Êsai 28:2 - Sơ̆p Hlabơar Nơ̆r 'Bok Kei-Dei

² 'Nâu, Kră Yang đei minh 'nu bơngai pran kơtang. Nhen thoi kial hơbŭt 'mi prĕl, nhen kial bah pơrăm, nhen đak tih blai kơ thong. Sư gô klơ̆m tơhuŏng lê̆ sư tơ teh.

Êsai 28:2 ပူးပေါင်းရင်းမြစ်များ

Jop 22:16

Đe rôp ba pơlôch lu sư adrol kơ năr pơkă, tơm tơdrong arih lu sư đe tơhiong hoch ro kiơ̆ đak glung;

Êsai 25:4

Ih boih Kră Yang jing anih kơjăp lu bơngai dơnuh gơnang. Pơlei hơđơ̆ng ăn kơ lu bơngai hoh kơđei kơplah năr pơmat-tat, pơm anih kơ'nơp năr kial hơbŭt, pơm yơ̆p wă huay kơ tŏ, kơplah lu bơngai pơm kơnê̆ khĕnh lu sư lĕch thoi hơyuh kial hơbŭt tơthu bah tơ dur pơlei.

Êsai 27:1

Lăm năr noh, Kră Yang gô yua đao gưm arăng, Tih păng pran kơtang wă phak: Lêwiathan jơ̆ 'bih hơbĕch hơbal, phak Lêwiathan jơ̆ 'bih đŏng đĕo păng Sư gô pơlôch kơ-nang-grai lăm đak dơsĭ.

Êsai 29:6

Kră Yang Tih Hloh gô yua grơ̆m glaih, teh pơpơ̆, jơwa re, păng pla ŭnh soh phak lu sư.

Êsai 30:28

Hơyuh Sư dui jơhngơ̆m thoi glung lơ̆p blai truh tơ ako, Sư wă um pơliĕng rim teh đak hăm tơdrong pơrăm păng sư yua dam pơhơ̆p tơ kon pơlei păng ba lu sư năm trong jrok.

Êsai 30:30

Kră Yang gô pơm ăn kơ đe kơtơ̆ng jơwa nơ̆r rŏ krưp Sư, Sư gô tơ'bôh kơ đe kơkŏng ti Sư tơjur, lăm tơdrong Sư hil mĭl, thoi kơ ŭnh dơhlông sa, thoi kial hơbŭt, thoi 'mi prĕl.

Êsai 32:19

Mă đơ̆ng 'mi prĕl jruh lăm bri brah păng pơlei tih gô pơchah răm.

Êsai 40:10

To Kră Yang jur hăm tơdrong mơsêh mơyang, păng Sư pơgơ̆r hăm ti pran kơtang Sư To, lu bơngai mă Kră Yang dŏng pơklaih gô năm hơdai Sư.

Êsai 8:6

“Yua kơ kon pơlei âu sơngah kơ krong đak Silôa ro 'lơ̆ng rơnang, mă-lei hiôk kơ Rêsin hăm kon drŏ-nglo Rêmalia.

Êsêkiên 13:11

Na khan bĕ kơ lu bơngai bah chŭr tơ dur, dur noh gô hơlih. 'Mi tih gô lơ̆p, 'mi prĕl gô jur; păng kial hơbŭt gô truh.

Êsêkiên 38:9

Ih gô năm tơ anăp blah nhen thoi kial hơbŭt, thoi hơmơ̆l gom lê̆ teh noh, ih păng lu linh hăm lơ adrĕch adrung kiơ̆ ih.

Da 9:26

Đơ̆ng rŏng kơ tơdrâu-jĭt 'bar 'măng giĕng noh; Yang mă đe tuh đak rơmă noh đe gô pơrăm lê̆ păng pă đei kiơ dơ̆ng. Đei kon pơlei 'bok pơtao gô truh wă pơrăm lê̆ pơlei tih păng anih rơgoh; tuch-luch sư kư̆m thoi đak lơ̆p, đei tơdrong tơblah dĭng tôch; jing juơ juŏ thoi đei pơkă.

Na 1:8

Gah lu bơngai ayăt kơ Kră Yang đak lơ̆p pơrăm anih lu sư păng druh lu ayăt kơ Sư kơdâu mơ̆t lăm tơdrong măng mu.

Jôsuê 10:11

Kơplah lu linh ayăt kơdâu ôn kơ lu linh Isơrael, lu sư jur tơ krang đơ̆ng pơlei Bêt Hôrôn, truh tơ Asêka, Kră Yang ăn 'mi prĕl tih thoi tơmo đơ̆ng plĕnh, jur păng lu linh ayăt lôch kơ 'mi prĕl tih noh lơ hloh, kơ lu linh Isơrael pơlôch hăm đao gưm.

Tơdrông Tơ'bôh 18:8

Yua kơ sư khan thoi noh na lăm minh năr hloi dôm tơdrong pơmat truh hloi kơ sư, tơdrong lôch, tơdrong nhơ̆m hmoi, tơdrong pơngot rơwĕt, tơdrong truh ŭnh sa pơlei pơla sư. 'Bok Kei-Dei Yang tih tên grên gô phak thoi noh tơpă.”

Tơdrông Tơ'bôh 8:7

Lăp linh jang 'lơ̆ng mă mônh hlôm keng, na đei hloi 'mi prĕl tih tơpă. Păng đei ŭnh hăm pham huŏng đơ̆ng plĕnh truh tơ teh, ŭnh sa pơđĭ minh lăm pêng pah teh đak. Lu 'long, ŭnh sa đĭ minh lăm pêng pah, tôm kơ 'nhĕt kư̆m lei-lăi sa pơgoh hloi.