla dơ̆ng 'bơ̆t ei wă lăng đe pơlôch Yêsu. Lu đe 'bok tih Juđê che bơle kơ Yêsu khan thoi âu: “Sư gơh pơklaih đe sơ̆, na dang ei dah Sư 'Bok Krist tơpă mă 'Bok Kei-Dei rơih wă pơm Pơtao bơ̆n lei lê̆ Sư pơklaih akâu Sư kơdih lăng.”

Luka 6:7

Na lu thây bơtho tơdrong juăt đe Juđê păng lu bơngai Pharisi răp lăng Yêsu hăm ming pơklaih sư dah ưh kơplah lăm năr pơdơh Sa'bat. Dah sư pơklaih bơngai ti kue noh lei lu sư wă jô̆ kơ Yêsu bơngai yoch yua kơ lu sư khan lăm năr pơdơh Sa'bat ưh kơ gơh jang păng ưh kơ gơh pơklaih bơngai jĭ jăn ôh.

Tơdrông Tơ'bôh 12:10

Klaih kơ noh na inh kơtơ̆ng 'bơ̆r pơma re tơ plĕnh ti khan: “Dang ei Kră Yang bơ̆n 'Bok Kei-Dei blah dŏng kon bơngai boih, Sư yua tơdrong mơsêh mơyang Sư blah iŏk kon bơngai đơ̆ng yang Satan pơgơ̆r, na Sư wă pơgơ̆r kơdih. Na Sư kư̆m ăn kơ 'Bok Krist pơgơ̆r mơ̆n, yua kơ yang Satan thuơ huŏng tơ teh boih. Sư boih nŏng kơ pơma 'bơ̆t anăp 'Bok Kei-Dei jô̆ kơ lu buăl bơ̆n khan bơngai yoch bơngai kơnê̆ wă kơ 'Bok Kei-Dei tŭk lu buăl bơ̆n.