Êsai 29:17 - Sơ̆p Hlabơar Nơ̆r 'Bok Kei-Dei

¹⁷ Hăm trŏ Pă 'biơ̆ kơ âu Liban gô jing chŭn mir teh mơ̆r 'lơ̆ng, păng chŭn teh mơ̆r 'lơ̆ng noh gô jing thoi bri brah?

Êsai 29:17 ပူးပေါင်းရင်းမြစ်များ

Horiso 107:33

Sư tơplih đak Krong jing char 'blach. Tu đak glung jing teh hrĕng kro.

Horiso 107:35

Sư pơm kơ char 'blach jing đak dơnâu. Teh hrĕng kro jing đak glung;

Horiso 84:6

Kơplah năm rok thŭng thong tơdrong nhơ̆m hmoi lu sư pơm kơ thong ei jing đei tu đak lĕch ro; 'Mi hrôih kư̆m pơm kơ anih noh đei đak dơnâu 'bĕnh lơ̆p pŭn hiôk.

Êsai 32:15

Dĭng truh kơ Yang bơhngol đơ̆ng kơpal plĕnh jur tơ lu bơ̆n, char glă gô jing chŭn mir teh mơ̆r 'lơ̆ng, chŭn mir teh mơ̆r 'lơ̆ng noh chăt jing dang lĕ kơ bri brah.

Êsai 41:19

Inh gô pơtăm tơ anih bri char glă, lu hơngo, 'long keo, 'long pơgang păng 'long ôliwơ. Inh gô pơtăm 'long hơngo hla iĕ, hơngo hmă, 'long krăk hơdai tơ lăm char glă.

Êsai 5:6

Inh gô lê̆ sư Jing bri, ưh kơ đei hơleh dơng seh hơmet sư; na 'nhĕt jơla gô chăt krênh tơm sư. Inh gô khan kơ hơmơ̆l 'nĕ pă 'mi jruh tơ pơgar noh.

Êsai 55:13

'Long hơngo gô chăt iung tơplih ăn kơ 'long jơla păng 'long gơsing gô tih kơjung tơplih ăn kơ 'long jơ'bôt jơla; noh tơdrong wă ăn kơ bơ̆n 'blŏk hơdơ̆r kơ anăn Kră Yang, minh tơdrong tơdra tơbăt ling-lang ưh kơ đei layơ tôch ôh.”

Êsai 63:18

Kon pơlei 'lơ̆ng rơgoh Kră Yang 'nao đei anih 'nâu ưh tăm mă đunh; mă-lei bơngai ayăt kơ nhôn pơjuă lê̆ bơih anih 'lơ̆ng rơgoh Ih.

Hôsia 3:4

Bơngai Isơrael kư̆m oei lơ năr thoi noh, ưh kơ đei pơtao, ưh kơ đei yŏng pơgơ̆r, ưh kơ đei soi pơyơ̆r, ưh pă đei chơnang soi, ưh pă đei Ephot dah Thêraphin.

Mi 3:12

Thoi noh yua kơ lu iĕm, Siôn đe gô choh rơuơ thoi chŭn. Jêrusalem gô pơchah pơchek jing rơ̆m rĕk kông hnam yang jing thoi bri brah!

Habakuk 2:3

Yua kơ tơdrong tơ'bôh gô 'blep trŏ lăm năr đêl pơkă, gô keh thoi noh, ưh kơ đei pơngiĕl ôh; tơdah sư hiơ̆ 'biơ̆, ih kư̆ gô; yua kơ gô truh tơpă, ưh kơ hiơ̆ ôh.

Hagai 2:6

Yua kơ Kră Yang Tih Hloh khan thoi âu: ‘Oei pơma minh wơ̆t, ưh pă đunh dơ̆ng, Inh gô pơm kơ plĕnh păng teh tơdrŏ; đak dơsĭ păng teh gô hrĕng kro.

Mathiơ 19:30

Kư̆m đei lơ bơngai pơm tih dang ei, ning-mônh sư gô jing iĕ. Kư̆m lơ bơngai jang tơdrong iĕ dang ei, ning-mônh gô jang tơdrong tih.

Mathiơ 21:43

Tơdrong noh gô trŏ kơ lu iĕm na Inh khan kơ iĕm: Iĕm pơm kuă kơ Inh thoi noh, na 'Bok Kei-Dei ưh kơ wă pơm pơtao iĕm ôh. Sư pơm pơtao lu bơngai nai đĕch, lu bơngai nai gô pơm kiơ̆ kơ Sư.

Hêbrơ 10:37

Yua kơ 'Bok Kei-Dei khan boih kiơ̆ kơ đe chih lăm sơ̆p hla bơar Sư khan sơ̆ thoi âu: “Ưh pă đunh boih tơ'ngla mă wă jur, Sư gô jur tơpă.