Êsai 29:14 - Sơ̆p Hlabơar Nơ̆r 'Bok Kei-Dei

¹⁴ Thoi noh Inh gô pơm tơdrong hlĭch chrơp kơ kon pơlei âu, đơ̆ng tơdrong hlĭch âu truh tơdrong hlĭch nai. Tơdrong hlôh băt lu bơngai hlôh băt ưh pă yua kiơ, tơdrong hơgei lu bơngai hơgei gô hiong tôch.

Êsai 29:14 ပူးပေါင်းရင်းမြစ်များ

Jop 12:17

Sư rôp anhăk phak lu bơngai pơthơr pơm tơdrong kơnê̆. Pơm ăn kơ lu 'bok sek tơlang jing kơtul kơwao.

Jop 5:13

Sư rôp lu bơngai hơgei 'bơ̆r đon huŏng lăm tơdrong kơnê̆ lu sư wă pơm. Sư kư̆m pơtôch lê̆ 'bônh đĕch tơdrong lu bơngai kơnê̆ wă pơm.

Êsai 10:12

Mă-lei mưh Kră Yang pơkeh tơdrong jang Sư kơ kông Siôn păng pơlei Jêrusalem, Sư gô phak pơtao Asiri, yua kơ jơhngơ̆m sư pơang păng măt sư lăng pơrŏ.

Êsai 19:3

Lu đe Êyiptơ gô rơdu, inh gô pơrăm lê̆ tơdrong tơdă lu sư hơmet wă pơm, lu sư gô krao chă lu rup yang, lu pơjâu, lu pơjâu pơma dơnuh hăm bơhngol bơngai lôch, lu pơjâu tơwir.

Êsai 28:21

Kră Yang gô iung pơm thoi Sư pơm tơ kông Parêsim, Sư gô hil thoi tơ thŭng Gibeôn, wă pơm tơdrong jang Sư, jơ̆ tơdrong jang hơnat păng pơm tơdrong hlĭch chrơp.

Êsai 44:25

Inh pơm pơglăi lê̆ tơdra lu bơngai khan lê̆ adrol hơlĕnh, pơm kơ lu pơjâu jing kơwao; pơm kơ lu bơngai hlôh jing kơtul pơm tơplơ̆ tơdrong hlôh băt sư jing kơtul kơwao dơ̆ng.

Êsai 63:17

Ơ Kră Yang liơ Ih pơm ăn kơ lu nhôn tơklah jrok ataih kơ trong gơlong Ih? Liơ Ih pơm ăn lăm jơhngơ̆m lu nhôn arăng ưh kơ hli kơ Ih? Apinh Ih wih hơlơ̆k bĕ yua kơ lu đĭch đam Ih, păng yua kơ lu adrĕch adrung jing mŭk tơmam Ih.

Êsai 65:7

Tơdrong yoch kơnê̆ lu sư hăm tơdrong kơnê̆ yă 'bok lu sư.” Kră Yang khan: “Yua kơ lu sư soh bơih 'long 'bâu phu kơpal lu kông, păng pơma kơnê̆, blei hiap Inh kơpal lu groi na Inh gô phak jô̆ akŭm đĭ dôm tơdrong yoch đêl lu sư pơm bơih đơ̆ng adrol sơ̆.

Je 19:7

Lăm anih âu Inh gô tơhiong lê̆ dôm tơdrong lu bơngai Juđa hăm lu bơngai pơlei Jêrusalem chă đon wă pơm. Inh gô ăn kơ kon pơlei lu sư lôch kơ đao 'bơ̆t anăp lu bơngai ayăt kơ lu sư đơ̆ng ti lu bơngai 'maih pơrăm tơdrong arih lu sư; Inh gô jao ăn kơ kon sem bri sem păr sa akâu lôch lu sư.

Je 49:7

Gah dêh char Eđôm: 'Nâu Kră Yang Tih Hloh khan: “Lăm pơlei Têman ưh pă đei bơngai gơh hơgei boih hă? Lu bơngai gơh hơgei ưh pă đei đon pơđâu boih hă? Tơdrong hơgei sư hiong đĭ boih hă?

Ob 1:8

Kră Yang khan: Hăm trŏ lăm năr noh, inh gô pơlôch dôm lu bơngai hơgei đơ̆ng lăm pơlei Eđôm? Păng dôm lu bơngai hlôh wao đơ̆ng kông Êsâu?

Habakuk 1:5

“Lăng bĕ tơ lăm lu dêh char, na ih 'bôh hlĭch păng chrêu kơ đon! Yua kơ Inh oei gô đei wă pơm lăm chăl ih, mă khan đei bơngai roi kơ iĕm ră, Mă-lei iĕm ưh kơ lui.

Luka 10:24

Inh khan kơ iĕm tơpă, đei lơ bơngai pơtruh nơ̆r 'Bok Kei-Dei păng lu đe 'bok pơtao sơ̆ 'maih 'bôh tơpă dôm tơdrong mă iĕm 'bôh dang ei ră, mă-lei lu sư ưh kơ đei 'bôh ôh. Lu sư 'maih mơ̆ng dôm tơdrong iĕm kơtơ̆ng dang ei ră, mă-lei lu sư ưh kơ đei kơtơ̆ng ôh.”

Rom 1:28

Yua kơ bơ̆n kuă kơ kơkuh kơ 'Bok Kei-Dei Kră Yang tih-tin na 'Bok Kei-Dei achăng lê̆ bơ̆n ăn kơ bơ̆n jing kơtul pơm yoch ling-lang.

I Kor 3:19

Dôm tơdrong hơgei ala teh âu 'Bok Kei-Dei lăng thoi tơdrong kơtul đĕch, kư̆m thoi sơ̆p hla bơar 'Bok Kei-Dei chih khan: “Lu bơngai 'bơ̆r đon, sư wă pơm hơgei gah tơdrong pơm kơnê̆ ră, mă-lei 'Bok Kei-Dei băt hloi.”