Êsai 29:10 - Sơ̆p Hlabơar Nơ̆r 'Bok Kei-Dei

¹⁰ Kră Yang đei pơm bơih kơ lu iĕm tep blêk, chĭt lê̆ măt lu iĕm, jơ̆ lu bơngai khan lê̆ adrol, Kră Yang gom kơ̆l lu iĕm bơngai mă đei tơdrong tơ'bôh.

Êsai 29:10 ပူးပေါင်းရင်းမြစ်များ

Horiso 69:23

Ăn kơiĕng lu sư pơpơ̆ hơnơ̆ng ăn kơ măt lu sư tol, ưh pă 'bôh dơ̆ng.

Êsai 29:14

Thoi noh Inh gô pơm tơdrong hlĭch chrơp kơ kon pơlei âu, đơ̆ng tơdrong hlĭch âu truh tơdrong hlĭch nai. Tơdrong hlôh băt lu bơngai hlôh băt ưh pă yua kiơ, tơdrong hơgei lu bơngai hơgei gô hiong tôch.

Êsai 30:10

Lu sư khan kơ lu bơngai đei tơdrong tơ'bôh: “'Nĕ pă 'bôh;” khan kơ lu bơngai khan lê̆ adrol: “'Nĕ pă khan lê̆ adrol kơ lu nhôn gah tơdrong sĭt. Pơma roi bĕ kơ lu nhôn tơdrong nhôn lăp đon chơt, roi bĕ kơ lu nhôn tơdrong 'bôh ưh kơ đei tơpă.

Êsai 43:27

'Bok tơm lu iĕm sơ̆ pơm yoch bơih, bơngai pơtruh nơ̆r lăm lu iĕm pơm glăi blah Inh bơih.

Êsai 44:18

Lu bơngai noh ưh kơ băt păng ưh kơ tơchĕng lăng yua kơ măt lu sư tep na ưh kơ 'bôh, jơhngơ̆m đon lu sư kư̆m chĭt lê̆ na lu sư ưh kơ hlôh.

Je 4:9

Kră Yang khan: “Lăm năr noh. Lu pơtao păng lu kră pơgơ̆r jơhngơ̆m lu sư rŭng răng; lu 'bok soi hli tơrơ, lu bơngai khan lê̆ adrol gô kơmăp lăl.”

Nhom 4:14

Lu sư yak rok trong thoi bơngai măt tol; đơ̆ng pham đe mă lu sư pơm kơnê̆. Dĭng mah pă đei bu pơ̆n pel ao tai lu sư.

Êsêkiên 14:9

“Tơdah đe pơhlŭ bơngai khan lê̆ adrol na sư khan lê̆ adrol pơma minh nơ̆r ayơ noh, Inh boih Kră Yang lê̆ kơ đe pơhlŭ bơngai khan lê̆ adrol noh, păng Inh gô yơ̆r ti pơm plơ̆ kơ sư păng pơlôch pơrăm lê̆ sư đơ̆ng lăm kon pơlei Isơrael Inh.

Mi 2:6

“'Nĕ pă bơtho dơ̆ng,” lu sư bơtho. Lu sư ưh kơ bơtho tơdrong noh, Tơdrong mơlâu ưh kơ weh đơ̆ng lu sư.

Mi 3:1

Thoi noh na inh khan thoi âu: Lu yŏng kơdră Jakôp păng lu bơngai pơgơ̆r hnam Isơrael, mơ̆ng bĕ! Hăm trŏ kơ lu iĕm athei băt kơ tơdrong tơpăt?

Mi 3:6

Yua kơ thoi noh măng mu gô gom lê̆ lu iĕm na ưh pă đei tơdrong kiơ tơ'bôh kơ lu iĕm lu iĕm gô oei lăm măng mu na ưh pă đei khan lê̆. Adrol dơ̆ng, măt 'năr gô mơ̆t măng mu kơ lu bơngai khan lê̆ adrol noh păng kơ'năr gô jing măng mu tăp dăr kơ lu sư.

Rom 11:8

Tơdrong noh thoi tơdrong đe chih roi tơ lăm sơ̆p hla bơar 'Bok Kei-Dei sơ̆ thoi âu: “'Bok Kei-Dei ăn kơ lu sư jing bơngai kơtul. Lu sư đei ră măt ưh kơ gơh 'bôh, đei ră đon ưh kơ kơtơ̆ng truh tơ dang ei hloi.”

II Kor 4:4

Yŏng yang sơmăt pơgơ̆r tơ ala teh âu pơm kơ lu bơngai ưh kơ lui dang bơngai măt tol, wă kơ lu sư ưh kơ 'bôh tơdrong hơdah Yêsu Krist pơchrang kơ lu sư. Thoi noh na lu sư ưh kơ hlôh tơdrong 'nao 'lơ̆ng Yêsu Krist. Yêsu Krist boih hơbŏ thoi Kră Yang 'Bok Kei-Dei.

I Sam 26:12

Na, Đawit iŏk tơju hăm get đak sư 'bơ̆t cheng kơ̆l sư, đơ̆ng noh bre sư weh, ưh kơ đe bu 'bôh dah băt păng kư̆m ưh kơ đe bu hơđơ̆r; yua kơ Kră Yang pơm ăn kơ lu sư tep blêk.

I Sam 9:9

Sơ̆ bơngai Isơrael, dah bơngai bu wă krao chă Kră Yang 'Bok Kei-Dei, ngăl khan: Bĕ bơ̆n năm tơ'bơ̆p 'bok băt lê̆ adrol; bơngai mă bơ̆n krao 'bok khan lê̆ adrol.