Êsai 28:21 - Sơ̆p Hlabơar Nơ̆r 'Bok Kei-Dei

²¹ Kră Yang gô iung pơm thoi Sư pơm tơ kông Parêsim, Sư gô hil thoi tơ thŭng Gibeôn, wă pơm tơdrong jang Sư, jơ̆ tơdrong jang hơnat păng pơm tơdrong hlĭch chrơp.

Êsai 28:21 ပူးပေါင်းရင်းမြစ်များ

II Sam 5:20

Đawit năm tơ pơlei Baal Phêrasim, 'nâu mă anih tơblah jei sư. Đawit khan: “Kră Yang blah pơchah lu bơngai ayăt 'bơ̆t anăp inh, thoi đak blah pơchah bơnơ̆;” na sư anăn anih 'nâu pơlei Baal Phêrasim.

II Sam 5:25

Đawit kiơ̆ tôm tơdrong Kră Yang bơtho pơkă kơ sư; sư blah druh bơngai Philistin đơ̆ng Gibeôn truh tơ Geser.

I Ho 14:11

Na Đawit hăm lu buăl sư tŏk năm tơ Baal Phêrasim, na tơ noh Đawit blah lu linh Philistin jei sư; Đawit khan: “Kră Yang 'Bok Kei-Dei đei yua ti inh blah pơchah lê̆ lu bơngai ayăt kơ inh, nhen thoi đak blŭng kơ bơnơ̆ pơchah.” Thoi noh na đe krao anih noh Baal Pêrasim.

I Ho 14:16

Na Đawit pơm thoi nơ̆r Kră Yang 'Bok Kei-Dei pơkă ăn; păng lu sư blah pơrăm lu linh Philistin đơ̆ng Gibeôn truh tơ Geser.

Horiso 94:16

Bu gô iung blah lu bơngai pơm kơnê̆ Ăn kơ inh? Bu gô dŏng inh pơm kơ lu bơngai pơm kơnê̆?

Êsai 10:12

Mă-lei mưh Kră Yang pơkeh tơdrong jang Sư kơ kông Siôn păng pơlei Jêrusalem, Sư gô phak pơtao Asiri, yua kơ jơhngơ̆m sư pơang păng măt sư lăng pơrŏ.

Êsai 28:19

Rim wơ̆t tơdrong anat anot truh, sư gô rôp ba lu iĕm tơ nai, sư gô truh, rim pơgê hrôih, kơ'năr kư̆m thoi kơmăng. Lu iĕm gô hli tơrơ dêh dah hlôh băt kơ nơ̆r bơtho noh.

Êsai 29:14

Thoi noh Inh gô pơm tơdrong hlĭch chrơp kơ kon pơlei âu, đơ̆ng tơdrong hlĭch âu truh tơdrong hlĭch nai. Tơdrong hlôh băt lu bơngai hlôh băt ưh pă yua kiơ, tơdrong hơgei lu bơngai hơgei gô hiong tôch.

Êsai 29:23

Mưh lu sư 'bôh lu kon hơ'lơ̆p sư, jơ̆ tơdrong jang đơ̆ng ti Inh pơm kơ lu sư, lu sư gô pôk pơyom kơ anăn Inh 'lơ̆ng rơgoh băt pơyom kơ Tơ'ngla 'lơ̆ng tơpăt Jakôp, păng gô hli yom kơ Kră Yang 'Bok Kei-Dei đe Isơrael.

Êsai 64:2

Nhen ŭnh sa 'long ŭnh kro, nhen ŭnh pơm kơ đak blôk, wă kơ lu bơngai ayăt băt kơ anăn Ih. Đĭ kơ teh đak tơtey 'bơ̆t anăp Ih.

Êsai 65:7

Tơdrong yoch kơnê̆ lu sư hăm tơdrong kơnê̆ yă 'bok lu sư.” Kră Yang khan: “Yua kơ lu sư soh bơih 'long 'bâu phu kơpal lu kông, păng pơma kơnê̆, blei hiap Inh kơpal lu groi na Inh gô phak jô̆ akŭm đĭ dôm tơdrong yoch đêl lu sư pơm bơih đơ̆ng adrol sơ̆.

Je 30:14

Bơngai mă pơgơ̆p hăm iĕm hiơt kơ iĕm boih, lu sư ưh pă hiơ̆k kơ iĕm boih, Inh teh iĕm rơka thoi lu ayăt teh. Inh teh phak lu iĕm kư̆m thoi lu bơngai kơnê̆ phak, Yua kơ tơdrong kơnê̆ iĕm trăp tơpă, tơdrong yoch iĕm lơ dêh.

Nhom 2:15

Lu bơngai yak rok trong 'bôh iĕm lu sư tap ti, Hiĕk ăr tơtreh kơ̆l, Yua kơ 'bôh kon adruh Jêrusalem, Hăm trŏ kơ 'nâu pơlei tih mă đe khan pơlei tih pơlei 'lơ̆ng rŏ, đei chơt hiôk kơjăp kơ teh đak?

Nhom 3:33

Yua kơ noh ưh kơ sĭ đơ̆ng Kră Yang pơm ăn kơ kon bơngai pơmat-tat păng ơh sơ'ngon.

Êsêkiên 33:21

Lăm năr pơđăm khei mơjĭt, sơnăm mơjĭt-'bar đơ̆ng rŏng kơ lu nhôn jing bơnă đe, đei minh 'nu bơngai klaih đơ̆ng pơlei Jêrusalem năm tơbăt kơ inh: “Pơlei Jêrusalem đe iŏk boih.”

Habakuk 1:5

“Lăng bĕ tơ lăm lu dêh char, na ih 'bôh hlĭch păng chrêu kơ đon! Yua kơ Inh oei gô đei wă pơm lăm chăl ih, mă khan đei bơngai roi kơ iĕm ră, Mă-lei iĕm ưh kơ lui.

Jôsuê 10:10

Kră Yang pơm ăn kơ lu linh ayăt hli rŭng răng kơdâu tơklah tơklang 'bơ̆t anăp linh Isơrael, lu bơngai Isơrael tơblah ayăt jei jơnei tih jê̆ pơlei Gibeôn, lu linh Isơrael druh lu ayăt tŏk tơ trong suăn kơ pơlei Bêt Hôrôn, blah drŭt lu sư truh tơ pơlei Asêka păng pơlei Makkêđa.

Jôsuê 10:11

Kơplah lu linh ayăt kơdâu ôn kơ lu linh Isơrael, lu sư jur tơ krang đơ̆ng pơlei Bêt Hôrôn, truh tơ Asêka, Kră Yang ăn 'mi prĕl tih thoi tơmo đơ̆ng plĕnh, jur păng lu linh ayăt lôch kơ 'mi prĕl tih noh lơ hloh, kơ lu linh Isơrael pơlôch hăm đao gưm.

Jôsuê 10:12

Lăm năr Kră Yang jao kon pơlei Amôrit lăm ti bơngai Isơrael, Jôsuê pơma dơnuh hăm Kră Yang 'bơ̆t anăp lu kon pơlei Isơrael: Ơ Măt 'năr, dơ̆ng bĕ 'bơ̆t pơlei Gibeôn; Ơ Măt khei, dơ̆ng bĕ 'bơ̆t Thŭng Aijalôn!