Êsai 29:2 - Sơ̆p Hlabơar Nơ̆r 'Bok Kei-Dei

² Inh gô pơm ăn kơ pơlei Ariêl pơmat-tat; gô đei nhơ̆m hmoi ơh sơ'ngon, hăm Inh pơlei Ariêl gô nhen thoi chơnang soi pơyơ̆r.

Êsai 29:2 ပူးပေါင်းရင်းမြစ်များ

Êsai 1:14

Inh areh dêh kơ lu 'năr khei 'nao, păng dôm tơdrong lu iĕm pơm giĕng, pơm trăp trĭn dêh kơ Inh. Inh pŭ iŏk gleh lap dêh.

Êsai 10:32

Năr 'nâu bơih lu sư dơ̆ng 'bơ̆t pơlei Nôp, Sư hiŏng ti Sư blah hăm lu kon pơlei Siôn, tơ kông groi pơlei Jêrusalem.

Êsai 17:14

Kiơ̆ kơsơ̆ đei tơdrong hli tơrơ; adrol kơ pơgê hrôih truh ưh pă 'bôh lu sư dơ̆ng, 'nâu minh tơdrong tuh ăn kơ lu bơngai blah tơgar iŏk mŭk tơmam dêh char bơ̆n, noh jơ̆ tơdrong truh kơ lu bơngai tơtông tơgar tơmam đơ̆ng lu bơ̆n.

Êsai 3:26

Lu 'măng jang pơlei gô nhơ̆m hmoi, ơh sơ'ngon; thoi bơngai hơ-oei kơpal teh răm rai.

Êsai 34:6

Đao gưm Kră Yang 'bĕnh kơ pham păng rơmă, thoi pham triu păng bơbe. Hăm rơmă đơ̆ng boh-lăn triu tơno. Yua kơ Kră Yang đei tơdrong soi sơmah tơ pơlei Bôsra, tơdrong pơlôch tih dêh tơ dêh char Eđôm.

Êsai 36:22

Êliakim kon drŏ-nglo Hilkia, 'bok wei-lăng hnam pơtao, hăm Sepna bơngai chih hla bơar, Jôa kon drŏ-nglo Asap bơngai răp chih tơdrong đei truh, hek ao lu sư kơdih, wơ̆t brŏk roi kơ pơtao Hesekia dôm nơ̆r đêl Rapsaka pơma.

Êsai 37:3

Lu sư roi kơ Êsai khan: “Pơtao Hesekia pơma thoi âu: Năr âu jơ̆ năr sơ'ngon truh, 'năr đei chrih păng 'năr mơlâu, thoi drŏ-kăn anăp truh bơih năr tơpŭ kơ kon nge mă-lei ưh kơ kĕ đei jơhngơ̆m wă tơpŭ.

Nhom 2:5

Kră Yang jing thoi bơngai ayăt, pơrăm boih Isơrael. Pơrăm đĭ hnam pơtao, pơrăm đĭ kơđông pơm ăn kơ kon adruh Juđa ơh sơ'ngon nhơ̆m hmoi.

Êsêkiên 22:31

Na Inh tuh tơdrong hil mĭl tơ lu sư păng iŏk ŭnh Inh hil soh pơrăm lu sư; Inh gô pơm tơwih tuh tơ kơ̆l lu sư, kiơ̆ kơ trong lu sư pơm. Kră Yang khan thoi noh.

Êsêkiên 39:17

Gah ih, ơ kon bơngai, Kră Yang khan: Khan bĕ kơ lu sem păr păng lu sem bri akŭm đơ̆ng puăn pah, athei năm akŭm đĭ tơ minh anih pơm phĕt mă inh đei hơmet boih kơ lu iĕm, noh anih pơm yang tih tơ kơpal kông groi Isơrael; lu iĕm gô sa 'nhĕm păng huch pham.